Mak 16

Bơta kis wơl Yàng Jesu dê

(Mathiơ 28:1-8; Luka 24:1-12; Jang 20:1-10)

1Ngai Saƀat neh rlau rau, Mari Madơlen, Mari mè Jakơ dê, mơ Salôme rwat sơnơm ƀô bơlhu#16:1 Cil: ƀô bơkah. nàng lòt bong ƀồc Yàng Jesu. 2Tòm tŭ rìng àng ngai sơnròp tòm dô poh, mattơngai rơp lik, bol khai lòt tus hơ bơtô ƀồc. 3Bol khai đơs bal mơ gơp lah: “Ñcau rơp pơrlă lŭ kơrdơl mpồng bơtô bol he in taih?” 4Mơ tai, pơnai lŭ hơ̆ dờng ngan. Dơ̆ tơnggòr sền, bol khai gŏ pơnai lŭ neh gơpơrlă rau. 5Behơ̆ bol khai mut tòm bơtô ƀồc, gŏ dô nă cau pơnu ơm nggui đah ma, soh ào jrùh bò gen bol khai rngòt ngan. 6Cau hơ̆ đơs mơ bol khai lah: “Bañ rngòt, bol ai jòi Yàng Jesu Cau Nasaret, la Bơtau neh kong pơng di chi pơng. Kơnràñ neh kis wơl rau, ò ơm tềng do tai. Sền tĕ tiah neh tơp Kơnràñ. 7#Mat 26:32; Mak 14:28.Lòt tĕ yal ală cau bơtê Kơnràñ in mơ yal Pier in lah: Kơnràñ lòt lài mơ bol mê hơ Galile. Tềng hơ̆ bol mê rơp gŏ Kơnràñ, be Kơnràñ neh đơs mơ bol mê.” 8Gen bol khai lik bơh bơtô ƀồc, ntoat dô, tài bơh rơm să rngòt hur hìr ngan, ò đơs mơ cau lơi dô jơnau lơi tài bơh rngòt rngơt ngan.#16:8 Jat dô êt sră yau gen sră Jơnau Niam Mak lồi dut di sèng 8. Gơs dô êt sră lồi dut di sèng 20 be neh gơs; gơs sră bơtơl sèng 8: “Ală mò tus hơ Pier mơ ală cau bơtê, yal wơl ală bơta bol khai in, jơh ală bơta ală mò geh nting sồr. Tơnơ̆ hơ̆, să tòm Yàng Jesu sồr ală cau bơtê Kơnràñ dê cèng jơnau yal dờng màng mơ geh bơta kis bơh bơta dong klàs sùm sùm, bơto yal bơh Đah Mattơngai Lik tus hơ Đah Mattơngai Mut”.

Yàng Jesu tơlik să mơ Mari Madơlen

(Mathiơ 28:9-10; Jang 20:11-18)

[ 9Mơ tai, Yàng Jesu neh kis wơl tòm àng drim ngai sơnròp tòm dô poh, gen sơnròp ngan tơlik să mơ Mari Madơlen, la cau mơ Kơnràñ neh bơtrơh tơlik poh nơm cà bơh di khai. 10Khai lòt yal mơ ală cau jat Kơnràñ lài òr, bol khai ơm moat jrùng mơ ñìm rac. 11Mơya dơ̆ ală cau hơ̆ kơno jơnau yal bơh Yàng Jesu neh kis wơl, mơ să tòm khai neh gŏ Kơnràñ, gen bol khai ò dòn.

Yàng Jesu tơlik să mơ bàr nă cau bơtê

(Luka 24:13-35)

12Tơnơ̆ mơ ală bơta hơ̆, Yàng Jesu ai să ndai tơlik mơ bàr nă cau tòm mpồl cau bơtê tòm tŭ bol khai lòt gùng rê hơ ƀòn dềt. 13Bàr nă cau hơ̆ lòt yal mơ ală cau bơtê ndai, mơya bol khai kung ò dòn sơl.

Yàng Jesu tơlik să mơ jơt dùl nă cau bơtê

(Mathiơ 28:16-20; Luka 24:36-49; Jang 20:19-23; Broă 1:6-8)

14Tơnơ̆ tai, Yàng Jesu tơlik să mơ jơt dùl nă cau bơtê tòm tŭ bol khai nggui sào, Kơnràñ lah pơrhơng bol khai bơh bơta ò dòn mơ nùs kră kơldang, tài bơh bol khai ò dòn ală cau neh gŏ Kơnràñ tơnơ̆ mơ tŭ Kơnràñ kis wơl. 15#Broă 1:8.Kơnràñ đơs mơ bol khai lah: “Lòt tĕ làm jơh dunnia, bơto yal Jơnau Niam jơh ală làng bol in. 16Cau lơi dòn mơ gơs ƀaptem gen rơp geh dong klàs, mơya cau lơi ò dòn gen rơp gơkòl lơh nền glài. 17Ală cau dòn rơp geh ală tềl krơi do: Bol khai rơp ai sơnđan Añ mơ bơtrơh cà, ngui jơnau đơs pa nàng đơs, 18kup bơs tòm tê, dilah hùc phan lơi bih khih kung ò gơs tŭ lơi gơlik iơh, mơ dilah ơn tê hơđang cau kòp gen cau kòp hơ̆ rơp geh bòi.”

Yàng Jesu guh rê hơđang trồ

(Luka 24:50-53; Broă 1:9-11)

19 # Broă 1:9-11. Neh sir Yàng Jesu đơs mơ bol khai behơ̆ rau, gen geh guh rê hơđang trồ, mơ nggui đah ma Yàng Tom Trồ. 20Ai ală cau bơtê lik lòt bơto yal Jơnau Niam làm bă tiah. Yàng lơh broă bal mơ bol khai, mơ ai ală tềl krơi jat bal nàng lơh kơ̆ cê Jơnau Yàng.]

Currently Selected:

Mak 16: KPM2018

Highlight

Copy