Mark 9

Tioton-aton teioteriȣasonterakȣen tsini hoiaton Roiatatokenti Mark.

1Ratonhakȣe oni tsi sakororihakȣe: Oriȣiio tsi kȣarori otiake kentho ratiiatare ne iah tahonniheie ohenton naontkatto aonȣe ne Niio Raonakerasera aosaststensera.

2Iaiakhaton nonta onakenke, onontoharake niiasakoiatenhaȣe ne ne Tier, Sak tanon San eh nonȣe iathatteni rahotihenton.

3Nok ne raotseronniat ȣateȣateronronten ehoni nakenrakenne tsi niiot noniete, iah ki taontetsenri nonȣentsiakeronon naiekȣeni etho naierakenste.

4Etho oni ȣasakotiken Eli tanon Moïs, Iesos tehotitharakȣe.

5Ethone Tier tahatati, iahenron tsi nonkȣati ne Iesos: Saianer! ioianere ne kentho aeteȣenterontake; Asen kati naheteȣatoseroten, enskat ise saȣenk, enskat Moïs nok nʼenskat Elie.

6Tsiniiot niah tahoterientarake nahoten raton; Aseken esoki tsi ronateronhientenni.

7Nok eh iotsikeraratie ȣahakorhoroke; nok eh takaȣenninekenne ȣaton: neneh Riienha Rinoronkȣa Koȣa; hetsiseȣaȣennarakȣak.

8Ȣathontkatonnionȣe naktatie, nok iah onka nakoren tesakotiken, raonhaa ne Iesos eh renteron.

9Nok nonen Sishonanontastsnentonhatie ȣasakotiaȣenratse nasakotirori onkakiok akenhake tsiniiot tsi ȣaontkatto, tsi tanon onen enshotatonnheton nonkȣe Roienha.

10Akȣa kati ok taonteȣeientonkoȣa neh nikaȣennoten, neok teshontateriȣanontonni oh nahoten neneh naonsaiontonnhete kenheiatne.

11Ȣahonȣariȣanontonȣe, ȣahoniron: oh niiotieren tsi ronton ne ratiiatons tsi Elie enthahente?

12Tontasako-ȣennaȣeron nok ȣahenron: etho neneh, Elie rahentene oriȣakȣekon enshakȣatako; nok kenh kaien tsini kaiaton nonkȣe Roienha raiatatake iatekakonte tsi eso enharonhiaken, nok enhonȣakenron.

13Nok nʼii kȣarori tsi onen rokȣathon ne Elie, etho oni nihonȣaierase tsinithatinonȣes, tsiki niiot tsi kaiaton.

14Nok nonen sonsahonneȣe tsi ratiteron notiake raotiokȣa Kentiokoȣanen tehonȣatinenronni nok ratiiatons tohotiriȣatironte.

15Nok akȣekon ok ȣahakonerako nonen siionsaonȣaken tontare; ȣathonȣanonȣeronnion.

16Ȣasakoriȣanontonse ne ratiiatons, ȣahenron; oh nahoten teseȣariȣatirontakȣen?

17Saiatat tahatati ȣahenron: Kentho riiatte riienha neh notkon rotienni.

18Skanorons ens iatahontkontakȣe nonen enhoiena takaȣaststotonnion ens rasakon oni tenhennokaraniehon ne kati ȣakheneken nesentiokȣa naonsakonȣaiatinekenȣe nok iah tehotikȣenion.

19Tontahenron ne Iesos: Kanoron ki oni tsini seȣatennoȣentastskon: toh nekenhakȣa nenȣe enteȣakȣekonhatie? ok oni tenȣakeron iaȣeronhatie? kenh nontatsiatenhaf.

20Eh nontahoiatenhaȣe, akȣa neok ȣaoken ne Iesos, nensok nʼotkon ȣahoronhiakente ne raksaa, ehtake ȣahoiatonti akȣa neok ne Skaontsi.

21Iesos ȣahoriȣanontonse ne raksaa roniha: toh nahe eh siiot? tontahenron ok eh siiot Sarennakerate.

22Eso ioriȣake otsirake, aȣenke iehohiatontion nahorio; ne kati nothenon askȣenieseke takȣaiatakennha, aontesanikonkararen tsini ionkȣentent.

23Tontahenron ne Iesos: ne ki naontasetakȣe; oriȣakȣekon niieiakotonse ne tiakaȣetakon.

24Ok eh katsitaratie tsi tontahenron ne raksaa roniha: Teȣaketakȣen, Saianer! Takienaȣas akenikonrastotserakon.

25Sahatkatto ne Iesos tsi akȣekon ok etho nontaiakaȣenonhatie ethone ȣahateȣennatsaniten notkon, ȣarenhase: Satkon iah tesatati iah oni tesaronkas, ii, ȣakonrori tontatsiakenn ne kenh raksaa raiatakon tosa oni nonȣenton ionsasataȣeiat.

26Teiohenretane tsi tontaieiakenne notkon nok eso ȣahoronhiakente, akȣa ki eh nahoiataȣen ne raksaa tsiniioh nʼiakaȣenheion; nese ȣaonni ȣaontonnion raȣenheion.

27Nok ne Iesos tahonentsa, sahokestsko, oni sahatien.

28Nonen kanonskon siiehenteron ne Iesos, ȣahonȣariȣanontonse ne raotiokȣa, ȣahonniron: oh niiotieren tsi iah nii teionkȣakȣekon naonsaiakȣaiatinekenhon nekenh Otkon?

29Tontahenron: tehiotonȣentsiohon naionterennaien aiakaȣentontiete oni nakonȣasenni neh niȣatkonseroten.

30Onen are ehren sahonnete neh nonȣe, ȣathatiiaiake ne Galile; rerhakȣe ne Iesos ok iah onka taiakotokense.

31Sakorihonniennihakȣe sane ne raotiokȣa raton-hakȣe: iatekakonte nonkȣe Roienha tsi ȣahonȣateȣentete rahotisnonke ne rotiriȣaneraakskon, enhontennhane enhonȣario; nok ki tanon nonen enhaȣenheion, asenhaton nenȣata enshatatonnhete.

32Iah othenon tehotinikonraientaskȣe neh nikarihoten, tanon ratitsaniskȣe ne tahontaonȣariȣanontonse.

33Nonen Siiahonneȣe Kafarnaiimke, kanonskon oni sihatiteron, ȣasakoriȣanontonse; nahoten tonteseȣariȣatirontatiene ohahakeson?

34Iah onka tetiotati: neh rotitharakȣenne onka onte senha enkaiatanoronke oni enhakoȣanen.

35Nonen sahontientakȣentho, iasakohnonke ne tekeni iaȣenre nihati, nok ȣasakaȣenhase: Toka onkakiok raskaneks nahaiatanoronke raonnaa natentraska oni enhonȣannhatseronni.

36Raksaa iahononke rahotinenrihen ȣathotaste, ȣahokitarho nok ȣahenron:

37Onkakiok tenhiontatarhoton neh niieksatoten ii aksennakon akȣa ii tehakarhotons; nok iahse ii tataionkarhoton ne tenhionkarhoton neh tanon ne takatennieton.

38Ethone San tahatati, ȣahenron: Saianer! iakhiken otiake ne Skonȣanatekȣatha nonatkon nise Sasennakon tanon iah teteȣes; Iakhinnhese kati netsi iah enskatne teteȣes.

39Tontahenron ne Iesos: tosa ietsinnhes; aseken iah onka taiekȣeni ne ioriȣanerakȣat tsi naieiere nii aksennakon nok akte aiakotentiatonhatie.

40Aseken ne iah teionkhiriȣasȣase ionkhiriȣaȣaseki.

41Nok oni ne skaȣisa onekanos onkakiok aietsinekanonte netsi Keristos raonkȣeta, oriȣiio tsi ȣakȣarori tsi iah tehotonsere ne tekariȣaserakȣen.

42Nok tanon nonka enshakoriȣaientaten enskat niieksatasa oni tiakaȣetakon naksennakon, senha ioianere kanenhioȣanen ahonȣanenhianiake nok kaniatarhen iahonȣaiatonti.

43Toka Sasnonsa Sariȣaientatenni, itsiak; senha ioianere neiah tatasesnonsontake Karonhiakon asataȣeiate, tsiniiot ne tasesnonsontonke nok asatetsirate tsinonȣe ne tiotekhaonȣe.

44Tsinonȣe, niah tekonniheions nahotitsinonȣa oni iotekhaonȣe.

45Toka oni Sasita aesariȣaientaten, itsiak; senha ioianere atsinokotatie asataȣeiate karonhiakon, tsiniiot ne tetsiaron tasasitontake, nok otsirake aiesaiatonti tsi nonȣe niah teȣasȣas:

46Tsinonȣe niah tekonniheions nahotitsinonȣa, oni iotekhaonȣe.

47Toka Sakara sariȣaientatenni, stako: senha ioianere skati aesakaratake asataȣeiate Niio raonakeraserakon, tsiniiot, ne tetsiaron taskaratake, nok otsirake aiesaiatonti.

48Tsinonȣe niah tekonniheions nahotitsinonȣa, nok iotekhaonȣe.

49Aseken akȣekon skastson oni otsire tenhiontatiotsistarhoste; nok akȣekon tioiotsis tenkaiotsistarhoston ne Niio raoriȣanoronsera.

50Iaȣekon ne tioiotsis, nok tanon nenhiotaksenne, oh nahoten entsiaȣekonhontseron?

51Iseke kati tkaientak ne tioiotsis, nok skennen tikenhak tsi natetsion.

Currently Selected:

Mark 9: MHK

Highlight

Copy

Want to have your highlights saved across all your devices? Sign up or sign in

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.

The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).

Learn More About Ohiatonhseratokénti