Luka 4

Yàng Jesu kong ơniai

(Mathiơ 4:1-11; Mak 1:12, 13)

1Yàng Jesu bềng lìu Yàng Hwềng Goh, bơh hiòng Jordan rê wơl, gen geh Yàng Hwềng lam tus hơ ƀlàng ngềt ngơt, 2Tềng hơ̆, Kơnràñ kong cà ràk ơniai tòm poan jơt ngai. Tòm ală ngai hơ̆, Kơnràñ ò sa phan lơi; tơngai neh tơl rau gen Kơnràñ jơgloh. 3Cà ràk đơs mơ Kơnràñ lah: “Dilah Kơnràñ la Kòn Yàng Tom Trồ dê, gen sồr tĕ lŭ do gơlik gơs piang lă.” 4#Yalw 8:3.Yàng Jesu ho: “Gơs jơnau cih tòm sră Goh lah: ‘Jơi kòn mơnus kis ò di mìng kơnòm dê piang lă lơm ò.’” 5Cà ràk cèng Kơnràñ guh hơđang, sơnio Kơnràñ in jơh ală lơgar tòm dunnia tòm dô êt jŏ, 6mơ đơs lah: “Añ rơp ai Kơnràñ in jơh ală gơnoar mơ bơta gơklŏ ală lơgar hơ̆ dê, bơh neh jào añ in rau, añ kòñ ai cau lơi in jat nùs kòñ añ jê. 7Behơ̆ dilah Kơnràñ cùn khoai añ, gen ală bơta hơ̆ rơp gơrê jơh mơ Kơnràñ.” 8#Yalw 6:13.Yàng Jesu đơs mơ gơ lah: “Gơs jơnau cih tòm Sră Goh lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’” 9Lồc behơ̆ cà ràk lam Kơnràñ tus hơ Jerusalem, ơn Kơnràñ hơđang bồ rkàng hìu duh khoai mơ đơs lah: “Dilah Kơnràñ la Kòn Yàng Tom Trồ dê, ntruñ tĕ di tiah; 10bơh gơs jơnau cih tòm Sră Goh lah:

‘Yàng rơp ai gơnoar sồr ală cau gơnrơh Kơnràñ dê sền gàr mê,

11 # Đơs Crih 91:11,12. Bol khai rơp đo mê tòm mpàng tê, rngòt mê gơtup jơng di lŭ mòn.’”#4:11 Cil: đa.

12 # Yalw 6:16. Yàng Jesu ho: “Neh đơs tòm Sră Goh lah: ‘Mê bañ lòng Yàng la Yàng Tom Trồ mê dê.’” 13Dơ̆ cà ràk neh jơh gùng ơniai rau, gen lòi ing Kơnràñ.

Gơnoar Broă Yàng Jesu tòm kơnhwàl Galile

(4:14 – 9:50)

Yàng Jesu bơto tòm Nasaret

(Mathiơ 13:53-58; Mak 6:1-6)

14Yàng Jesu rê hơ Galile tòm gơnap gơnoar Yàng Hwềng mơ rê hơ Galile; tiơng pơnro Kơnràñ làm ală tiah gùt dar. 15Kơnràñ bơto sồr tòm ală hìu jum cau Juda, jơh tơl nă jòng ro Kơnràñ.

16Kơnràñ lòt tus hơ Nasaret, la tiah Kơnràñ ơm bơh dềt tus di dờng. Jat bơta òs mòng, tòm ngai Saƀat Kơnràñ mut tòm hìu jum cau Juda dê, ñă ntào mơ sền sră. 17Gơs cau tong Sră cau gơnoar hwơr Esai Kơnràñ in. Kơnràñ pò Sră di di tiah gơs cih lah:

18“Hwềng Yàng dê rơp hơđang Añ,

Bơh Kơnràñ neh bong mơñà Añ in

nàng bơto yal Jơnau Niam ală cau rƀah lơòi in,

Sồr Añ lòt yal ală cau gơkòl kup in geh hồ toh,

Cau jơngo geh àng,

Cau gơkòl rồn bơklơn geh khat gơboh,

19 # Esai 61:1,2. Mơ bơto yal nam ai bơta nđàc Yàng dê.”

20Gen Kơnràñ til Sră, tong wơl cau dong broă in, lồc behơ̆ nggui; ală mat cau tòm hìu jum sền trol di Kơnràñ. 21Kơnràñ sơntòm đơs mơ bol khai lah: “Ngai do jơnau tòm Sră Goh do neh gơlik di ngan di tồr bol mê rau.”

22Cau lơi kung lơh cơng niam bơh Kơnràñ, ai lơh krơi bơh ală jơnau bềng bơta nđàc lik bơh di bơr Kơnràñ, mơ đơs lah: “Hơ̆ ò di la kòn Jôsep ơ?” 23Kơnràñ đơs mơ bol khai lah: “Ngan bol mê ai jơnau pơnrĕ pơnring do đơs mơ Añ lah: ‘Ơ cau gơnoar sơnơm, sơmbòi tĕ is să he; ală bơta bol hi kơno ồng neh lơh tòm Kapenaum, gen kung lơh tĕ tòm ƀòn tòm ồng dê sơl.’” 24#Jang 4:44.Gen Kơnràñ đơs lah: “Di ngan Añ đơs mơ bol mê, ò gơs cau gơnoar hwơr lơi geh dòp rò tòm ƀòn tòm khai dê. 25#I Bơtau 17:1.Añ đơs song mơ bol mê, tòm rài Eli tòm trồ gơkòl til kơ̆ tòm pe nam prau kơnhai, jơh lơgar gơs jơgloh rung dờng; tŭ hơ̆ tòm Israel gơs oă cau ùr bơnrau, 26#I Bơtau 17:8-16.mơ Eli ò geh sồr lòt tus hơ dô nă cau lơi tòm mpồl bol khai, mìng sồr lòt tus hơ dô nă cau ùr bơnrau tòm Jarepta lơgar Sidôn lơm. 27#II Bơtau 5:1-14.Tòm rài cau gơnoar hwơr Elise, tòm Israel gơs oă cau dun; mơya ò gơs cau lơi geh sơmbòi, mìng Naaman cau Siri lơm.”

28Ală cau tòm hìu jum cau Juda kơno jơnau hơ̆ gen gơhào gơjrañ ngan, 29ñă ntào mơ bơtrơh tơlik Kơnràñ bơh di ƀòn dờng, hwài Kơnràñ tus di tiah cìr bồ#4:29 Cil: cră bồ. mơnơm mơ bol khai neh bơt ƀòn dờng, nàng sơrbì Kơnràñ pơrlă rkồn rkài. 30Mơya Kơnràñ sơrlèt bơh digùl bol khai mơ lòt tiah ndai.

Yàng Jesu sơmbòi cau cà lơh

(Mak 1:21-28)

31Kơnràñ mù tòm ƀòn dờng Kapenaum la dô nơm ƀòn dờng tòm Galile, bơto sồr bol khai tòm ngai Saƀat. 32#Mat 7:28-29.Bol khai ai lơh crih crài bơh bơta bơto sồr Kơnràñ dê, bơh jơnau bơto Kơnràñ dê gơs gơnoar.

33Tòm hìu jum gơs dô nă cau gơkòl cà iơh lơh, ai jơnau hòi driau dờng lah: 34“Ơ Jesu Cau Nasaret, digùl bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau Sàng goh Yàng Tom Trồ dê.” 35Mơya Yàng Jesu lah pơrhơng gơ lah: “Thit tĕ mơ lik bơh di cau do.” Chòp cà sơrglơm cau hơ̆ digùl mpồl oă cau mơ lik, ò lơh bơta lơi iơh di khai. 36Jơh tơl nă cau ai lơh krơi ngan mơ đơs bal lah: “Hơ̆ la Yàng lơi taih? Cau do ai gơnap gơnoar mơ gơnoar pràn sồr ală cà mơ bol gơlik sơl!” 37Sơnđan Kơnràñ geh tiơng pơnro làm bă tiah gùt dar.

Yàng Jesu sơmbòi po me Pier dê

(Mathiơ 8:14-17; Mak 1:29-34)

38Yàng Jesu lik bơh hìu jum, mut tòm hìu Simôn. Po me Simôn kòp prơm kơnjơ̆ ngan, gen cau dan mơ Kơnràñ sơmbòi mò in. 39Kơnràñ kun wèt hơ mò, pơrhơng bơta kòp prơm gen kòp prơm roh thit. Mò ñă ntào mo mơ duh broă bol khai.

Yàng Jesu sơmbòi ală bơta kòp jê ndai

(Mak 1:35-39)

40Tòm tŭ mattơngai rơp mut, cau lơi gơs cau kòp, bulah bơta kòp jê lơi, gen cèng tus hơ Kơnràñ; Kơnràñ ơn tê hơđang kòp nă cau mơ sơmbòi bol khai in. 41Kung gơs ală cà lik bơh di oă cau, mơ hòi driau lah: “Kơnràñ la Kòn Yàng Tom Trồ.” Mơya Kơnràñ lah pơrhơng bol gơ, ò ai đơs, bơh bol gơ git Kơnràñ la Bơtau Krist.

42Gơ rơp rìng àng, Kơnràñ lik lòt tus hơ tiah ngềt ngơt. Gơs mpồl làng bol lòt jòi Kơnràñ, neh bàn rau, bol khai kòñ kup Kơnràñ ơm wơl, ò ai Kơnràñ lòt bơh di bol khai. 43Mơya Kơnràñ đơs mơ bol khai lah: “Añ pal bơto yal Jơnau Niam lơgar Yàng Tom Trồ dê tòm ală ƀòn dờng ndai sơl, tài bơh broă hơ̆ tàng Añ geh sồr lòt tus.” 44Gen Kơnràñ kư̆ bơto yal tòm ală hìu jum cau Juda tòm Jude.

Currently Selected:

Luka 4: KPM2018

Highlight

Copy