Mariko 13

Yesu alomaloma hu husihiriswa hw'Enyuumba ya Nasaae

(Mat 24:1-2; Luk 21:5-6)

1Mani niyali hwatula sa ati mu Nyuumba ya Nasaae, mulala hu beeki bae yamuboolera ati, “Omweekesa, bonaho esiroonyo sy'amakina neende esiroonyo sy'ebyoombahe!” 2Nae Yesu yamuboolera ati, “Ewe mani oli ohubona ebyoombahe bihunuufu bino? Sibicha hudoong'a ekina lala nilihaale hu liindi, elitahasukuunwe aasi.”

Ebidinyu neende Ohusaandisibwa

(Mat 24:3-14; Luk 21:7-19)

3Nae Yesu niyali niyehaale hu lugulu lw'Emiseituuni niyewuunjire Enyuumba ya Nasaae, Petero neende Yakobbo alala neende Yowaana neende Anderea bamuteeba mu bweekisi bati, 4“Tuboolereho, lu bino bicha ohweholera, haandi halolero siina ahachia ohubaao lu bino byoosi bicha ohubeerao?” 5Nae Yesu yababoolera ati, “Mweliinde omuundu yeesi atanyala ohubahyaamya. 6Abaandu abaangi bachia ohwiichaanga mu liita lyaange, nibaboola bati, ‘Ese neese oyo mweene,’ mani bachia ohukosa abaandu abaangi. 7Haandi nimuwuliraanga efuma ya maye alala neende embaha yidiira hu maye eyitaali eyadyeeri, mutasaanguluhaanga; olwohuba bino bihoyere ohukwaao, nae enjakamo yiba yisisiiri ohwoola. 8Olwohuba ebyaalo bicha ohusiingisa eye hu byaalo biindi, haandi obwaami bwosi hu bwaami buundi; ohuteengereha hw'esyaalo huchia ohubaao buli abuundu, enjala yosi yicha ohukwaao; nae bino byoosi binaba biri sa koti enjaako y'obuchuuni bw'engasi ch'ohwiibula.

9 # Mat 10:17-20; Luk 12:11,12. “Nae mweliinde abeene; olwohuba bachia ohubayira mweeme mu biina; haandi bahabahuyire mu sinagoogi; haandi mwaheeme mu moni cha bagafana neende echa abatuki hulwaange, ohutusa obuloli mu moni chaabwe. 10Nae emboosi ndai ya Nasaae yihoyere ohuyaalwa mu syaalo syoosi. 11Nae nibabaletaanga ohuyaaswa haandi nibabadisaanga mu mahono kaabwe, muteyendehereraanga nimweteeba muti hunaboole siina; nae muboole sa bi muba muli nabyo ebiha ebyo, olwohuba haba siniing'we abacha ohulomalomaanga, ohutusaho Mwooyo Mwoolerefu oli mweeng'we niye ochia ohulomalomaanga. 12Mwanaang'ina muundu mweene achia ohumuhobaanga bamwiita, haandi laatang'ene muundu mweene yesi amuhoba bamwiita, haandi abaana bosi bachia ohwefuhuulaanga hu beebusi baabwe nibabeeta. 13#Mat 10:22. Abaandu boosi bachia ohubasyuula hulw'eliita lyaange. Nae oyo owesimiirisa ohwoola hu njakamo niye ochia ohuwonisibwa.

Obuti bw'amakana

(Mat 24:15-28; Luk 21:20-24)

14 # Dan 9:27; 11:31; 12:11. “Nae n'obonaanga esiindu sibi muno nisyeemere yi sitahoyere ohuba, (leha omusomi amanye amahuluundu ka sino), mani mulehe abo abali mu Yudea beeruhire mu ngulu; 15#Luk 17:31. oyo oli hu sirama sy'enyuumba ateeha aasi, kata ateengiraho mu nyuumba yae, yaatusamo esiindu syoosi; 16haandi oyo oli mu ndalo atakaluhaanga mu ngo ohubukula ebyefwaalo byae. 17Nae kabanyoole abo abali asito neende abo abahabe nibanuunia mu ndaalo echo. 18Musabe ebyo bitakwaao mu ndaalo ch'etoocho. 19#Dan 12:1; Hubwi 7:14. Olwohuba mu ndaalo echo, muchia ohubaamo ebinyaaso bitabeechaangao hooho ohutula muhuchaaka hw'esyaalo si Nasaae yaloonga ohwoola buti, haandi haba sibyahabeeo haandi endaalo choosi. 20Nae Omwaami aba nataduduyaho endaalo cheene echo, abulao omuundu yeesi owahawonere; nae hulw'abo ba Nasaae yadoola, yaduduya endaalo echo. 21Nae, omuundu yeesi n'ahuboolera ati, ‘Bone, nga Kristo nguno ali ano,’ kose ati, ‘Bone, ngula ali ala!’ Otafukiiriraanga. 22Olwohuba ba Kristo bobubacha neende abanabbi bobubacha bachia ohwiicha bahole eby'amayia neende ebiwuukisa, ohukosa abadoole ba Nasaae nisinyaliha. 23Nae mweliinde; olwohuba mbao ndahabalabula hale-hale ebiindu bino byoosi nibisisiiri ohwoola.

Ohwiicha hw'Omwaana w'Omuundu

(Mat 24:29-31; Luk 21:25-28)

24 # Yis 13:10; Yoel 2:10,31; 3:15; Hubwi 6:12; Yis 13:10; Esek 32:7. “Nae mu ndaalo echo, ebinyaaso ebyo nibiweere, elyuuba lichia ohwiirima, haandi omwoosi kwosi kuhaye ohwaaduha, 25#Yis 34:4; Hubwi 6:13; Yoel 2:10. eng'ining'ini chichia ohukwichaanga nichitula aakulu, haandi amaani komu miyaka kachia ohudengaanisibwa. 26#Dan 7:13; Hubwi 1:7. Mani bachia ohubona Omwaana w'Omuundu niyeechera mu maleesi neende amaani alala neende oluyaali. 27Mani achia ohutuma bamalaika, bachie babuuse alala abadoole bae ohutula hu mbeka chine ch'esyaalo, ohutulira hu njakamo y'esyaalo ohwoola hu yiindi.

Elyeeko ly'omutuli

(Mat 24:32-35; Luk 21:29-33)

28“Leha mubonere hu mutuli: nimubona nikutusa amasaafu madoto kuti, nimumanya muti, endaalo ch'esiminyu chiri aambi ohwoola. 29Mani sakira, nimubona ebiindu bino nibyeholeha, mumanye muti ali aambi, ali sa hu siruwa bweene. 30Mbaboolera obwadyeeri endi, oluse luno haba silucha huwaao, ebiindu bino nibiteeholeha. 31Ekulu neende esyaalo bicha ohuwaao, nae emboosi chaange haba sichicha ohuwaao daawe.

Abulao omuundu omanyire oludaalo kata ebiha

(Mat 24:36-44)

32 # Mat 24:36. “Nae oludaalo lweene olwo, kata ebiha byeene, abulao omuundu yeesi omanyire, kata bamalaika bo Muukulu, kata Omwaana, nae ohutusaho Laata yeeng'ene. 33Mweliinde, mube meeso; #13:33 mube meeso: Ebyandiiko bihuluundu bihale biindi bimeedaho biti, ‘haandi musabe.’ olwohuba haba simumanyire lu biha bi yahoolere. 34#Luk 12:36-38. Siri koti omuundu ochia hu lukeendo lw'eyale, naaba n'atula mu ngo, aberesa abahalaabani bae obunyala, buli otula neende omulimo kwae, mani yaboolera omuliindi w'ohusiruwa abe meeso. 35Sakira mweliinde olwohuba haba simumanyire lu mweeneengo achia ohwiichira, oba nibyahabe engoloobe, kose mu siro akatikaati, kose mu mabwiibwi, kose echuli-chuli. 36Ataali ao, anyala ohwiicha mabbwooga, mani yaabakaana nibasiikona. 37Mani bi mbaboolera eng'we, mbiboolera abaandu boosi endi: Mube, meeso.”

Currently Selected:

Mariko 13: SAMIA

Highlight

Copy