ZACARIAS 2
2
Revelacionpi tupuna cordel rikusqanmanta
1Huktawan qawarispaymi revelacionniypi rikururqani tupuna cordel aptarayachkaq runata. 2Chaymi payta tapurqani:
—¿Maytataq richkanki? —nispa.
Hinaptinmi payñataq niwarqa:
—Ñoqaqa richkani Jerusalen llaqta tupuqmi, chaynapim yachamusaq imayna anchoyoqmi hinaspa imayna largoyoqmi kasqanta —nispa.
3Hinaptinmi qawachkaptiy chay ñawpaq rimayawaqniy angel pasakurqa hinaptinmi huk angelñataq taripaykamuspan 4nirqa:
—Wak cordel aptarisqa mozoman kallpaspaykiyá kaynata nimuy: “Mana murallayoqñam Jerusalen llaqtaqa runakunapa *f**yachasqan kanqa, chaynaqa kanqa runakunapas hinaspa animalkunapas nana-nanaq kasqanraykum. 5Ichaqa Tayta Diosmi kaynata nin: ‘Jerusalen llaqtapa muyuriqninpiqa ñoqam kasaq nina muralla hina, kanchariyniypas kanqa chay llaqtapa chawpinpim’ nispa.”
Runankunataqa Tayta Diospuni salvananmanta
6Tayta Diosmi nin kaynata:
¡Yaw norte lawpi *f**yachaqkuna,
qamkunaqa chaymantayá ayqekuychik!
¡Tukuy hinastinmanmi cheqerachikichik!
7¡Babilonia nacionpiña yachakuq
Sion llaqtayoqkunaqa ayqeypaqyá-ayqekuychik!
8Kanchariyninwan kachamuwaqniy Llapallan Kamachiq
Tayta Diosmi kaynata nin,
qamkunata salteaq nacionkunapa contranpi kaq
Tayta Diosmi kaynata nin:
Ñawi ruruy tuksiruqmanmi rikchakun
qamkunata imanarusuqnikichikpas runaqa.
9Chaynaqariki castigasaqmi paykunataqa
Sirvientenkunallam qechurunqa paykunataqa.
Chaynapim yachankichik Llapallan Kamachiq
Tayta Dios kachamuwasqantaqa.
10Yaw Sion Moqopi *f**yachaqkuna,
chaynaqa qamkunayá takiychik.
Yaw Sion Moqopi *f**yachaqkuna,
chaynaqa qamkunayá kusikuychik.
Ñoqaqariki qamkunamanñam hamuchkani.
Qamkunawan *f**yachanaypaqñam hamuchkani.
Chaynatam Tayta Diospa nisqanta nini.
11Chay punchawpiqa achkallaña nacionkunam
Tayta Diosman hukllawakunqaku.
Chaymi payñataq ninqa kaynata:
Ñoqapa runaykunañam kanqa
kay huklaw nacionniyoq runakunapas.
Qamkunawanñam kawsasaq ñoqapas.
Yachankichiktaqmi Llapallan Kamachiq
Tayta Dios kachamuwasqantapas.
12Tayta Diosmi sapaqchakusqan allpapi
huktawan Juda nacionniyoq runankunata
herenciata hina chaskinqa.
Jerusalen llaqtatapas Tayta Diosmi
huktawan llaqtanpaqña akllanqa.
13Chaynaqa llapallan runakunayá
upallachun Diospa qayllanpiqa.
Chuya *f**yachanan hanaq pachamanta
hatarimuspanmi hamuchkanña payqa.
Currently Selected:
ZACARIAS 2: QUEAYA87
Highlight
Share
Copy
Want to have your highlights saved across all your devices? Sign up or sign in
