ZACARIAS 4
4
Candeleromantawan aceitunas sachakunamanta
1Ñawpaqta ñoqawan rimaq angel kutiramuspanmi puñuruq runata rikchachichkaq hina ñoqata rikchachiwarqa 2hinaspam niwarqa:
—¿Imatataq qawachkanki? —nispa.
Hinaptinmi ñoqañataq nirqani:
—Ñoqaqa qawachkani qori-puromanta rurasqa candelerotam, chay candeleroqa kasqa umanpi waqaychana aceiteyoqmi, chaypa waqtanpiñataqmi kasqa qanchis mecherokuna, chay mecherokunamanqa aceitem chayasqa qanchis tubontakama. 3Chay candeleropa waqtanpiñataqmi kachkan iskay aceitunas sachakuna, huknin sacham kachkan chay aceite waqaychanapa *f**alleq lawninpi hukninñataqmi *f**ichoq lawninpi —nispa.
4Hinaptinmi ñoqañataq chay rimapayawaqniy angelta tapurqani:
—Taytáy ¿ima ninantaq kaykunaqa? —nispa.
5Hinaptinmi chay angelñataq niwarqa:
—¿Manachum yachanki kaykunaqa ima ninanmi kasqanta? —nispa.
Hinaptinmi ñoqañataq nirqani:
—Manam Taytáy —nispa.
6Chaymi angelñataq Zorobabelman willanaypaq Llapallan Kamachiq Tayta Diospa nisqanta kaynata niwarqa:
—Manam tropakunawanchu nitaq kallpawanchu aswanqa espirituywanmi. 7Hatun orqo ¿pitaq qamqa kanki? Qamqa Zorobabelpa ñawpaqninpim chutarikuq pampamanña tikrakurunki. Templota qespichinanpaq rumita horqoptinmi llapa runakuna ninqaku: “¡Ima sumaqmi, ima sumaqmi!” nispanku.
8Tayta Diosqa niwarqataqmi:
9—Kay templopa cimientonkunataqa Zorobabelmi churachirqa hinaspaqa hina kikintaqmi qespichinqa —nispa.
Chaynapim yachankichik Llapallan Kamachiq Tayta Dios kachamuwasqanta. 10Templo rurayta qallaykuptinku “¿Imansi qespirachinqaku?” niqkunam kunanqa qespichichkaqtaña Zorobabelta qawaykuspa kusikunqaku. (Kay kanchaq qanchis mecherokunaqa rikchakun tukuy hinastin qawaq Tayta Diospa ñawinkunamanmi.)
11Hinaptinmi ñoqañataq tapurqani:
—¿Ima ninantaq wak candeleropa *f**alleq lawninpi hinaspa *f**ichoq lawninpi sayaq aceitunas iskay sachakunaqa? —nispa.
12Tapurqanitaqmi:
—¿Ima ninantaq qori tubowan tupanakuq wak aceitunas sachapa iskay kallmankunaqa? Wak qori tubonkunatamiki aceiteqa qelluy-qelluyllaña kallparichkan —nispa.
13Hinaptinmi angelñataq rimapayawarqa:
—¿Manachum yachanki kaykunapa imam ninantaqa? —nispa.
Chaymi ñoqañataq nirqani:
—Manam taytáy —nispa.
14Hinaptinmi payñataq willawarqa:
—Kaykunaqariki aceitewan talliykachikuspam sapaqchasqa kachkanku Tukuy Kay Pachapi Kamachikuq Señorta servinankupaq —nispa.
Currently Selected:
ZACARIAS 4: QUEAYA87
Highlight
Share
Copy
Want to have your highlights saved across all your devices? Sign up or sign in
