Mathiơ 11

Cau kong sồr bơh Jang Ƀaptis

(Luka 7:18-35)

1Tòm tŭ Yàng Jesu neh nting sồr jơt bàr nă cau gơnoar bơto dờng rau, gen lòt bơh tiah hơ̆ nàng bơto sồr mơ bơto yal tòm ală ƀòn dờng bol khai dê.

2Mơ tai, Jang ơm tòm hìu jàm kơno đơs bơh ală broă Bơtau Krist dê, gen sồr ală cau bơtê khai dê lòt tus, 3đơs mơ Kơnràñ lah: “Cau Bơto la Bơtau pal tus, hala bol hi pal gơn bơtau ndai taih?” 4Yàng Jesu ho lah: “Rê tĕ yal Jang in ală bơta bol mê neh kơno mơ gŏ; 5#Esai 35:5-6; 61:1.cau jơngo geh àng, cau pă geh lòt, cau dun geh goh,#11:5 Sền jơnau cih kah 8:2. cau tĭ geh klo, cau chơt geh kis wơl, cau rƀah lơòi geh kơno bơto yal Jơnau Niam. 6Lơngai cau lơi in ò gơtup tìs tài bơh Añ!”

7Dơ̆ bol hơ̆ lik rê gen sồng Yàng Jesu đơs mơ mpồl làng bol bơh Jang lah: “Ñchi bol mê lik sền tòm ƀlàng bràs taih? Sền tòm proh gơkòl càl tơnwañ#11:7 Cil: lơnggơh. ơ? 8Hala ñchi bol mê lik sền taih? Sền cau soh ào kas màng ơ? Ne, ală cau soh ào kas màng gen ơm tòm gơlang bơtau dê. 9Behơ̆ gen ñchi bol mê lik sền taih? Nàng sền cau gơnoar hwơr ơ? Ngan Añ đơs mơ bol mê, kung lin rlau mơ cau gơnoar hwơr tai sơl. 10#Mal 3:1.Bơh cau hơ̆ mơ gơs jơnau cih lah:

‘Do, Añ sồr cau kong sồr Añ jê lòt lài di đap mê,

La cau rơp wàs gùng lài mê in.’

11Di ngan Añ đơs mơ bol mê, tòm ală cau deh bơh cau ùr, ò gơs cau lơi dờng màng rlau mơ Jang Ƀaptis, mơya cau dềt rlau jơh tòm lơgar đang trồ la dờng rlau mơ khai. 12#Luk 16:16.Bơh ngai Jang Ƀaptis dê jơl tus tŭ do, lơgar đang trồ neh geh bơtào tơngguh pràn kơldang, mơ cau pràn kơldang tòmpìt geh gơ. 13Bơh jơh ală cau gơnoar hwơr mơ bơta boh lam neh đơs hwơr jơl tus dê rài Jang. 14#Mal 4:5; Mat 17:10-13; Mak 9:11-13.Dilah bol mê kòñ dòp, gen hơ̆ la Eli la cau pal tus. 15Cau lơi gơs tồr gen iat tĕ.

16Añ rơp pơndròm cau rài do mơ ñcau taih? Bol khai be ală cau kơnòm nggui tòm drà, hòi driau mơ oh mi bơyô he lah:

17‘Bol hi neh uh kơwào bol mê in, mơya bol mê ò tòmya;

bol hi neh pơt wòl, mơya bol mê ò ñìm rac.’

18Bơh Jang neh tus ò sa ò ñô, gen cau đơs lah: ‘Khai gơkòl cà lơh.’ 19Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Ƀòn kơldang nùs

(Luka 10:13-15)

20Ală ƀòn dờng mơ Yàng Jesu neh lơh broă gơnap gơnoar oă rlau, mơ kư̆ ò bài gơjrañ sang glài, gen Kơnràñ lah pơrhơng bol khai lah: 21#Esai 23:1-18; Ejek 26:1–28:26; Jôel 3:4-8; Amôs 1:9-10; Sac 9:2-4.“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh#11:21 Hơ̆ la bơta òs mòng cau Juda dê tòm tŭ kòñ yal tơlik bơta jê sồt. mơ gơjrañ sang glài neh jŏ rau. 22Mơya Añ đơs mơ bol mê, tòm ngai cahrña, Tirơ mơ Sidôn rơp kong nggòc rlau mơ bol mê. 23#Esai 14:13-15; Sơnròp 19:24-28.Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar làng ƀồc!#11:23 Js: Hades, sơnio bơh lơgar cau chơt. Bơh ală broă gơnap gơnoar neh lơh digùl mê, dilah lơh tòm Sôdôm, gen ƀòn hơ̆ gam wơl tus ngai do. 24#Mat 10:15; Luk 10:12.Mơya Añ đơs mơ bol mê, tòm ngai cahrña, Sôdôm rơp kong nggòc rlau mơ mê.”

Tus hơ Añ nàng rlô bòl

(Luka 10:21-22)

25Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt#11:25 hala cau ò bơtê in. in. 26Ngan behơ̆, ơ Bèp, bơh hơ̆ la nùs kòñ Bèp dê. 27#Jang 3:35; 1:18; 10:15.Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

28Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl. 29#Jer 6:16.Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn#11:29 Cil: niam lơngơn. mơ pơndêt să, gen hwềng soàn bol mê rơp geh rlô bòl. 30Bơh yô Añ la ƀuơn mơ phan àñ Añ jê la nggòc.”

Currently Selected:

Mathiơ 11: KPM2018

Highlight

Copy