Mathiơ 10

Jơt bàr nă cau gơnoar bơto dờng

(Mak 3:13-19; Luka 6:12-16)

1Yàng Jesu hòi jơt bàr nă cau bơtê tus, ai bol khai in gơs gơnoar hơđang ală cà nàng bơtrơh bol gơ, mơ sơmbòi ală bơta kòp jê lơbơn lơño. 2Do la sơnđan jơt bàr nă cau gơnoar bơto dờng: Sơnròp la Simôn, kung sơnđan la Pier mơ Andre la oh khai; Jakơ kòn Sebede mơ Jang la oh khai dê; 3Philip mơ Bathelemi; Thôma mơ Mathiơ la cau dar dia; Jakơ kòn Alphe mơ Thade; 4Simôn cau Kanaan#10:4 Kung geh sơnđan la: Kananean: Gơlik bơh jơnau Aram gơs gơtha la “ngac ngar, duh hul”. Tơnơ̆ wơl, mpồl do geh sơnđan tòm jơnau Grek la “Selôt”, dô mpồl jơnum cau Juda kràñ cê kòñ gơboh di dà lơgar, tòmdră mơ lơgar Rôma. mơ Juda Iskariôt, la cau pơrlơ̆ dră dê Yàng Jesu.

Gơnoar broă cau gơnoar bơto dờng

(Mak 6:7-13; Luka 9:1-6)

5Gen Yàng Jesu sồr jơt bàr nă cau gơnoar bơto dờng do lòt mơ nting lah: “Bañ lòt tus hơ làng bol Bơdìh, mơ bañ mut tòm ƀòn dờng lơi cau Samari dê, 6mơya lòt tus tĕ hơ ală belàt tìs nrah hìu Israel dê. 7Tòm tŭ lòt, bơto yal lah: ‘Lơgar đang trồ neh tus rềp rau.’ 8Sơmbòi tĕ cau kòp jê, sồr cau chơt kis wơl, lơh goh cau dun mơ bơtrơh ală cà. Bol mê neh dòp gòi, gen pà tĕ gòi. 9Bañ cèng màh hala priă hala jền mơ kòng tòm che but bol mê dê; 10#I Kô 9:14; I Tim 5:18.kung bañ cèng kơldung lòt gùng, hala bàr blah ào dơlam, hala gơltau jă, hala gai jra, bơh cau lơh broă pal gơs phan sa. 11Tòm tŭ bol mê mut tòm ƀòn dờng hala ƀòn dềt lơi, gen jòi lùp tĕ tềng hơ̆ gơs cau lơi di pal, gen ơm tĕ bal mơ khai tus di tŭ lik lòt. 12Dơ̆ mut tòm hìu hơ̆, gen ai lơngai tĕ. 13Dilah hìu hơ̆ di pal, gen bơta lơngap lơngai bol mê dê rơp ơm tòm hìu hơ̆; dilah ò, gen bơta lơngap lơngai bol mê dê gơrê wơl hơ bol mê. 14#Broă 13:51.Cau lơi ò wă rò bol mê hala ò iat jơnau bol mê, tŭ lik bơh hìu hơ̆ hala bơh ƀòn dờng hơ̆, gen rtuh tĕ thul bơh di jơng bol mê dê. 15#Mat 11:24; Sơnròp 19:24-28.#Luk 10:4-12.Di ngan Añ đơs mơ bol mê, tòm ngai cahrña, lơgar Sôdôm mơ Gômôrơ rơp kong nggòc rlau mơ ƀòn dờng hơ̆.”

Gơtơntus bơta kup kơryan

(Mak 13:9-13; Luka 21:12-17)

16 # Luk 10:3. “Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp. 17#Mak 13:9-11; Luk 12:11-12; 21:12-15.Kơrhia tĕ dê cau, bơh bol khai rơp bơtào bol mê di đap Mpồl Kwang Tơrña, mơ pù lơh bol mê tòm ală hìu jum. 18Bol mê rơp kòl hwài tus di đap ală cau kwang đơng lơgar mơ ală cau bơtau tài bơh Añ, nàng lơh cơng di đap bol khai mơ ală làng bol Bơdìh. 19Mơya tòm tŭ bol khai bơtào bol mê, gen bañ kơlôi rcang mbe lơi hala jơnau lơi bol mê pal đơs. Bơh rơp ai bol mê in ală jơnau pal đơs tòm jơ hơ̆. 20Bơh ò di bol mê đơs is ò, mơya la Hwềng Yàng Bèp bol mê dê ơm tòm bol mê đơs gơ dê. 21#Mak 13:12; Luk 21:16.Oh mơ mi rơp bơtào bal nàng kòl tơnchơt, bèp rơp bơtào kòn, ală kòn rơp tòmdră mơ mè bèp mơ tơnchơt bol khai. 22#Mat 24:9,13; Mak 13:13; Luk 21:17.Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs. 23Tòm tŭ bol khai kup kơryan bol mê tòm ƀòn dờng do, gen dô tĕ tòm ƀòn dờng ne; bơh di ngan Añ đơs mơ bol mê, bol mê òhềt lòt làm ală ƀòn dờng Israel dê, gen Kòn mơnus neh tus rau.

24 # Luk 6:40; Jang 13:16; 15:20. Cau bơtê ò lin rlau mơ cau bơto, mơ cau dĭ ò lin rlau mơ cau tòm. 25#Mat 9:34; 12:24; Mak 3:22; Luk 11:15.Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Ñcau he pal rngòt

(Luka 12:2-7)

26 # Mak 4:22; Luk 8:17. “Behơ̆ bañ rngòt di bol khai, bơh ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò gơ ràng tơlik. 27Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều,#10:27 Cil: đơs òm. yal tơlik tĕ hơđang rkàng hìu. 28Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs. 29Bàr nơm rac ò di òs tac dô su ơ? Bulah behơ̆, ò gơs dô nơm lơi rung tòm ù dilah ò bơh nùs kòñ Bèp bol mê dê. 30Sŏ hơđang bồ bol mê kung neh kòp jơh rau. 31Behơ̆ bañ rngòt, bơh bol mê la màng rlau mơ oă rac.”

Dòn dòp hala pơndang sang Bơtau Krist

(Luka 12:8-9)

32Cau lơi yal tơlik Añ di đap cau, gen Añ kung rơp yal tơlik khai di đap Bèp Añ ơm hơđang trồ. 33#II Tim 2:12.Ai cau lơi pơndang sang Añ di đap cau, gen Añ kung rơp pơndang sang khai di đap Bèp Añ ơm hơđang trồ sơl.

Ò di ring lơngai mơya la pềs tà

(Luka 12:51-53; 14:26-27)

34“Bañ kơlôi lah Añ tus nàng cèng bơta ring lơngai tòm ù; Añ tus ò di nàng cèng bơta ring lơngai ò, mơya cèng đào. 35#Mice 7:6.Bơh Añ tus nàng lơh gơtòm pơrlơ̆ bal, kòn klau mơ bèp, kòn ùr mơ mè, ƀan mơ po me; 36cau sò tơm bol mê dê hơ̆ la cau tòm hìu nhă he. 37Cau lơi kòñ gơboh di bèp hala mè rlau mơ Añ, gen ò di pal Añ in; mơ cau lơi kòñ gơboh di kòn klau hala kòn ùr rlau mơ Añ, kung ò di pal Añ in. 38#Mat 16:24; Mak 8:34; Luk 9:23.Cau lơi ò tui chi pơng khai dê mơ jat Añ, gen ò di pal Añ in. 39#Mat 16:25; Mak 8:35; Luk 9:24; 17:33; Jang 12:25.Cau lơi jòi bàn bơta kis he, gen rơp roh; ai cau lơi tài bơh Añ mơ roh bơta kis he, gen rơp jòi bàn wơl.”

Phan ƀàn

(Mak 9:41)

40 # Mak 9:37; Luk 9:48; 10:16; Jang 13:20. “Cau lơi wă rò bol mê, hơ̆ la wă rò Añ, mơ cau lơi wă rò Añ, hơ̆ la wă rò Bơtau neh sồr Añ lòt tus. 41Cau lơi bơh sơnđan cau gơnoar hwơr mơ wă rò dô nă cau gơnoar hwơr, gen rơp geh phan ƀàn cau gơnoar hwơr dê; ai cau lơi bơh sơnđan cau song ring mơ wă rò dô nă cau song ring, gen rơp geh phan ƀàn cau song ring dê. 42Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Currently Selected:

Mathiơ 10: KPM2018

Highlight

Copy