Luka 11

Enjekesa ya Yesu yidiira hu husaba

(Mat 6:9-13; 7:7-11)

1Ludaalo luundi, Yesu yali abuundu wandi nalaama, mani niyamala ohusaba, mulala hu beeki bae yamuboolera ati, “Omwaami, tweekese ohusaba, koti lu Yowaana yekesa abeeki bae.” 2Mani Yesu yababoolera ati, “Nimuba nimusaba, muboleenge muti:

“Seefwe, eliita lyao likinisibwe. Obwaami bwao bwiiche. 3Tuberese buli ludaalo, ebyohulya byeefwe bya buli buhya; #11:3 ebyohulya byeefwe bya buli buhya: Oba bati, ‘ebyohulya byeefwe bya buli nyaanga.’ 4mani otulehere ebyonoono byeefwe, olwohuba efwe beene huleheraanga oyo yeesi otuholera bubi; mani otatuyira mu huteemwa.” 5Mani yababoolera ati, “Ni naanu hweeng'we, oli neende omwiicha, onyala ohuchia yali musiro akati, mani yamuboolera ati, ‘Mwiicha waange, ndeeyoleho emigaati chidatu; 6olwohuba aliwo omwiicha waange owahoola n'atula hu lukeendo, nae mbulaho esiindu syoosi esy'ohumuliisa;’ 7mani nae yakobolamo naali mukati ati, ‘Leha ohunyaasa; olwiiki lumalire ohwikalwao, haandi ese neende abaana baange buli mu buliri; Haba sinyala ohusiingira ndahuba esiindu syoosi’? 8Mbaboolera endi, kata neende n'atahasingiire yamuba esiindu syoosi, olwohuba mwiicha wae, nae hulw'enduyirisi eyo, aba achia ohusiingira amubeerese buli sy'aba n'adaha syoosi. 9Haandi mbaboolera endi, Saba, mani sichia ohuhubeereswa; koonya, mani ochia ohunyoola; hong'oonda, mani ochia ohwikulirwao. 10Olwohuba osaba yeesi abereswa, haandi buli okoonya yeesi anyoola, haandi buli ohong'oonda yeesi yahekulirwewo. 11Simwaana muundu siina mweeng'we, yi mwaana wae asaba amube #11:11 yi mwaana wae asaba amube: Ebyandiiko bihuluundu bihale biindi biingisamo biti, ‘omugaati, oba achia ohumuberesa ekina; oba naamusaba eng'eeni, onyala ohumuba enjuha mu siha sy'ohumuba eng'eeni.’ 12oba n'amusaba eebuyu, onyala ohumuba engoberanyaanja? 13Nikali mbwe, eng'we abaandu babi, mumanyire ohuberesa abaana beeng'we ebiindu bilai, nae Seeng'we oli Muukulu siyahahirireho ao ohuberesa Mwooyo Mwoolerefu abo ababa nibamusabire!”

Yesu neende Bbelisebbuuli

(Mat 12:22-30; Mrk 3:20-27)

14Olwoola, Yesu niyali yeerusa omusaambwa kwali kutalomaloma; nae omusaambwa okwo nikwali kumalire ohuwaao, omusaacha wali n'atalomalomaanga yachaaka ohulomaloma, mani abaandu bawuka muno. 15#Mat 9:34; 10:25. Nae abaandu baandi bachaaka ohuboola bati, “Wuno yeerusa emisaambwa neende obunyala bwa Bbelisebbuuli, omuhoongo w'emisaambwa”; 16#Mat 12:38; 16:1; Mrk 8:11. nae abaandi, nibeenya ohuteema Yesu, bamusaba ahalolero ohutula Muukulu. 17Nae Yesu, koti luyali n'amanyire ebibaaso byaabwe, yababoolera ati, “Obwaami bwoosi obweekabulanamo obweene-no-bweene buba bucha ohukwa, haandi edaala lyoosi elikabuhanamo likwa bukwa. 18Mani bulaanu Sitaani yesi nikali mbwe yekabuhanie yakabuhanamo omweene-no-mweene, obwaami bwae buba bucha ohuyiindira butye? Olwohuba muli ohuboola muti, njirusa emisaambwa neende obunyala bwa Bbelisebbuuli. 19Mani nikali mbwe njirusa emisaambwa neende obunyala bwa Bbelisebbuuli, nae abaana beeng'we baachiirusa neende obunyala bwa naanu? Sakira abeene abo nibo abachia ohubaheengera omusaango. 20Nae nindehoonyera omuhono kwa Nasaae ohwiirusa emisaambwa, mbao mani Obwaami bwa Nasaae bumalire ohuboolaho. 21Nae omusaacha w'amaani, oli neende ebilwaaniso bimala, mani yaalinda edooho lyae, ebiindu byae byoosi biba byeliindire bulai; 22nae omuundu wuundi omuhiraho amaani, namuseeta mani yamuyingira, amumalaho ebilwaaniso byae bi yali niyeesikire, akabaniamo abaandu baandi ebiindu bi yaba amuyaayireho. 23#Mrk 9:40. Oyo yeesi otaali hu lwaande lwaange, aba ali ohunyiingania, haandi oyo otaali ohuhoonya ohubuusa alala, aba ali ohusakuula sa.

Ohukaluha hw'omusaambwa

(Mat 12:43-45)

24“Omusambwa nikutula mu mundu kukenda nikwambuhana esa enyiingi, nikukonya abuundu w'ohuuluuhira; nae nikutabukaana obuwuluuhiro bwoosi, kwiicha kweboolera okweene kuti, ‘Njicha ohukaluha mu nyuumba yaange yindatulamo eyo.’ 25Mani nukubobela, kwakaana niyeeyerwe haandi niyitekeheebwe bulai. 26Mani kuchia kwaleeta emisaambwa kyaasye kiindi kitaanu-na-bibiri ekikuhira obubi, mani kyeengira kyamenya mu nyuumba omwo; mani obulamu bw'omuundu oyo bwiicha bwabiiya muno bwahiraho koti lu bwali hale.”

Esangaalo lyadyeeri

27Yesu niyaboola sino, omuhasi wuundi mu sidiiyiha esyo, yahuumula mani yaboolera Yesu ati, “Yiri neende ehabi, enda yahukiinga, alala neende embeere chiwanuuna!” 28Nae Yesu yaboola ati, “Bali neende ehabi abo bosi abawulira emboosi ya Nasaae mani bayiholeraho!”

Abeemirisi badaha Yesu ahole esy'amaya

(Mat 12:38-42)

29 # Mat 16:4; Mrk 8:12. Nae ebidiiyiha by'abaandu nibyali nibisyemeeda ohwiicha, Yesu yeecha yaboola ati, “Oluse luno, luse luhola-mbi; lukoonyeresa ahalolero, nae abulao ahalolero hachia ohubabeereswa ohutusaho ahalolero ha Yona. 30#Yon 3:4. Olwohuba koti lu Yona yeecha yaba ahalolero eyiri abaandu bomu Ninefe, nilwo sa koti lu Omwaana w'Omuundu achia ohuba eyiri oluse luno. 31#1 Abat 10:1-10; 2 Biha 9:1-12. Omutuki muhasi ohutula Emwaalo w'esyaalo achia ohusiingira hu ludaalo lw'ohuheengeraho omusaango, yeme neende abaandu b'oluse luno mani abahengere omusaango ohubahira; olwohuba yatula Emwaalo yi syaalo syaakama, yacha ohuwulira amakesi ka Solomooni, nae bone, ano aliwo esiindu esihirira elalira Solomooni. 32#Yon 3:5. Abaandu ba Ninefe bachia ohusiingira hu ludaalo lw'ohuheengeraho omusaango, mani beeme neende abaandu b'oluse luno mani babaheengere omusaango ohubahira; olwohuba, beeyolobya nibawulira ohuyaala hwa Yona, nae bone, ano aliwo esiindu sihirira elalira Yona.

Obulafu bw'omubiri

(Mat 5:15; 6:22-25)

33 # Mat 5:15; Mrk 4:21; Luk 8:16. “Abulao omuundu yeesi owaambianga etaara, mani alita mu liina, oba yaalifunihaho esimweero, nae alita hu siteeni syalyo, hu bulaanu abaandu baba nibeengira mu nyuumba, banyale ohubona obulafu bwalyo. 34Emoni yao niyo etaara ly'omubiri kwao; nae emoni yao eyo niyiri enamu, omubiri kwao kwoosi kuba kwichuule obulafu; nae emoni yao niyitaali enamu, omubiri kwao kwoosi kuba kwichuule esiirima. 35Mani sakira mweliinde, obulafu bubalimo, buteehola esiirima. 36Mani omubiri kwao kwoosi kuba nikwichuule obulafu, nikutaaliho esituundu siri mu siirima, kwoosi kuba kuchia ohuba omulafu, koti etaara lihuhosera neende obulafu bwalyo.”

Yesu afunaana Abafarisaayo neende abeekesa b'Amalako

(Mat 23:1-36; Mrk 12:38-40)

37Yesu niyali n'asilomalomaanga atyo, Omufarisaayo wuundi yeecha yaamusaba achie alye nae; mani Yesu yachia yaalya nae. 38Nae Omufarisaayo oyo yesinduha muno ohubona ati Yesu haba siyesaaba mberi hu yaalya. 39Nae Omwaami yamuboolera ati, “Bulaanu, eng'we Abafarisaayo mwoosa humukulu w'esikoombe neende w'olusaani, nae mu myooyo kyeeng'we bweene mwechula omuluulu neende ebibaaso bibi. 40Abasiru eng'we! Mukaala muti, owahola humukulu oyo, siniye owahola mukati mwosi? 41Nae muyaanire abamanani ebiindu biri mukati w'esikoombe neende w'olusaani, mani abweene ao buli siindu syeeng'we sichia ohuba esilafu syeene.

42 # Lef 27:30. “Nae chibaakaanire eng'we Abafarisaayo! Olwohuba muyaana silala sy'ehumi sy'ebiindu koti ebinjaari neende tangawusi, neende ebihwi biwunya esing'aari, nae mwalekeeresa obwadyeeri neende ohuheera Nasaae; ebiindu koti bino nibyo bi muba muhola nimutalekeeresaho kata silala syosi. 43Chibaakaanire eng'we Abafarisaayo! Olwohuba mwaheera muno obwiihalo buhiramo obulai mu sinagoogi cheeng'we neende ohuheeswa n'oluyaali luungi mu biito. 44Chibaakaanire eng'we! Olwohuba muli koti ebiriindwa byakwalaala bitabonehana, mani abaandu beecha baabiseenaho babibitaho nibataamanyire.”

45Nae mulala hu beekesa b'Amalako yakaluha mu Yesu ati, “Omweekesa, n'olomaloma otyo, mbao fwesi oba otunyeka-bunyeka.” 46Nae Yesu yeecha yaboola ati, “Chibaakaanire eng'we mwesi abeekesa b'Amalako! Olwohuba mudwiiha abaandu emigugu misito chitekiinga, nae eng'we abeene simunyala kata ohukidiiraho n'olwala lweeng'we lulala. 47Chibaakaanire eng'we! Olwohuba muloonga ebiriindwa by'abanabbi ba seeng'we babeeta. 48Mbao muli abaloli, haandi mufukiirisania neende ebiindu bi seeng'we abo bahola; olwohuba nibo ababeeta, nae eng'we ning'we abaloonga ebiriindwa byaabwe. 49Mani sakira Amakesi ka Nasaae kosi kaboola kati, ‘Njia ohubatumira abanabbi neende abatume, abaandi hu abo bachia ohwiitwa, haandi abaandi bachia ohusaandisibwa,’ 50hu bulaanu amabaanga k'abanabbi boosi, akeediswa ohutulira elalira hu huloongwa hw'esyaalo, kahabaanjwe oluse luno, 51#Huc 4:8; 2 Biha 24:20,21. ohutulira elalira hu mabaanga ka Abbeli ohwoola hu mabaanga ka Sakaria, oyo owasihiririra akatikaati w'alutaari neende Abuundu Woolerefu muno esyomu nyuumba ya Nasaae. Eee, mbaboolera endi, amabaanga ako kachia ohubaanjwa oluse luno. 52Chibaakaanire eng'we abeekesa b'Amalako! Olwohuba mwabukula olufunguwo lw'olwiiki lw'amakesi; nae eng'we beene haba simwengira, haandi mweekalira abo boosi abali nibeengira.”

53Nae Yesu niyali n'asiingira n'awaao, abaandiiki b'Amalako neende Abafarisaayo bachaaka ohumwikalirisania muno neende ebiteebo, nibamuteema yemeede ohulomaloma hu biindu biingi, 54ao nibamweliindiriire, nisinyalihana bamudiirire hu siindu syanaboole syoosi.

Currently Selected:

Luka 11: SAMIA

Highlight

Copy