Luka 1
1
Jơnau wàs gùng
1Ơ Theôphil màng ryŭ, bơh neh gơs oă cau jơh nùs kòñ cih dô jơnau yal bơh ală broă neh gơlik gơs wil tơl digùl bol he, 2jat be ală cau bơh sơnròp neh gŏ nền mơ lơh cơng bal mơ ală cau duh broă jơnau Yàng dê#1:2 Rct: bơto yal jơnau Yàng dê. yal wơl bol he in; 3gen tàng tơnơ̆ mơ tŭ sơwì nền cê jơh ală bơta bơh sơnròp, añ kơlôi la rơndap tap sèng mơ cih ồng in, 4nàng ồng git ală bơta ồng neh kơno yal la song ngan.
Bơta lik lìng mơ tŭ gam kơnòm Yàng Jesu dê
(1:5 – 2:52)
Yal lài bơh bơta deh Jang Ƀaptis
5 #
I Yal 24:10. Tòm rài Herôt, bơtau Jude,#1:5 Jude: Tềng do, jơnau do sơnio bơh jơh lơgar Palestine. gơs dô nă cau gơnoar ơn phan duh khoai, mpồl Abija dê, sơnđan la Sacari; bau ùr khai la Elisabet, kòn sau Arôn. 6Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng. 7Bol khai ò gơs kòn, bơh Elisabet kơnền, mơ bàr nă neh jòng sơnam.
8Mơ tai, tòm tŭ Sacari duh broă jat be cau gơnoar ơn phan duh khoai di đap Yàng Tom Trồ mơ di di wềr broă tòm khai dê, 9jat bơta òs mòng ală cau gơnoar ơn phan duh khoai khai dê geh sac rwah bơh bơta tĕ khà, gen khai geh mut tòm tiah sàng goh tòm hìu duh khoai Yàng nàng chu kơlhô. 10Tòm tŭ chu kơlhô, gen jơh mpồl làng bol ơm hòi dan đah bơdìh. 11Tŭ hơ̆ gơs dô nă cau gơnrơh Yàng dê tơlik mat mơ khai, ntào đah ma cơnòng chu kơlhô. 12Sacari gŏ, gen ai lơh krơi mơ rngòt rngơt. 13Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang. 14Mê rơp geh hòn chò hừh hơh, mơ oă cau rơp hòn chò tòm tŭ deh khai. 15#Khà 6:3.Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè. 16Khai rơp lam oă kòn sau Israel rê wơl hơ Yàng la Yàng Tom Trồ bol khai dê; 17#Mal 4:5-6.Khai rơp ai hwềng nùs mơ gơnap gơnoar Eli dê mơ lòt di đap Yàng, lơh nùs mè bèp rê wơl mơ kòn sau, cau ò dòn jơnau jat wơl bơta jak chài cau song ring dê, nàng rcang Yàng in dô làng bol rcang sir.” 18Sacari đơs mơ cau gơnrơh lah: “Mbe añ rgơi git bơta hơ̆ taih? Bơh añ neh kra, mơ bau añ kung neh jòng sơnam rau.” 19#Dan 8:16; 9:21.Cau gơnrơh đơs lah: “Añ la Gabriel ntào di đap Yàng Tom Trồ; añ geh sồr lòt tus nàng đơs mơ yal jơnau niam do mê in. 20Do, mê rơp kloat, ò tus đơs, jơl tus di ngai ală bơta hơ̆ rơp gơlik gơs, bơh mê ò dòn jơnau añ, la jơnau rơp gơlik di ngan tòm toh di di tơngai.”
21Làng bol kơp gơn Sacari, mơ ai lơh krơi bơh khai ơm jŏ ir tòm tiah sàng goh. 22Dơ̆ khai lik, ò tus đơs mơ bol khai, gen bol khai đal git lah khai neh gŏ bơta gơtơnggŏ tòm hìu duh khoai, khai lơh tềl bol hơ̆ in mơ kư̆ gam kloat. 23Dơ̆ ală tơngai duh broă neh sir rau, gen khai rê hìu. 24Tơnơ̆ mơ ală ngai hơ̆, Elisabet bau khai gơs bun, mơ pồn să tòm pram kơnhai, mò đơs lah: 25“Yàng neh ai añ in be do tòm ală ngai Kơnràñ nđàc sền di añ, nàng tă tơlik bơta ƀàssìl añ jê digùl ală cau.”
Cau gơnrơh yal bơta Yàng Jesu rơp lik lìng
26Tòm kơnhai dơ̆ prau, Yàng Tom Trồ sồr cau gơnrơh Gabriel lòt tus hơ dô nơm ƀòn dờng tòm Galile sơnđan la Nasaret, 27#Mat 1:18.tus hơ dô nă cau ơruh sơnđan la Mari, neh ho bau mơ dô nă cau sơnđan la Jôsep, tòm jơi bơtiàn Dabit. 28Cau gơnrơh mut đơs mơ khai lah: “Ơ cau geh bơta nđàc dờng, lơngai ai in. Yàng ơm bal mơ ai.” 29Khai kơno jơnau hơ̆ gen ò suk ơm ngan, mơ kơlôi sơnơng bơh jơnau còp să hơ̆ la ñchi. 30Gen cau gơnrơh đơs lah: “Ơ Mari, bañ rngòt, bơh ai neh geh nđàc di đap Yàng Tom Trồ. 31#Mat 1:21.Do, ai rơp bun, deh dô nă kòn klau, tơmoh sơnđan la Jesu. 32#II Sam 7:12-13,16; Esai 9:5.Kòn klau hơ̆ rơp la dờng ryŭ, geh sơnđan la Kòn Bơtau Hơđang Rlau Jơh dê, Yàng la Yàng Tom Trồ rơp ai Kơnràñ in sơbàn Dabit la ồng pàng Kơnràñ dê. 33Kơnràñ rơp at bồ hìu nhă Jakôp dê jơl sùm sùm, lơgar Kơnràñ ò gơs lồi.” 34Mari đơs mơ cau gơnrơh lah: “Añ ò git cau klau lơi, gen mbe kòñ gơs bơta hơ̆ taih?” 35Cau gơnrơh ho lah: “Yàng Hwềng Goh rơp tus hơđang ai, gơnap gơnoar Bơtau Hơđang Rlau Jơh rơp jơm gòm ai, gen tàng Kòn sàng goh lik lìng pal sơnđan la Kòn Yàng Tom Trồ dê. 36Ne Elisabet, jơi bơtiàn ai, kung neh bun dô nă kòn klau tòm tŭ kra; khai la cau pơnro la kơnền mơ do neh bun prau kơnhai rau. 37#Sơnròp 18:14.Bơh ò gơs bơta lơi la Yàng Tom Trồ ò rgơi lơh.” 38Mari đơs lah: “Añ do la dĭ ùr Yàng dê; dan bơta hơ̆ gơlik gơs añ in jat be jơnau ồng dê.” Chòp cau gơnrơh lòi khai mơ lòt.
Mari lòt còp Elisabet bơta jòng ro Mari dê
39Tòm ală ngai hơ̆ Mari ñă ntào, sơrbac sơrbang lòt hơ tiah mơnơm, tus hơ dô nơm ƀòn dờng tòm Jude, 40mut tòm hìu Sacari mơ còp să Elisabet. 41Dơ̆ Elisabet kơno jơnau còp să Mari dê, gen kòn sơnđoh#1:41 Cil: sơmbloh. tòm kơndul. Elisabet geh bềng lìu Yàng Hwềng Goh, 42ai jơnau driau dờng lah: “Ai geh lơngai digùl ală cau ùr, kòn tòm kơndul ai kung geh lơngai sơl. 43Ñchi bơh tài añ geh bơta nđàc dờng do, hơ̆ la mè Yàng añ jê tus còp añ taih? 44Bơh tồr añ pa kơno jơnau còp să ai dê, gen kòn tòm kơndul añ hòn chò sơnđoh. 45Lơngai ai in cau neh dòn, bơh ală bơta Yàng neh yal ai in rơp gơlik di ngan!”
Bơta đơs chò Mari dê
46 #
I Sam 2:1-10. Gen Mari đơs lah:
“Hwềng soàn añ jòng ro Yàng,
47Hwềng nùs añ hòn chò tòm Yàng Tom Trồ la Yàng Dong klàs añ jê.
48 #
I Sam 1:11. Bơh Kơnràñ neh nđàc sền bơta ò diă ò diơng dĭ gơna Kơnràñ dê;
Bơh do jơl hìng nau, jơh ală rài rơp sơnđan añ la cau geh lơngai.
49Bơh Bơtau Gơnap Gơnoar Làm Jơh neh lơh gơs ală broă dờng añ in;
Sơnđan Kơnràñ la sàng goh.
50Bơta kòñ nđàc Kơnràñ dê gam bơh rài do jơl rài ne
hơđang ală cau duh rngòt dê Kơnràñ.
51Kơnràñ neh ai tê Kơnràñ mơ lơh gơs bơta pràn kơldang,
lơh gơprah gơpring cau gơs nùs kơlôi pơnhừ să,
52 #
Jop 5:11; 12:19. Tă tơlik cau gơnoar pràn bơh di sơbàn,
Yò tơngguh cau ò diă ò diơng,
53Ai cau jơgloh in bềng phan bơkah,
Mơ cau pas rê gòi.
54Kơnràñ neh dong kòl Israel la dĭ gơna Kơnràñ dê,
Nàng kah wơl bơta kòñ nđàc Yàng dê
55 #
Sơnròp 17:7. Gơwèt hơ Abraham mơ jơi bơtiàn Kơnràñ dê jơl sùm sùm,
Be Kơnràñ neh ho mơ ồng pàng bol he.”
56Mari ơm mơ Elisabet pơgap pe kơnhai, gen rê wơl hìu khai.
Bơta deh Jang Ƀaptis
57Mơ tai, tus di ngai deh, Elisabet deh dô nă kòn klau. 58Gơp ƀòn jơi bơtiàn kơno Yàng neh gơs nùs kòñ nđàc dờng di mò, gen hòn chò bal mơ khai. 59#Leb 12:3.Tus di ngai phàm, bol khai tus nàng siat gơltau kòn dềt in, mơ kòñ tơmoh sơnđan la Sacari jat be sơnđan bèp khai dê. 60Mơya mè khai đơs lah: “Ò di, pal tơmoh sơnđan khai la Jang.” 61Bol khai đơs: “Tòm jơi bơtiàn ai ò gơs cau lơi gơs sơnđan behơ̆.” 62Gen bol khai lơh tềl lùp bèp khai kòñ tơmoh sơnđan khai la ñchi. 63Sacari dan ai mpàn nàng cih, gen cih lah: “Sơnđan khai la Jang.” Cau lơi kung ai lơh krơi. 64Tŭ hơ̆ mo bơr khai gơ pò, lơmpiat ò tai gơkal, gen khai sơntòm đơs mơ jòng ro Yàng Tom Trồ. 65Jơh ală cau gơp ƀòn rngòt rngơt mơ tòmbơhbơr bơh jơh ală bơta hơ̆ làm tiah mơnơm Jude. 66Cau lơi kơno jơnau hơ̆ gen prap tòm nùs, mơ đơs lah: “Behơ̆ kòn hơ̆ rơp gơlik mbe lơi taih?” Bơh tê Yàng ơm mơ khai.
Bơta jòng ro Sacari dê
67Chòp Sacari, bèp kòn hơ̆, geh bềng lìu Yàng Hwềng Goh mơ đơs hwơr lah:
68“Jòng ro Yàng la Yàng Tom Trồ Israel dê,
Bơh Kơnràñ neh nđàc sền mơ lơh gơs bơta tơwài glài làng bol Kơnràñ dê,
69Bơtào tơngguh dô nơm ngke dong klàs#1:69 ngke dong klàs: hala bềng gơnap gơnoar. bol he in
tòm hìu Dabit la cau dĭ gơna Kơnràñ dê,
70Be Kơnràñ neh ngui bơr ală cau gơnoar hwơr sàng goh
mơ đơs bơh rài yau òr,
71Dong tă bol he lik klàs bơh di ală cau sò tơm
mơ bơh dê tê ală cau gơjrañ kơuềng dê bol he;
72Nàng yal tơlik bơta kòñ nđàc gơwèt mơ ồng pàng bol he,
Mơ kah wơl bơta ho bal sàng goh Kơnràñ dê.
73Kơnràñ kung kah wơl jơnau mơ Kơnràñ neh ho nền mơ Abraham
ồng pàng bol he dê lah,
74Tơnơ̆ mơ tŭ neh geh dong klàs bơh di tê ală cau sò tơm rau,
Ai bol he in geh duh broă Kơnràñ dô bă ò rngòt,
75Tòm bơta sàng goh mơ song ring
di đap Kơnràñ jơl jơh rài bol he.
76 #
Mal 3:1. Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê;
Bơh mê rơp lòt di đap Yàng, wàs ală gùng dà Kơnràñ in,
77Nàng ai làng bol Kơnàñ in git bơta dong klàs
bơh bơta geh toh glài bol khai dê.
78Bơh nùs kòñ nđàc Yàng Tom Trồ bol he dê,
Mơ Kơnràñ neh ai mattơngai àng drim bơh đang jòng wèt còp bol he,
79 #
Esai 8:22. Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt,
Mơ tề lam jơng bol he mut tòm gùng lơngap lơngai.”
80Mơ tai, kòn hơ̆ rhòi dờng, hwềng nùs sơlo pràn kơldang ơm tòm ƀlàng bràs jơl tus dê ngai tơlik mat mơ Israel.
Currently Selected:
Luka 1: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
