Luka 3

Bơta Rcang Lài Gơnoar Broă Yàng Jesu

(3:1 – 4:13)

Jang Ƀaptis bơto yal

(Mathiơ 3:1-12; Mak 1:1-8; Jang 1:19-28)

1Nam dơ̆ jơt pram rài bơtau Tiberius, tòm tŭ Pontius Pilat lơh gơs kwang at bồ Jude, Herôt at bồ tòm kơnhwàl Galile, Philip oh khai at bồ tòm kơnhwàl Iture mơ Trakônit, Lisanias at bồ tòm kơnhwàl Abilen, 2Anne mơ Kaiphe lơh gơs cau gơnoar dờng lam bồ ơn phan duh khoai; gen tŭ hơ̆ jơnau Yàng Tom Trồ đơs mơ Jang kòn Sacari ơm tòm ƀlàng bràs. 3Khai lòt làm tiah gùt dar Jordan, bơto yal bơta ƀaptem bơh bơta gơjrañ sang glài nàng geh toh glài, 4be neh cih tòm sră cau gơnoar hwơr Esai lah:

“Gơs jơnau cau hòi driau tòm ƀlàng ngềt ngơt lah:

Wàs tĕ gùng Yàng in,

bơsong tĕ ală gùng dềt Kơnràñ dê,

5Kòp nơm thòng#3:5 Cil: sơdiang. pal bồr bềng,

Kòp nơm mơnơm kòp nơm dòr#3:5 Cil: còr. pal pơnring,

mơ tiah rkwet rkwe pal bơsong,

Gùng rguc#3:5 Cil: khùl. rgul pal lơh ring wơl.

6 # Esai 40:3-4. Mơ kòp jơi kòn mơnus rơp gŏ bơta dong klàs Yàng Tom Trồ dê.”

7 # Mat 12:34; 23:33. Behơ̆ Jang đơs mơ mpồl cau lòt tus nàng khai lơh ƀaptem lah: “Ơ jơi bơtiàn bơs tur ne, ñcau neh yal bol mê in dô pleh klàs bơh bơta gơjrañ dờng rơp tus taih? 8#Jang 8:33.Behơ̆ gơlik tĕ plai di pal mơ bơta gơjrañ sang glài; bañ đơs is lah: ‘Bol he gơs Abraham la ồng pàng bol he dê,’ bơh añ đơs mơ bol mê, Yàng Tom Trồ rgơi ai bơh ală lŭ do bơtào gơs kòn sau Abraham in. 9#Mat 7:19.Tŭ do sùng neh ơn rềp di tòm chi rau; dilah chi lơi ò gơlik plai niam gen kơl mơ sang tòm ồs.”

10Gen mpồl làng bol lùp Jang lah: “Behơ̆ ñchi bol hi pal lơh taih?” 11Khai ho lah: “Cau lơi gơs bàr blah ào, tòmpà tĕ cau ò gơs in; mơ cau lơi gơs phan sa, kung lơh tĕ behơ̆ sơl.” 12#Luk 7:29.Kung gơs ală cau dar dia lòt tus nàng gơs ƀaptem, lùp lah: “Ơ Cau Bơto, ñchi bol hi pal lơh taih?” 13Khai sồr lah: “Bañ rì bơta lơi rlau mơ ntum khà neh lơh nền.” 14Ală cau ling kung lùp lah: “Ai bol hi ñchi bơta pal lơh taih?” Khai ho lah: “Bañ lơh rhung rhang mơ cau lơi, kung bañ yă wì cau lơi, mơya hừh nùs tĕ bơh jền tơngai bol mê dê.”

15Bơh làng bol kơp gơn, mơ cau lơi kung lùp is tòm nùs bơh Jang la Bơtau Krist hala ò, 16gen Jang ho mơ tơl nă cau lah: “Añ lơh ƀaptem bol mê in mơ dà, mơya gơs dô Bơtau rơp tus gơs gơnoar pràn rlau mơ añ, añ ò pal hồ che gơltau jă Kơnràñ dê; Kơnàñ rơp lơh ƀaptem bol mê in mơ Yàng Hwềng Goh mơ ồs. 17Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

18Jang kung ngui oă jơnau bơto pơndòm ndai nàng bơto yal Jơnau Niam làng bol in. 19#Mat 14:3-4; Mak 6:17-18.Mơya Herôt la cau at bồ, kòl Jang lah pơrhơng bơh broă Herôdias la bau ùr oh bơtau dê, mơ bơh jơh ală bơta iơh bơsak Herôt neh lơh, 20gen bơtơl bơta do tai, la jàm Jang tòm hìu jàm.

Jang lơh ƀaptem Yàng Jesu in

(Mathiơ 3:13-17; Mak 1:9-11)

21Mơ tai, dơ̆ ală làng bol neh jơh gơs ƀaptem rau, Yàng Jesu kung gơs ƀaptem. Tòm tŭ hòi dan, gen tap trồ gơ pò. 22#Sơnròp 22:2; Đơs Crih 2:7; Esai 42:1; Mat 3:17; Mak 1:11; Luk 9:35.Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jơi bơtiàn Yàng Jesu Krist dê

(Mathiơ 1:1-17)

23Tŭ Yàng Jesu sơntòm gơnoar broă, gen neh gơs pơgap pe jơt sơnam. Kơnràñ la kòn Jôsep (jat be cau kơlôi) Jôsep kòn Heli, 24Heli kòn Mattat, Mattat kòn Lebi, Lebi kòn Melci, Melci kòn Jannai, Jannai kòn Jôsep, 25Jôsep kòn Matathias, Matathias kòn Amôs, Amôs kòn Nahum, Nahum kòn Etli, Etli kòn Nage, 26Nage kòn Maat, Maat kòn Matathias, Matathias kòn Semein, Semein kòn Jôsek, Jôsek kòn Jôda, 27Jôda kòn Jôanan, Jôanan kòn Resa, Resa kòn Jerubabel, Jerubabel kòn Salathiel,#3:27 Sơnđan do tòm Sră Goh Yau geh cih: Sealthiel. Salathiel kòn Neri, 28Neri kòn Melci, Melci kòn Adi, Adi kòn Kôsam, Kôsam kòn Elmadam, Elmadam kòn Er, 29Er kòn Jôsue, Jôsue kòn Eliese, Eliese kòn Jôrim, Jôrim kòn Matthat, Matthat kòn Lebi, 30Lebi kòn Simeôn, Simeôn kòn Juda, Juda kòn Jôsep, Jôsep kòn Jônam, Jônam kòn Eliakim, Eliakim kòn Melea, 31Melea kòn Menna, Menna kòn Mattatha, Mattatha kòn Nathan, Nathan kòn Dabit, 32Dabit kòn Jese, Jese kòn Ôbet, Ôbet kòn Bôô, Bôô kòn Salmôn, Salmôn kòn Naasôn, 33Naasôn kòn Aminadap, Aminadap kòn Atmin, Atmin kòn Arni, Arni kòn Hesrôn, Hesrôn kòn Pheres, Pheres kòn Juda, 34Juda kòn Jakôp, Jakôp kòn Isak, Isak kòn Abraham, Abraham kòn Thare, Thare kòn Nakôr, 35Nakôr kòn Seruk, Seruk kòn Rehu, Rehu kòn Pelek, Pelek kòn Heber, Heber kòn Sala, 36Sala kòn Kainam, Kainam kòn Arpaksat, Arpaksat kòn Sem, Sem kòn Nôe, Nôe kòn Lemek, 37Lemek kòn Metusela, Metusela kòn Henok, Henok kòn Jeret, Jeret kòn Mahalalel, Mahalalel kòn Kenan, 38Kenan kòn Enôs, Enôs kòn Set, Set kòn Adam, Adam kòn Yàng Tom Trồ.

Currently Selected:

Luka 3: KPM2018

Highlight

Copy