Luka Jơnau yal tơnggit
Jơnau yal tơnggit
Jơnau Niam jat Luka yal tơlik Yàng Jesu la Yàng Dong Klàs jat jơnau ho cau Juda in mơ kung la Yàng Dong Klàs jơh jơi kòn mơnus in sơl. Luka cih wơl lah Yàng Jesu geh bong mơñà bơh Hwềng Goh Yàng Tom Trồ dê nàng “bơto yal Jơnau Niam ală cau rƀah lơòi in” (4:18), mơ sră Jơnau Niam do ai bol he in git Yàng Jesu kơlôi tus di jơh ală bơta pal càng jơi kòn mơnus dê. Bơta hòn chò la tềl is tòm Jơnau Niam Luka, lài ngan la tòm tap sơnròp đơs bơh bơta lik lìng Yàng Jesu dê, mơ kung đơs tai tòm pơnah pơndut tòm tŭ guh rê hơ trồ. Bơta yal bơh bơta bơtào tơngguh mơ bơto yal bơh bơta dòn Cau Dòn dê, tơnơ̆ mơ tŭ Yàng Jesu geh guh rê hơ trồ geh yal wơl bơh dô nă cau cih tòm Sră Broă.
Gơs bàr pơnah (ală tap 1–2 mơ 9–19) yal wơl bơh oă broă mơ mìng gŏ tòm sră Jơnau Niam do, be la bơta đơs chò ală cau gơnrơh mơ bơta tus còp ală cau ê belàt tŭ Yàng lik lìng, Yàng Jesu mut tòm Hìu Duh Khoai tŭ gam kơnòm dềt, bơta yal yau bơh cau Samari lơbơn niam mơ kòn klau lòt lềng. Làm jơh sră Jơnau Niam do, Luka đơs oă bơh bơta hòi dan, Yàng Hwềng Goh, mơ gơnoar broă ală cau ùr tòm gơnoar broă Yàng Jesu dê, mơ bơta toh glài.
Cah ală pơnah
Yal tơnggit (1:1-4)
Bơta lik lìng mơ tŭ kơnòm să ồng Jang Ƀaptis mơ Yàng Jesu (1:5 – 2:52)
Gơnoar broă Jang Ƀaptis dê (3:1-20)
Yàng Jesu dòp Ƀaptem mơ kong ơniai (3:21 – 4:13)
Ràng tơlik loh làng gơnoar broă Yàng Jesu dê tòm kơnhwàl Galile (4:14 – 9:50)
Gùng lòt bơh Galile tus hơ Jerusalem (9:51 – 19:27)
Poh lồi dut rềp mơ tòm Jerusalem (19:28 – 23:56)
Bơta kis wơl, tơlik mat mơ guh rê hơ trồ Yàng Jesu dê (24:1-53)
Currently Selected:
Luka Jơnau yal tơnggit: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.