Génesis 35

Jacobqa Betelman kutipun

1Chaymanta Diosqa Jacobta nerqa: Betelman tiyakoj ripuy. Wawqeyki Esaumanta ayqeshajtiyki maypichus noqa rikhurerqayki, chaypi noqapaj uj altarta ruwanki, nispa.#Gn 28.11-17.

2Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej. 3Chantá Betelman risunchej, chaypitaj Diospaj uj altarta ruwasaj, imaraykuchus llakisqa purishajtiy, pay yanapawarqa, jinallataj maymanpis risqaypi payqa noqawanpuni karqa, nispa.

4Jinata Jacob nejtin, ayllonqa tukuy imaymana lantikunata payman jaywarqanku, jinallataj jaluchukunatapis jaywallarqankutaj.#35.4 Jaluchukunata ninrinkuman churakuspa yuyaj kanku tukuy imaymana mana allinkunamanta waqaychananpaj atiyniyoj kasqanta. Ninrinkupi jaluchukunata sajra manchachita jina apaykachayta yachasqanku. Chayrayku Jacob nerqa chaykunapis chinkachisqa kananta. Jacobtaj chaykunata Sichem nisqa qayllapi kaj encina sach'a uraman p'ampaykorqa. 5Chantá paykuna chaynejmanta llojsishajtinku, Diosqa muyuyninkupi llajtayojkunaj sonqonkuman manchachikuyta churarqa. Chayrayku Jacobpa churinkunata mana qhatiykorqankuchu.

6Jacobwan, tukuy runankunawan ima Luz sutiyoj llajtaman chayarqanku. Chay llajtaj ujnin sutenqa Betel karqa, chaytaj Canaán jap'iypi kashan. 7Chaypitaj Jacob altarta ruwarqa, chantá chay cheqata “El Betel”,#35.7 El Betel: Hebreo rimaypi niyta munan: Betelpa Diosnin, nispa. Gn 28.17. nispa suticharqa. Ajinata chay cheqata suticharqa imaraykuchus wawqen Esaumanta ayqekushajtin, chay cheqanejpi Dios payman rikhurisqa.

8Chantá chaypi kashajtinku, Rebecaj uywaqen Débora wañuporqa. Ayantataj Betel qayllapi, encina sach'a uraman p'amparqanku. Chayrayku Jacob chay sach'ata suticharqa: “Waqarikuna sach'a”, nispa.

9Chaymanta qhepaman Jacob Padán Arammanta kutimushajtin, ujtawan Dios payman rikhurerqa, chantá payta samincharqa. 10Nerqataj:

Sutiykeqa Jacob.

Kunanmantarí manaña jinachu sutiyki kanqa.

Aswanpis sutiyki “Israel” kanqa, nispa.

Ajinata Dios Jacobta waj sutiwan suticharqa.

11Chantá Dios Jacobta nillarqataj:

Noqaqa Tukuy Atiyniyoj Dios kani.

Mirayniyki ashkha kachunku.

Qanmanta ashkha runayoj suyukuna rikhurenqanku,

jinallataj mirayniykimanta kuraj kamachejkuna sayarenqanku.

12Noqaqa Abrahamman, Isaacmanwan qosqay jallp'ata qanman qollaykitaj.

Jinataj mirayniykimanpis chay jallp'ata qosaj, nispa.#Gn 17.4-8.

13Chantá Dios riporqa, maypichus Jacobwan parlarqa, chaynejmanta. 14Jacobtaj, maynejpichus Dios paywan parlarqa, chaypi uj rumita oqharispa, sayacherqa. Rumita sayachisqanmantaj vinota jich'aykorqa, chantá aceitewan jawiykorqa. 15Jacob chay cheqatataj “Betel” nispa suticharqa.#Gn 28.18-19.

Raquel wañupun

16Chaymantataj Jacobwan, ayllunwan ima Betelmanta purirerqanku. Efrataman chayanankupaj jinaña kashajtinkutaj, Raquel onqokuspa, uj qhari wawata ñak'ayta paqarichikorqa. 17Mana paqarichikuyta atispa ñak'arishajtintaj, partera nerqa: Ama manchachikuychu, wawaykeqa qharisitumin, nispa. 18Raqueltajrí wañupushaspaña, ñak'ayllataña wawata suticharqa: “Benoní”,#35.18 Benoní: Hebreo rimaypi niyta munan: “Llakiyninmanta wawa”. nispa. Wawaj tatantajrí “Benjamín”, nispa suticharqa.#35.18 Benjamín: Hebreo rimaypi niyta munan: “Munasqa wawa”.

19Ajinata Raquel wañuporqa. Ayantataj Efrataman rinapi p'amparqanku. Chay cheqajta ujnin sutin “Belén” karqa. 20Chantá Jacobqa Raquelpa ayan p'ampasqa patapi rumikunata tawqarqa. Chay tawqasqa rumikuna, Raquel maypichus p'ampasqa karqa, chayta rikuchishan. 21Chantá Israel chaymanta ripuspa, Migdal Edarmanta aswan jaqaynejpi toldonta sayacherqa. 22Uj kutirí chaynejpi Israel tiyakushajtin, kuraj kaj churin Rubén Bilawan puñuykorqa. Bilaqa tatanpa ujnin warmin karqa. Jacobtaj chayta yachaspa, maytapuni phiñakorqa.

Jacobpa churinkuna

Jacobpata churinkuna chunka iskayniyoj karqanku. 23Leapi Jacobpa kuraj kaj churin Rubén karqa, sullk'ankunataj Simeón, Leví, Judá, Isacar, Zabulón ima karqanku. 24Raquelwan rejsisqan churinkunataj karqanku Josewan, Benjaminwan ima. 25Raquelpa kamachin Bilapi churinkuna karqanku Danwan, Neftaliwan ima. 26Leaj kamachin Zilpapi churinkunataj karqanku Gadwan, Aserwan ima. Chaykuna Jacobpa churinkuna karqanku Padán Arampi kashajtin paqarejkuna.

Isaac wañupun

27Chantá Jacob tatan Isaacta watukoj Mamreman rerqa. Chay llajtaj ujnin sutenqa Arba, chayrí Hebrón karqa. Chaypi Abrahamwan, churin Isaacwan ima unay tiyakusqanku. 28Isaacqa 180 watata kawsarqa. 29Pay allin unayniyoj wañupuspa, ñawpa tatankunaman riporqa. Chantá churin Esauwan, Jacobwan ima payta p'amparqanku.

Currently Selected:

Génesis 35: DQDC

Highlight

Copy