ISAIA 2
2
1OHÓ he Isaia ovi Amọsi tọn mọ gbọn Juda po Jelusalẹm po dali. 2To enẹgodo to azán podo gbè, yè na yí yonu owhé OKLUNỌ tọn hẹnai to aga osó daho lẹ tọn ji, yè na sọ ze e yì oji hu i osó pẹvipẹvi lẹ; akọta lẹ na sọ lìn biọ é mẹ. 3Gbẹtọ susu wẹ na yì bo na dọmọ, mì wá na mí ni yì osó OKLUNỌ tọn ji, yì, owhé Jiwheyẹwhe Jakob tọn tọn gbè; ewọ na sọ plọn ali etọn mí, mí na sọ zinzọnlin to omọ́ etọn mẹ, na Ziọni wẹ osẹ́n na tọ́nsọn yì, ohó OKLUNỌ tọn sọn Jelusalẹm. 4E na dawhẹ̀ to akọta lẹ ṣẹnṣẹn, é na wọhẹ omẹ susu: yé na sọ yí ohi yetọn do tùn agbogọdọẹ: akọta ma to na zé ohi do akọta ji bà, mọ yé ma to na plọ́n awhànfun bà.
5Jakob whégbètọ emì, mì wá, mì gbọ mí ni zinzọnlin to hinhẹn OKLUNỌ tọn mẹ. 6Enewutu wẹ hiẹ gbẹ́ ome towe Jakob whégbètọ lẹ dai, na yé gọ̀ sọn whèzizẹ dali, bo sọ basidọdinọ, di Filistini lẹ, yé sọ to onú he yé jlo wà to ovi jonọ lẹ tọn mẹ. 7Aigba yetọn sọ gọ́ na Fataka po sika po ga, adọkunnu yetọn ma sọ do ojlẹ; aigba yetọn gọ́ na osọ́, mọ kẹkẹ yetọn ma sọ do hihia. 8Aigba yetọn gọ́ na vodun ga; yé sọ to alọnuzọ́n yewlọsu tọn sẹ̀n, ehe alọviyẹyẹ́ yewlọsu tọn ko basi. 9Omẹ vọnu sọ litai, omẹ he diyín sọ whiwhẹ ede, enẹwutu a jona yé blo. 10Biọ awinyan mẹ, bo whla dewe do kọgudu mẹ, na osi OKLUNỌ tọn po gigo yẹyi daho etọn tọn po wutu. 11Yè na whiwhẹ nukun goyítọ lẹ tọn dai, yè na sọ zín sakla gbẹtọ lẹ tọn. OKLUNỌ dopo kẹdẹ wẹ yè na zé daga to azán lọ gbè. 12Na azán OKLUNỌ awhànpa lẹ tọn na tin to ota na mẹdepope he yín goyítọ: bo sọ yín saklanọ, podọ to ota na mẹdepope he yè zé daga; ewọ wẹ yè na sọ whiwhẹ dai. 13To ota na kẹdletin Liban tọn he dite, he yè zé daga lẹpo, podọ to ota na kini-tin Basan tọn lẹpo. 14To osó daho lẹpo ji, podọ to osé pẹvipẹvi he yè zé daga lẹpo ji. 15To atọhọ̀ daho lẹpo ji, podọ to dòkọ lẹpo ji. 16To ohún Talṣìṣi tọn lẹpo ji, podọ to boṣiọ he jlomẹ lẹpo ji. 17Yè na sọ zín ota gbẹtọ goyítọ lẹ tọn dai, yè na sọ whiwhẹ sakla gbẹtọ lẹ tọn dai: OKLUNỌ dopo kẹdẹ wẹ yè na zé daga to azán lọ gbè. 18Vodun lẹ na sọsúdo gbidigbidi. 19Yé na biọ odò osé tọn lẹ mẹ, podọ oslo aigba tọn mẹ na osí OKLUNỌ tọn wutu, na gigo yẹyi daho etọn tọn wutu, whenuena ewọ fọ́n nado whàn aihon ginanginan. 20To azán lọ gbè gbẹtọ na zé fataka vodun etọn podọ sika vodun etọn he yé basi omẹ dopodopo na ede nado sẹ̀n dlan ajaka po asọpla po. 21Nado yì odò osókla tọn mẹ podọ aga osókla zizẹ tọn ji, na osí OKLUNỌ tọn wutu, podọ na gigo yẹyidaho etọn tọn, whenuena ewọ fọ́n nado whàn aihọn ginanginan. 22Mì jagọ son gbẹtọ de, gbigbọ mẹhe tọn tin to awòntin etọn mẹ: na etẹ mẹ wẹ yè na hia ẹ do?
Currently Selected:
ISAIA 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.