ZACARIAS 3
3
Sacerdotekunapa jefen Josueyta revelacionpi qawasqanmanta
1Chaymantam Tayta Diosqa revelacionniypi qawachiwarqataq sacerdotekunapa jefen Josueyta. Josueyqa sayachkasqa Tayta Diospa angelninpa ñawpaqninpim, Josueypa *f**alleq lawninpiñataqmi sayachkasqa Satanas payta acusananpaq. 2Hinaptinmi Tayta Diosñataq chay acusananpaq sayaq Satanasta qaqcharqa kaynata:
—Satanas, ñoqa Tayta Diosmi qamtaqa qaqchayki. Jerusalen llaqtata akllakuq ñoqa Tayta Diosmi qamtaqa qaqchayki. Josueyqariki rupachkaq ninamanta kañakuchkaq kaspi hina horqoykusqam —nispa.
3Josueyqa qachallaña pachayoqmi Tayta Diospa angelninpa qayllanpi sayachkarqa. 4Hinaptinmi chay angelqa yanapaqninkunata kamachirqa:
—Chay qachallaña pachankunataqa chusturuychikyá —nispa.
Josueyta qawarispanmi nirqa:
—Chay pachaykikuna chusturuchkaq hinam mana allin rurasqaykikunataqa qechuruykiña, chaynaqa suma-sumaq pachakunawanñam pachaykachisqayki —nispa.
5Chaymantam payqa yanapaqninkunata kamachirqa:
—Josueypa umanmanyá wankiychik limpio uma wankiwan —nispa.
Chaynapim paykunaqa Josueypa umanta wankiykuspanku suma-sumaq pachakunawan hinachirqaku. Chaynataqa rurarqaku Tayta Diospa angelnin chayllapiraq sayachkaptinmi.
6Chaymantam Tayta Diospa angelninqa Josueyman kaynata nirqa:
7—Llapallan Kamachiq Tayta Diosmi nisunki: “Sichum ñoqapa munasqayman hina kawsaspa nanachikunaykipaq qosqayta cumplispaqa temploypim kamachikunki, temploypa pationpi kaqkunatapas qamtaqmi nanachikunki, chaynata ruraptikiqa kay yanapaqniykunawan kuskatam churasqayki. 8Chaynaqa allintayá uyariway, Sacerdotekunapa Jefen Josuey, uyariwachuntaqyá qanwan huñunakuq sacerdotekunapas, qamkunaqariki kankichik hamuq kaqkunamanta señal hinam. Ñoqaqa Ikllirimuq sutiyoq siervoytam pusamusaq. 9Ñoqam churaruni Josueypa ñawpaqninpi qanchis waqtayoq rumita, chay rumipiqa ñoqam qellqasaq. Huk punchawllapim ñoqaqa kay nacionniyoq runakunapa mana allin rurasqankuta qechurusaq. Llapallan Kamachiq ñoqa Tayta Diosmi chaynata nini. 10Chay punchaw chayaramuptinqa qamkunam qayanakunkichik uvas plantaykichikpa hinaspa higos sachaykichikpa llantuyninpi hawkalla tiyakunaykichikpaq. Llapallan Kamachiq ñoqa Tayta Diosmi chaynata nini.”
Currently Selected:
ZACARIAS 3: QUEAYA87
Highlight
Share
Copy
Want to have your highlights saved across all your devices? Sign up or sign in
