2 SAMUẸLI 1
1
1E sọ wá jọ to okú Sauli tọn godo, whenuena yè hẹn Davidi lẹ́gọ̀ sọn hùhù Amalẹkinu lẹ tọn gbé, bọ Davidi ko nó azán awe to Ziklagi mẹ; 2yèdọ é sọ wá jọ to azán atọ̀ntọ gbè, wẹ, dayi e go, dawe de tón wá sọn osla mẹ sọn Sauli de po avọ̀ etọn lẹ po tintlẹn, to okọ́ po to ota etọn: podọ mọwẹ é, yín, whenuena é wá Davidi de, wẹ é dé hlan aigba, bo kanwhébiọ. 3Davidi sọ dọ hlan ẹn dọ, Fiẹ hiẹ sọn wá? Ewọ sọ dọ hlan ẹn dọ, Osla Islaeli tọn mẹ wẹ yẹn hóngán sọn. 4Davidi sọ dọ hlan ẹn dọ, Nawẹ whẹ́hó lọ yì do? yẹn vẹ́ we, dọ na mi. Ewọ sọ gblọnhó dọ, Yè hẹn gbẹtọ lẹ họ̀nyì sọn awhànfuntẹn, yè sọ hẹn gbẹtọ lẹ jai bo kú; Sauli po Jonatani visunnu etọn po sọ yín oṣiọ ga. 5Davidi sọ dọ hlan yọ̀pọ sunnu he dọ nẹ̃ lọ dọ, Nawẹ hiẹ yọnẹn do dọ Sauli po Jonatani visunnu etọn po yín oṣiọ? 6Yọpọ sunnu lọ hedọ nẹ́ sọ dọmọ, Le yẹn yítẹn gbọn okòsọ dali to osé Gilboa ji, dayi e go, Sauli zẹ́nmẹnú to owhán etọn ji; bo, pọ́n, kẹkẹ lẹ po osónọ lẹ po to yìnyan ẹn badabada. 7Whenuena é pọ́n godo etọn, é mọ mi, bo ylọ hlan mi, Yẹn sọ gblọn dọ, Yẹn tin to ofi; 8Ewọ sọ dọ hlan mi dọ, Mẹnu wẹ hiẹ? yẹn sọ gblọn nẹ̃ dọ, Amalẹkinu de wẹ yẹn. 9E sọ dọ hlan mi dọ, Nọte, to dẽ, yẹn vẹ̀ we, bo hù mi, na awufiẹsa ko hẹn ogo e; na agbẹ́ ṣie gbẹ́ sọ tin blebu to yẹn mẹ wutu. 10Mowẹ yẹn sọ nọte to e dali, bo hù i, na yẹn yín yónẹnnọ dọ é ma sọgan nọ̀gbẹ̀ to godo he yè ko hẹn ewọ jai gba: yẹn sọ yí ojẹgbakun he tin to ota etọn, po awàgàn he tin to awà etọn po, bo ko sọ hẹn yé wá fìle jẹ klunọ ṣie de. 11Whenẹnu wẹ Davidi hẹn avọ̀ etọn lẹ go, bo tlẹn yé; mọga wẹ omẹ he tin to e de lẹpo: 12Yé sọ blawu bo viavi, bo blanù kaka jẹ whèjai, na Sauli, podọ na Jonatani visunnu etọn, podọ na omẹ OKLUNỌ tọn lẹ, podọ na owhé Islaeli tọn; na yè hẹn yé jai gbọn ohi dali wutu. 13Davidi sọ dọ hlan yọ̀pọ sunnu lọ he dọ nẹ̃ dọ, Fiedali hiẹ sọn? Ewọ sọ gblọn dọ, Visunnu ojonọ de tọn yẹn yín, Amalẹkinu de. 14Davidi sọ dọ hlan ẹn dọ, Etẹwutu hiẹ ma yín avọ̀satọ nado dè alọ towe jẹgbonu nado và mẹyíamisisádodè OKLUNỌ tọn? 15Davidi sọ ylọ dopo sọn yọ̀pọ sunnu lẹ mẹ, bo dọmọ, Yi sẹpò, bo jẹ́ e ji. Ewọ sọ hò e bọ é kú. 16Davidi sọ dọ hlan ẹn dọmọ, Ohùn towe tin to ota towe; na onù towe dekunnu do oji we, dọmọ, Yẹn hù mẹyíamisisádodè OKLUNỌ tọn.
17Davidi sọ yí avigbè he do doavigbè do Sauli ji podọ do Jonatani visunnu etọn ji: 18Ewọ degbèna yé ni plọn ovi Juda tọn lẹ ohàn ogá lọ tọn: dayi e go, yè wlan ẹn do owé Jasali tọn mẹ.
19Islaeli E, yè hù gigo towe to ofi ylaga towe lẹ ji!
Nawẹ yè hẹn huhlọnnọ lẹ jai do le!
20A dọ ẹ to Gati mẹ blo,
A sọ lá ẹ to alihogbo Aṣikelọni tọn lẹ ji blo;
Viyọnnu Filistini lọ tọn lẹ nikã jaya,
Viyọnnu whẹ́magbonọ lẹ tọn lẹ nikã jaglin.
21Mì osé Gilboa tọn lẹ,
Mi dike ahún kavi jikun tin to mì ji blo, kavi danji avọ́ nunina lẹ tọn lẹ:
Na awọ́yínu huhlọnnọ lẹ tọn finẹ yè zédlangbe tata te,
Awọ̀yínu Sauli tọn yè ma yí amì do samisisána.
22Sọn ohùn alántọsiọ lẹ tọn mẹ, sọn ojó huhlọnnọ lẹ tọn mẹ,
Ogá Jonatani tọn ma nọ gò do godo,
Ohi Sauli tọn ma sọ nọ lẹ́gọ̀ agbá.
23Sauli po Jonatani po yín mẹvivó podọ vivinọ to ogbẹ́ yetọn lẹ mẹ,
Podọ to okú yetọn mẹ yè ma klan yé gba;
Yé yín awuyatọ hú akùn lẹ,
Yé sọ yín sinsinyẹn hú kinnikinni lẹ.
24Mi viyọnnu Islaeli tọn lẹ, mi viavi do Sauli ji,
Mẹhe nọ doavọ̀ mì to avọ̀vẹ̃ṣẹṣẹ mẹ po awuvivi po,
Mẹhe nọ yí asọdonu sika tọn lẹ do aṣọvò mìtọn ji.
25Nawẹ yè hẹn huhlọnnọ lẹ jai to ogbla awhànfuntẹn tọn mẹ do le!
Yè hù Jonatani to ofi yìaga towe lẹ ji.
26Yè hẹn nukunbia mi na we, nọvisunnu ṣie Jonatani:
Vivinọ talala hiẹ ko yín hlan mi:
Owanyi towe hlan mi yín nújiawu,
Zizẹ̀ owanyi yọnnu lẹ tọn go.
27Nawẹ yè hẹn huhlọnnọ lẹ jai do le,
Bọ sunnuwànu awhàn tọn lẹ sọ dọn!
Currently Selected:
2 SAMUẸLI 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.