OHÀN SỌLỌMỌNI TỌN 8
8
1HIẸ do sọgan taidi nọvisunnu na mi,
He nọ́ anọ́ onọ ṣie tọn!
Yẹn do mọ we to gbonu yẹn do donùnugona we;
Nugbo, yè ma do yí mi do yìnaslan gba.
2Yẹn do doalihohia we, yẹn do hẹn
we wá ohò onọ ṣie tọn mẹ,
Hiẹ do plọ́n mi:
Yẹn do hẹn we nù sọn ovẹ̃n owán vivinọ mẹ,
Po osìn sinsẹ́n glanadi tọn po.
3Amìyọnlọ etọn do tin to oglọ ota ṣie tọn,
Adusilọ etọn do dòn mi do ogo.
4Yẹn dègbèna mì, mì viyọnnu Jelusalẹm tọn emì,
Dọ mì doadán mẹyiwanna ṣie blo, mì sọ fọ́n ẹn blo,
Kaka ewọ lọsu na do jlo.
5Mẹnu wẹ ehe hẹji sọn zùngbomẹ ja he,
He zènmẹ mẹyiwanna etọn?
Yẹn fọ́n we dote to atin sinsẹ́nnọ glọ:
Finẹ wẹ onọ towe ji we do,
Finẹ wẹ ewọ he ji we ji we do.
6Zé mi do otùnu di ohia de, di ohia de to awa towe go:
Na owanyi dohuhlọn di okú;
Awuwhan sọ sinyẹn di yọ̀do;
Jiji etọn taidi akán tọn,
He tindo mìyọnlọ sinsinyẹn OKLUNỌ lọ tọn.
7Susu osìn tọn ma sọgan ṣimìyọn owanyi tọn,
Mọ gigọ otọ̀ tọn ma sọgan plọ ẹ sọ yì
Eyín gbẹtọ dojlo yí agbàn owhé etọn gbè tọn lẹpo na owanyi,
E na yín nuvivlẹ gbidigbidi.
8Milẹ tindo nọviyọnnu pẹvi de,
E ma tindo anọ́:
Etẹ wẹ mi na wa na nọviyọnnu
Mítọn gbẽgbe yè na dọhó etọn?
9Eyín ewọ yín adó de,
Milẹ na gbá ahọluwhé fataka tọn de do e ji?
Eyín ewọ sọ yín hòntonu de,
Mí na yí owhlẹ Kẹdali tọn do sú i.
10Adó de wẹ yẹn, anọ́ ṣie sọ taidi atọhọ:
Whenẹnu to nukun etọn mẹ yẹn taidi omẹ he mọ jijọho.
11Sọlọmọni tindo vẹ̃ngle de to Baal-hamọni;
E yí vẹ̃ngle lọ do dopakana nuhọtọ lẹ;
Omẹ dopodopo wẹ do na hẹn fataka fọtọ́n dopo wá na sinsẹ́n etọn dopo.
12Vẹ̃ngle ṣie he yín ṣie, é tin to nukọn ṣie:
Hiẹ Sọlọmọni na tindo fọtọ́n lọ,
Yé he to sinsẹ́n họ́ lẹ na tindo fòde.
13Hiẹ he nọ nọ̀ opá mẹ,
Ogbọ́ towe lẹ tùntóai hlan ogbè towe:
Hẹn mi sè e ga.
14Yawu, mẹyiwanna ṣie,
Na hiẹ ni taidi owhín asi kavi Agbanlin pẹvi to osé owánvivinọ ji.
Currently Selected:
OHÀN SỌLỌMỌNI TỌN 8: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.