Ubwandilo 36

Aba nndujụ̄ngu lwa Esabu

1Aba bo banndujụ̄ngụ lwa Esabu uju bịkuti Etomụ.

2Esabu ālyegịle abakị̄kulu ukufụma nkikolo kya ba Kanānị, Andala umwana gwa Elonị ugwakikolo kya ba Hịfị, Oholịbama umwana unndindwana gwa Ana, uju āli mwịsukulu gwa Sịbejonị ugwa kikolo kya Bahịfị. 3Na Basematị umwana unndindwana gwa Isịmailị ulị̄lūmbu gwa Nebajotị. 4Andala jo alinkumpāpila Esabu umwana, uju īngamụ jake āli jo Elịfasị: Basematị alinkumpāpila Esabu Lwelị. 5Oholịbama alinkumpāpila Esabu, Jebusị, Jalamụ na Kola. Bababa bo bāna aba Esabu aba āpāpịle nkị̄su kya Kanānị.

6Po papo Esabu alinkubēga abakasị na bānāke abanyambala na bakị̄kulu, kangi na ba nnyụ̄mba jāke. Pamopēne ni ng'ōmbe syake, ni mịtị̄mo gyake, ni fị̄ngị fyosa ifị ākabịle nkị̄su kya Kanānị; alinkubūka kulubafụ lwa fyamba fya Seịlị, kubutalị nu nnụgụna Jakobụ. 7Āsāmịle papo ifyuma f̣yabo ifị bākabịle fyali fị̄ngị fị̄jo po balinkutolịgwa ukujēnga pamopēne, ubujo bulinkusịta kubafwana, panōngwa ja ng'ōmbe isị bāli nasyo. 8Buno buno Esabu alinkwakujēnga nkị̄su kya mfyamba fya Seịlị.

9Aba bo ba nndujụ̄ngụ lwa Esabu, ugwịse gwa banya Endomụ nkị̄su kya mfyamba fya Seịlị. 10Īngamụ sya bāna ba Esabu syo isị: Elịfasị uju Esabu ālimpāpịle mụ nkasị Andala, Lwelị uju Esabu ālimpāpịle mụ nkasị Basematị. 11Abāna ba Elịfasị bo aba: Temanị, Omalị, Sefa, Gatamu na Kenasị. 12Elịfasị umwana gwa Esabu alinkumpāpa Amalekị mwa Tịmụna unkasị gwa mmbutị̄tu. Bababa bo bāna ba Andala unkasị gwa Esabu. 13Abāna ba Lwelị bo aba: Nahatị, Sela, Syamma na Mịsa. Bababa bo bāna ba Esabu aba mụnkasị Basematị. 14Abāna ba Esabu aba mụ nkasị Oholịbama umwana unndīndwana gwa Ana, uju āli mwịsukulu gwa Sịbejonị, Oholịbama ālimpāpịle Esabu abāna aba: Jebusị, Jalamụ na Kola.

15Aba bo bāli balōngosị mbāna ba Esabu. Aba bāfụmịle mwa Elịfasị umwana gwa Esabu ugwakipānda, abalōngosị bāli bo aba: Temanị, Omalị, Sefa, Kenasị. 16Kola, Gatamu na Amelekị; bababa bo balōngosị aba bāfụmịle nndujụ̄ngụ lwa Elịfasị, nkị̄su kya Etomụ: bali bāna ba Andala. 17Aba bo bāna ba Lwelị umwana gwa Esabu; aba bāli balōngosị bo aba: Mahatị, Sela, Syamma na Mịsa. Bababa bo bāli balōngosị aba bāfụmịle mwa Lwelị nkị̄su kya Etomụ, bo aba bāpāpị̄gwe mwa Basematị unkasị gwa Esabu. 18Abāna ba Esabu aba āpāpịle mụnkasị Oholịbama bo aba: Jebusị, Jalamụ na Kola. Bababa bo bāli balōngosị aba āpāpịle Oholịbama unkasị gwa Esabu, umwana unkị̄kulu gwa Ana. 19Bababa bo ba nndujụ̄ngụ lwa Esabu uju jo Etomụ, kangi bababa bo aba bāli balōngosị bābo.

Abankikolo kya Seịlị

20Aba bo bāna ba Seịlị ugwa kikolo kya Holị, aba bāli bēne-kị̄su kila: Lotanị, Syobalị, Sịbejonị na Ana. 21Ndịsyonị, Eselị na Ndịsyanị. Bababa bāli balōngosị nkikolo kya Holị, abāna ba Seịlị nkị̄su kila ikya Etomụ. 22Abāna ba Lotanị bo aba: Holị na Hemamụ, ulị̄lūmbu gwa Lotanị āli jo Tịmụna. 23Abāna ba Syobalị bo aba: Alufanị, Manahatị, Ebatị. Syefo na Onamụ. 24Abāna ba Sịbejonị bo aba: Aja na Ana uju ājāgịle īnyị̄buko ja mīsi amapyu bo ịkutị̄ma īmbụ̄nda sya gwịse Sịbejonị. 25Aba bo bāna ba Ana: Ndịsyonị na Oholịbama, umwana unkị̄kulu ugwa Ana. 26Aba bo bāna ba Ndịsyonị: Hemụndanị, Esịbanị, Ịtalanị, na Kyelanị. 27Aba bo bāna ba Eselị: Bilahani, Safanị na Akanị. 28Aba bo bāna ba Ndịsyonị: Usị na Alanị. 29Aba bāli balōngosị nkikolo kya Holị bo aba: Lotanị, Syobalị, Sịbejonị na Ana. 30Ndịsyanị, Eselị na Ndịsyanị, bababa bo bāli balōngosị mmbankikolo kya Holị bo mụmo bājīlị̄le mfịkolo fyabo nkị̄su kya Seịlị.

Abanyafyale ba nkị̄su kya Etomụ

31Aba bo banyafyale bābo aba bātalịle ukulagila nkị̄su kya Etomụ bo akāli nukujako na jumo unndagilị mbany'Ịsịlaelị. 32Bela umwana gwa Beolị jo āli nndagili gwa kāja ka Lịnịhaba. 33Bo afwịle Bela, Hababu umwana gwa Sela uju āfụmịle kukāja ka Bosịla jo alinkuja nndagilị mbujo bwake. 34Bo Jobabụ afwịle po papo Hụsyamụ uju āfụmịle nkikolo kya baTemanị alinkuja nndagilị mbujo bwake. 35Bo afwịle Hụsyamụ po Handatị umwana gwa Belalị, uju ābatolịle mbwịte abā kikolo kya Mịtyanị, nkị̄su kya Moabu, jo alinkuja nndagilị mbujo bwake, īngamụ ja kāja kāke akakulūmba āli jo Abịtị. 36Bo afwịle Handatị, po Samụla uju āfụmịle ku kị̄su kya Masịleka jo alinkuja nndagilị mbujo bwake. 37Bo afwịle Samụla, Syanụlị uju āfụmịle nkāja ka Lehobotị, pa bupị̄pị nu lwisi lwa Fụlatị, jo alinkuja nndagilị mbujo bwake. 38Bo afwịle Syaulị. Bālị-hananị umwana gwa Ākịba jo alinkuja nndagilị mbujo bwake. 39Bo afwịle Bālị-hananị umwana gwa Ākịba po papo Handa alinkuja nndagilị mbujo bwake. Akāja kāke ali jo Pau, unkasi āli jo Mehetabelị kāna Mateletị, umwana unndīndwana gwa Mesahabu.

40Sịsịsị syo ngamụ sya balōngosị aba bāfụmịle nndujụ̄ngụ lwa Esabu, ukukōngana nifịkolo fyabo, na mbujo bwabo, abēne aba bāli balōngosị bo aba: Jịmụna, Alịfa, Jetetị. 41Oholịbama, Ela, Pịnonị. 42Kenasị, Temanị, Mịbịsala. 43Magalyeli na Ị̄lamụ. Bababa bo bāli balagilị ba kị̄su kya Etomụ, ugwịsabo Esabu, ubujo bwabo kukuti kikolo bwegaga īngamụ ja kikolo kila kila.

Currently Selected:

Ubwandilo 36: NYB96

Highlight

Copy