Lucas 6
6
Samana punchawpi espigakunata rachusqankumanta
(Mt 12.1-8; Mr 2.23-28)
1 #
Dt 23.25. Jesusmi tarpusqa chakrapa chawpinta samana punchawpi richkarqa, hinaptinmi discipulonkunañataq trigopa espigankunata rachuspanku makinkupi qaqospa mikurqaku. 2Chaymi fariseokuna:
¿Imanasqataq qamkunaqa samana punchawpi mana ruwana kaqkunata ruwachkankichik? nispanku.
3 #
1~S 21.1-6. Jesusñataqmi nirqa:
¿Manachum qamkuna leerqankichik Davidwan puriqmasinkuna yarqaymanta kaspanku imam ruwasqankuta? 4#Lv 24.9.Da-vidmi Diospa wasinman yaykuruspan Diospaq sapaqchasqa tantakunata sacerdotekunapa mikunallan kachkaptinpas hurqoramuspan mikururqa, hinaspam puriqmasinkunamanpas qoykurqa. 5Runapa Churinqa samana punchawpapas Señorninmi, nispa.
Onqoqta samana punchawpi sanoyachisqanmanta
(Mt 12.9-14; Mr 3.1-6)
6Huk kutipim, samana punchawpi sinagogaman Jesús yaykuspan yachachiyta qallaykurqa; chaypim kachkarqa alleq makin chakisqa runa. 7Diospa leynin yachachiqkunawan fariseokunañataqmi Jesusta qawarqaku samana punchawpi pitapas sanoyarachiptinqa chaywan acusanankupaq. 8Chayna piensasqankuta Jesús yachaspanmi chakisqa makiyuq runata nirqa:
Hatarispayki chawpinkupi sayay, nispa.
Chawpinkupi sayaykuptinmi, 9chaypi kaqkunata Jesús nirqa:
Tapusqaykichikyá: ¿Imatataq samana punchawpi ruwachwan? ¿Allin kaq ruwaytachu icha mana allin kaq ruwaytachu? ¿Runa kawsachiytachu icha wañurachiytachu? nispa.
10Chaymantam muyuriqninpi runakunata qawarispan onqoqta kamachirqa:
Makikita haywariy, nispa.
Haywariykuptillanmi makin sanoyarurqa. 11Paykunañataqmi llumpayta piñakuspanku Jesusta imatapas ruwarunankupaq tanteanakurqaku.
Jesuspa chunka iskayniyuq apostolninkunamanta
(Mt 10.1-4; Mr 3.13-19)
12Chay punchawkunapim Jesusqa orqoman qespirqa Taytanta mañakunanpaq, hinaspam chaypi tukuy tuta mañakurqa. 13Achikyaramuptinmi discipulonkunata qayaykuspan paykunamanta chunka iskayniyuqta akllarqa. Paykunatam apostolwan suticharqa. 14Paykunam karqa: Pedrowan sutichasqan Simón, Pedropa wawqen Andrés, Jacobo, Juan, Felipe, Bartolomé, 15Mateo, Tomás, Alfeopa churin Jacobo, Zelotewan sutichasqanku cananista Simón, 16Jacobopa wawqen Judas hinaspa Judas Iscariote, paymi Jesusta traicionarurqa.
Achkallaña runakunata sanoyachisqanmanta
(Mt 4.23-25)
17Jesusmi paykunawan orqomanta uraykamuspan huk pampapi sayaykurqa. Chaypim llapa discipulonkunawan achkallaña runakuna huñunakururqaku, chay runakunam Judea lawmanta, Jerusalenmanta hinaspa lamar qochapa patanpi kaq Tiro llaqtamantawan Sidón llaqtamanta hamurqaku. Hamurqakuqa Jesuspa yachachisqanta uyarinankupaq hinaspa onqoyninkumanta sanoyachisqa kanankupaqmi. 18Chaymi mana allin espiritukunapa ñakarichisqan runakunapas sanoyarqaku. 19Onqoqkunata atiyninwan sanoyachiptinmi llapa runakunañataq Jesuspa pachallantapas llapchaykuyta munarqaku.
Jesuspa yachachisqanmanta
(Mt 5.1-12)
20Jesusñataqmi discipulonkunata qawarispan nirqa:
Mayna kusisqam wakchakunaqa kankichik, Diospa munaychakuyninpas qamkunapaqmi.
21Mayna kusisqam kankichik kunan yarqaymanta kaqkunaqa, qamkunaqa saksachisqam kankichik.
Mayna kusisqam kankichik kunan waqaqkunaqa, qamkunaqa asikun-kichikmi.
22 #
1~Pe 4.14. Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa. 23#2~Cr 36.16; Hch 7.52.#2~Cr 36.16; Hch 7.52.Chaynata ruwasuptikichikqa kusikuymantayá pawaykachaychik, qamkunaqa hanaq pachapim hatun premiota chaskinkichik. Kay runakunapa ñawpaq taytankunapas chaynatam llapa profetakunata ñakarichirqaku.
24¡Ay, imaynaraq kankichik llapa apukuna! Qamkunaqa ñam kusikurunkichikña.
25¡Ay, imaynaraq kankichik llapa saksasqa runakuna! Qamkunapas yar-qaymantam kankichik.
¡Ay, imaynaraq kankichik kunan asikuqkuna! Qamkunapas llakimantam waqankichik.
26¡Ay, imaynaraq kankichik llapallan runakunapa hatunchasqan runakuna! Kay llapa runakunapa ñawpaq taytankupas chaynatam llapa llulla profetakunata hatuncharqaku.
Ama vengakunapaq Jesuspa yachachisqanmanta
(Mt 5.38-48; 7.12)
27Haykam uyariwaqniykunatam ichaqa nikichik: Enemigoykichikkunatayá kuyaychik, cheqnisuqnikichik runakunapaqpas allin kaqtayá ruwaychik, 28ñakasuqnikichiktayá bendeciychik, kamisuqnikichik runakunapaqpas Diostayá mañapuychik. 29Sichum pipas huknin uyaykipi laqyasuptikiqa, huknin uyaykitawanyá qoykuy. Pipas capaykita qechusuptikiqa tunicaykitawan qoykuy. 30Pipas mañakuqnikimanqa qoykuyá, sichum pipas imaykitapas qechusuptikiqa amañayá mañaychu. 31Chaynaqa, imaynam qamkunapaq runamasikichik ruwananta munankichik, chaynatayá qamkunapas paykunapaq ruwaychik.
32Sichum kuyasuqllaykichikta kuyas-paqa, ¿ima allintataq ruwachkankichik? Huchasapakunapas kuyaqnintaqa kuyanmi. 33Sichum allin ruwaqllaykichikta allinta ruwaspaqa, ¿ima allintataq ruwachkankichik? Huchasapakunapas chaytaqa ruwanmi. 34Sichum pimanpas imatapas chaskinaykichikraykulla qospaqa, ¿ima allintataq ruwachkankichik? Huchasapakunapas imatapas chaskirunanraykuqa prestanmi. 35Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi. 36Qamkunapas Dios Taytanchik hina kuyapayakuqyá kaychik.
Ama pitapas juzganamanta
(Mt 7.1-5)
37Amayá runamasikichiktaqa juzgaychikchu chaynapi mana juzgasqa kanaykichikpaq. Amayá pitapas condenaychikchu chaynapi mana condenasqa kanaykichikpaq. Runamasikichiktaqa pampachaychikyá chaynapi pampachasqa kanaykichikpaq. 38Runamasikichikman qospaykichikqa, tupuman hinam llimpay-llimpayta hinaspa huntay-huntayta chaskikunkichik. Imaynam runamasikichikwan ruwasqaykichikta hinallam qamkunawanpas Dios ruwanqa, nispa.
39 #
Mt 15.14. Chaynata niruspanmi kay rikchanachiyta nirqa:
¿Yaqachu huk ñawsa ñawsamasinta pusayta atinman? ¿Manachum iskayninku uchkuman wichiykunqaku? 40#Mt 10.24-25; Jn 13.16; 15.20.Discipuloqa manam yachachiqninmanta aswan yachayniyuqchu, chaywanpas allin yachaykunata chaskiruspanqa yachachiqnin hinam kanqa.
41¿Imanasqataq wawqekipa ñawinpi qopataraq qawanki, kikikipa ñawikipi kaspita mana qawakuchkaspaqa? 42Ñawikipi kaspi kachkaptinqa, ¿imaynataq wawqekita niwaq: “Ñawikipi qopata hurqorusqayki” nispaqa? ¡Yaw, iskay uya! puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.
Sachataqa rurunpi reqsinamanta
(Mt 7.17-20; 12.34-35)
43Manam allin sachaqa mana allin rurutaqa rurunmanchu, nitaqmi mana allin sachapas allin rurutaqa rurunmanchu, 44#Mt 12.33.sachataqa reqsinchik ruruyninpim. Kichkaqa manam higostaqa rurunmanchu, nitaqmi tankar kichkamantapas uvastaqa pallachwanchu. 45#Mt 12.34.Allinkuna ruwaq runaqa allin kaqkunata sonqonpi waqaychasqanmantam allin kaqkunata hurqomun, mana allin runañataqmi mana allin kaqkunata sonqonpi waqay-chasqanmanta mana allin kaqkunata hurqomun. Runaqa imatapas sonqonpi waqaychasqantam riman.
Iskay cimientokunamanta
(Mt 7.24-27)
46“Señorlláy, Señorlláy” niwachkas-paykichikqa, ¿imanasqataq nisqaykunataqa mana ruwankichikchu? 47Ñoqaman hamuspa nisqaykunata kasukuspa ruwayman churaq runakunataqa tupa-chiyman, 48taqrata tarinankama uch-kuspan chaypa hawanpi wasinpa cimientonta hatarichiq runamanmi. Lloqlla chayamuspanpas chay wasitaqa allin ruwasqa kasqanraykum mana tuñichiyta atinchu. 49Nisqayta uyarichkaspan mana ruwayman churaqtam ichaqa tupachini, allpapa hawallanpi wasinpa cimientonta hatarichiq runaman. Lloqlla chayaramuspanmi chay wasitaqa chaylla tuñirachispan purmarachirqa, nispa.
Currently Selected:
Lucas 6: RCQ12
Highlight
Share
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012