1 SAMUẸLI 31
31
1DINVIE Filistini lẹ to avùnhò hẹ Islaeli: omẹ Islaeli tọn lẹ sọ họ̀nyì sọn Filistini lẹ nukọn, bo jai alántọ́siọ to osé Gilboa ji. 2Filistini lẹ sọ to Sauli yàn badabada, po visunnu etọn lẹ po; Filistini lẹ sọ hù Jonatani, po Abinadabi po, po Malkisua po, visunnu Sauli tọn lẹ. 3Awhàn lọ sọ yì sinyẹnsinyẹn talala do Sauli ji, ogásẹ́tọ lẹ sọ pla ẹ; yè sọ hẹn nukunbia ẹ talala gbọn ogásẹ́tọ lẹ tọn dali. 4Whenẹnu wẹ é dọ hlan awhàngbajahẹntọ etọn dọ, Dọ̀n ohi tòwe sún, bo yí do sọ́ mi luntọ́n; magbowhẹ́nọ helẹ nikã wá bo sónú mi luntọ́n, bo vlẹ mi Ṣigba awhàngbajahẹntọ etọn ma jlo gba; na ewọ yín avọ̀satọ talala. Enẹwutu Sauli yí ohi etọn, bo dẹ́ jẹ e ji. 5Whenuena awhàngbajahẹntọ etọn mọ dọ Sauli yín oṣiọ, ewọ mọga dọ́ jẹ ohi etọn ji, bo kú po e po. 6Mọwẹ Sauli kú, po visunnu etọn atọ̀n lẹ po, po awhàngbajahẹntọ etọn po, po omẹ etọn lẹpo po, to azán doponẹ gbè dopọji. 7Whenuena omẹ Islaeli tọn lẹ he tin to awà awetọ agbadò tọn ji, po yé he tin to Jọdani gododọ̃n lẹ po, mọ dọ omẹ Islaeli tọn lẹ họ̀nyì, podọ Sauli po visunnu etọn lẹ po yín oṣiọ, yé gbẹ́tòdaho lẹ dai, bo họ̀nyì; Filistini lẹ sọ wá bo nọnọ̀ yé mẹ.
8E sọ wá jọ to aihọ́ngbe, whenuena Filistini lẹ wá nado klọnnú sọn alántọsiọ lẹ go, wẹ yé mọ Sauli po visunnu etọn atọ̀n lẹ po jai do osé Gilboa ji. 9Yé sọ sán ota etọn sẹ́, bo klọn awhàngbaja etọn sẹ̀, bo do omẹ hlan aigba Filistini lẹ tọn ji lẹ́do, nado hẹn owẹ̀n lẹ yì ohọ̀ boṣiọ yetọn lẹ tọn mẹ, podọ yì gbẹtọ lẹ de. 10Yé sọ yí awhàngbaja etọn do ohọ̀ Asitalọti tọn mẹ: yé sọ whè gotolio etọn do adó Bẹti-sani tọn go 11Whenuena tòmẹnu Jabẹsi-gileadi tọn lẹ sè gbọn ewọ tọn dali enẹ he Filistini lẹ ko wà hlan Sauli, 12Omẹ tudotọ lẹpo tite, bo yì to ozán mẹ, bo yí gotolio Sauli tọn po gotolio visunnu etọn lẹ tọn lẹ po sọn adó Bẹti-sani tọn go; yé sọ wá Jabẹṣi, bo mẹ́ yé to finẹ. 13Yé sọ bẹ́ ohú yetọn lẹ, bo di yé do atin tamaliski sá to Jabẹṣi mẹ, bo blanù azán ṣinawe.
Currently Selected:
1 SAMUẸLI 31: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.