Popular Bible Verses from Mariko 14

Share

Mani yaaboola ati, “Abba, Laata, Ewe niiwe omunyala w'ebiindu byoosi; nduseho esikoombe sino; nae sitaba koti lu ese ndaha, nae hasibe koti lu ewe mweene odaha.”

Mube meeso mulaame muhaye ohukwa mu mateemo; omwooyo kweene kweenya, nae omubiri nikwo omukata.”

Nae mbaboolera obwadyeeri endi, buli abuundu woosi yi Mboosi Ndai yahayaalirwe mu syaalo syoosi, esiindu si yaholeere sino, bachia ohusilomalomaangaho nibamwichulisa.”

Yesu haandi yababoolera ati, “Ndi neende esibeera esiingi muno, esinyala kata ohuunjita-bwiita; mudoong'e ano mani mube meeso.”

Nae nibali nibalya, Yesu yabukula omugaati, yakusabira ehabi, mani yaakumekula-mekulamo, mani yaababeresa, n'aboola ati, “Mubukule; kuno nikwo omubiri kwaange.”

Haandi yabukula esikoombe, nae niyamala ohweebasa, yasiberesa abeeki bae, mani boosi baasing'waamo. Mani yababoolera ati, “Kano niko amabaanga kaange ak' endagaano, akeediswa hulw'abaandu abaangi.

Mani Yesu yababoolera ati, “Mweesi muchia ohuundulaho; olwohuba syandiikwa siti, ‘Ndahahuye omwaayi, mani amakoondi kasalaane.’

Musiingire, mani huweeo; bone, ochia ohuundyaamo olukwe nguno yoolere.”

Nae Yesu yamuboolera ati, “Huboolera obwadyeeri endi, mu siro sy'olwaleero syeene sino, edaaywa niyisisiiri ohuholyoohera habiri, onaba omalire ohundekaana amahabi kadatu.”