Popular Bible Verses from Mariko 13

Share

Abaandu boosi bachia ohubasyuula hulw'eliita lyaange. Nae oyo owesimiirisa ohwoola hu njakamo niye ochia ohuwonisibwa.

Mweliinde, mube meeso; olwohuba haba simumanyire lu biha bi yahoolere.

Nae nibabaletaanga ohuyaaswa haandi nibabadisaanga mu mahono kaabwe, muteyendehereraanga nimweteeba muti hunaboole siina; nae muboole sa bi muba muli nabyo ebiha ebyo, olwohuba haba siniing'we abacha ohulomalomaanga, ohutusaho Mwooyo Mwoolerefu oli mweeng'we niye ochia ohulomalomaanga.

Ekulu neende esyaalo bicha ohuwaao, nae emboosi chaange haba sichicha ohuwaao daawe.

“Nae oludaalo lweene olwo, kata ebiha byeene, abulao omuundu yeesi omanyire, kata bamalaika bo Muukulu, kata Omwaana, nae ohutusaho Laata yeeng'ene.

Haandi nimuwuliraanga efuma ya maye alala neende embaha yidiira hu maye eyitaali eyadyeeri, mutasaanguluhaanga; olwohuba bino bihoyere ohukwaao, nae enjakamo yiba yisisiiri ohwoola.

Sakira mweliinde olwohuba haba simumanyire lu mweeneengo achia ohwiichira, oba nibyahabe engoloobe, kose mu siro akatikaati, kose mu mabwiibwi, kose echuli-chuli. Ataali ao, anyala ohwiicha mabbwooga, mani yaabakaana nibasiikona. Mani bi mbaboolera eng'we, mbiboolera abaandu boosi endi: Mube, meeso.”

Olwohuba ebyaalo bicha ohusiingisa eye hu byaalo biindi, haandi obwaami bwosi hu bwaami buundi; ohuteengereha hw'esyaalo huchia ohubaao buli abuundu, enjala yosi yicha ohukwaao; nae bino byoosi binaba biri sa koti enjaako y'obuchuuni bw'engasi ch'ohwiibula.

Nae emboosi ndai ya Nasaae yihoyere ohuyaalwa mu syaalo syoosi.

Abaandu abaangi bachia ohwiichaanga mu liita lyaange, nibaboola bati, ‘Ese neese oyo mweene,’ mani bachia ohukosa abaandu abaangi.

“Nae mweliinde abeene; olwohuba bachia ohubayira mweeme mu biina; haandi bahabahuyire mu sinagoogi; haandi mwaheeme mu moni cha bagafana neende echa abatuki hulwaange, ohutusa obuloli mu moni chaabwe.

Olwohuba ba Kristo bobubacha neende abanabbi bobubacha bachia ohwiicha bahole eby'amayia neende ebiwuukisa, ohukosa abadoole ba Nasaae nisinyaliha.

“Nae mu ndaalo echo, ebinyaaso ebyo nibiweere, elyuuba lichia ohwiirima, haandi omwoosi kwosi kuhaye ohwaaduha, eng'ining'ini chichia ohukwichaanga nichitula aakulu, haandi amaani komu miyaka kachia ohudengaanisibwa.