Mark 10
10
Oieri, aton teioteriȣasonterakȣen tsini hoiaton Roiatatokenti Mark.
1Onen are ehren sarete neh nonȣe, iaharaȣe tsi teȣatonȣentsiaken ne Jude ihsi nakaihionhati ne Jourdan, kentiokoȣanen are ȣahonȣaiatatsenri eh oni ȣaonteroroke tsi ihres, Sakorihonnienniskȣe tsinihorennhaonne.
2Eh oni nonȣe naonȣaiatorenne ne Pharisian ȣahonȣariȣanontonse kanikonrhatonke, ȣahonniron: ronȣariȣa ȣikenh ne ronkȣe naonsahatekȣate ne rone?
3Tontasakoȣennaȣeron, ȣahenron: Nahoten kati hetsiseȣariȣatati ne Moïs.
4Tahonniron: Moïs roriȣataton, enhaiatonseron ne tetsiontekhasiatha nok tenshiatekhasi.
5Tontahenron ne Iesos: ne tsini seȣeriasaksen neh ȣaonni eh nihoieren tsi roianerenseronni.
6Nok tsi tiotasaȣe noriȣakȣekon, Niio ȣasakoiatonni enskat roskenraketa nok enskat tsiothonȣisen.
7Ne se ȣaonni ne ronkȣe enhoteȣentete ne roniha oni ronistenha nok neneh rone enhateranentakten.
8Nok ne teniiase enskat ok ienssiaton, iah oni tataonsanonkȣetakehake ne teniiase akȣa tanon onskatok enskenhake.
9Tosa kati ronkȣe teshakhasi tsinahoten tehokhen ne Niio.
10Sekon ne raotiokȣa sahonȣariȣanontonse neneh ahoriȣake nonen kanonskon sishatiteron.
11Ȣahenron: Onkakiok enshatekȣate ne rone nok ohia enshatateniakten ȣahariȣanerake naonhake.
12Ok neh sakat ne tsiothonȣisen toka enhoteȣentete ne rone, nok oia entsioniake, ȣakariȣanerake kanakȣa.
13Onen are eh ȣakanenraserenne, eksaokonha iontatiatenhaȣinontie neh nasakonisnonsaerhase; nok ne raotiokȣa ȣasakotinnhese nakta naontaiontatiatenhaȣe.
14Ȣahoriȣaksase ne Iesos tsi ȣahatkatto, nok ȣasakaȣenhase: Tosa ietsiiotasts nekentho naontaien nʼek-saokonha: Aseken ne Niio raonakerasera neh akoȣenk ne tsiontatieren.
15Nok oriȣiio tsi kȣaroris: Onka iah tenhatienaȣastane tsiniiot ne raksaa ne Niio raonakerasera, iah tiiahataȣeiate.
16Ethone kati onen ȣasakokitarho, ȣasakoiatateriste, oni ȣatesakonisnonsaerhase.
17Nok akȣa neok sishoiakenhonhatie Saiatat eh nontahatakhe ȣathotonstsothase oni ȣahoneken, ȣahenron: Saianer ise ne tisariȣaieri: Oh nakiere ne karonhiake akatsennonni?
18Tontahenron ne Iesos: Onontieren tsi saton ti sariȣaieri? iah Onka nakoren neok ne Niio thoriȣaieri.
19Tsienteri ȣahi tsini ȣatenienten: tosa seriȣanerak kanakȣa; tosa sherio; tosa senensko; tosa sheianoȣenten; tosa onka shekaronni; shekonnienst ne iesaienha.
20Tontahenron: Saianer! ok teȣakeriȣenhaȣiton neh nikarihoten tsinahe tonkateiarontie.
21Nok ne Iesos ostonha ȣahotkaroten ȣahononȣene nok ȣahaȣenhase: Tsioriȣat ki tisatoktani: ȣas satenninon tsini saien, nok sheion ne iakotent ethone entisatsokoȣatseraientane ne Karonhiake: tontase, taknonteratie ensakete ne saiasa.
22Oriȣiio tsi ȣahonikonraksen tsini kaȣennoten ȣaharonke, aseken eso roientakȣe natsokoȣatsera.
23Ethone ne Iesos ȣathatkatonnion, ȣasakaȣenhase ne raotiokȣa: Oriȣiio onȣe ki onte oni ne iakotsokoȣa tsi serenkeneha tiiontaȣeiatane ne Niio raonakeraserakon.
24Ȣahotinekheren ne raotiokȣa tsini kaȣennoten tahatati; Sekon tontahaȣenninekenne ne Iesos, ȣahenron: Kȣaienhokonha oriȣiio tsi ȣentore natsokoȣatsera konȣaniahesen naiontaȣeiate tsi thonakeraseraien ne Niio!
25Senha ȣatiesen ne Oniakȣaer taontohestste tsi teȣaontakaronte ne teȣatsinetaronkotha tsiniiot ne rotsokoȣa ahataȣeiate Karonhiake.
26Onen senha ȣahotinikonrinekenne, nok tehontateriȣanontonniskȣe: Onka kati nekenh karonhiake enhiente?
27Nok tanon ne Iesos ȣasakotkatoseron, nok ȣasakaȣenhase; akȣa neneh iah teȣatonsere tsinonkȣati nonkȣe, iah ki tanon tsinonkati ne Niio, aseken akȣekon niiehakȣenies ne Niio.
28Ethone ne Tier tahatati ȣahenron: nok nii noriȣakȣekon ionkȣatennikonranentatsion nok kȣanonteraties.
29Iesos tontahoȣennaȣeron, ȣahenron: Oriȣiio tsi ȣakonrori tsi iah teȣatetsenrionhe nonka iakoteȣenteton, kanonsa, iatatekenha, iatennosenha, roniha, toka ronistenha, tokas oni rone, ok ne ne Sakoienha, oni onȣentsia nii akeriȣake oni ne Kariȣiio.
30Ne iah tentsieienasere kentho tsi ȣenniserate oni tenȣatiaseren ne teȣenniaȣe, kanonsa, atatekensera, atennosensera kanistensera ontatienhokon, oni onȣentsia, oni kanikonraksentserakon; nok nonakenke, iaonsaiakonnheke onȣe.
31Kentiokoȣanen tanon ne iehente ohnaken entsionton; nok nʼonaken ihhien neh entsiehente.
32Neh ronathahitake ne Jerusalem niieiothahinon, ohenton ihre ne Iesos; ronateronhientenni, kateronhontserakon oni tsi ronȣanonteratie; netsi sakoiatatiskȣatonne ne tekeni iaȣenre nihati nok oriȣakȣekon sakorori tsini hoiataȣensere.
33Raton: Kehiken Jerusalem ȣeteȣe; onen nonkȣe Roienha enhonȣatienaȣaste ne ratitsihenstakȣeniios oni ne ratiiatons; nok enhonȣariȣente arenheie, nok enhonȣanateȣentetase ne ronnonkȣetaksen.
34Tenhonȣaieron, enhonȣasokȣaȣesson, enhonȣanistskeroseraȣe; ienhonȣario; nok ki tanon enshatonnhete nasenhaton nenȣata.
35Ethone ne Sak tanon San Zebedé Sakoienhokonha, ȣaonȣaȣennarane, ȣaniron: Saianer! askeniȣennarakȣe tsi nahoten akeniriȣanontonse.
36Tontahenron: nahoten tetsiatonȣentsoni?
37Tontaniron: askenon nonen Saiatanerakȣatserakon saiatat tsi seȣeientetakon ahenstskȣarake nok ne saiatat sesenekȣati.
38Tontahenron ne Iesos: iah tetsiaterientare tsi nahoten seniriȣanontons. Ensenikȣeni kenh nenskatne aeteȣanekira? oni akatenekȣaestak ahetsiatenekȣahestakȣe?
39Tontaniron: enhiakenikȣeni, Nok ne Iesos tontahenron: etho neneh tokenske enseninekira naketsetakon, oni entsiatenekȣaheste tsiniiot tsi enkatenekȣaheste:
40Kenh ki kaien ne tsi keȣeientetakon ok neʼsʼ ne skenekȣati aionnistskȣaren, iah neneh ii takheion; nese ok neneh enhiontaton nonka enhiontatatkȣatakȣenni.
41Ȣahotiriȣaksase noieri nihati tsinahoten ȣaniron ne Sak tanon ne San.
42Nok tanon ne Iesos ionsasakononke, ȣahenron: Seȣaterientare ȣahi tsini hatiierha nonkȣeokon sakonaststeriston, oni ne ratisennason iesesakotiȣenniio.
43Tosa kati nise eh niiotonhak ne seȣanenrakon: ok eken seȣatatennhatseronnien nirere aionkkoȣanen.
44Onka tsinitsion enrerheke rariȣakȣeniiok, ok akȣekon tiieiakonnhatsera enkenhake.
45Eh se oni ȣahi niiot nonkȣe Roienha iah neh tehaniente nahonȣakonnienste, neh tanon nasakokonnienste, nok eso tenhakonhentakȣe tsi enrenheie tsinonkȣati nonkȣetakȣekon.
46Siiahonneȣe Jeriko, onen oni sishontentionhe ne Jeriko nonȣe ronne ne raotiokȣa oni kentiokoȣanon, saiatat teharonȣekon Bartimé ronȣaiasts, kenton naiahiron, Tirne roienha, ohahakta renstskȣahere tehatsariteskȣe.
47ȣahonikonraientane tsi Iesos Nazaretronon rotohetstonhatie, ȣathohenrete, ȣahenron: Iesos David iaienha! askitenre.
48Kentiokoȣanen ȣahonȣariȣasten oni ronȣaroris ne tatahatotate; ok eken senha tontahakȣisron tsi tonsahohenrete: David iaienha! askitenre.
49Ȣathatane ne Iesos, nok Sahenron karo nitre, iaonȣennonke kati ne teharonȣekon ȣahiron: Tiakariȣakenniate ȣesaiatateri taiennonke oksa kati testann.
50Ok eh tahatsiakȣarisi ne tehateȣeiarakȣa, tontahatane, eh iaharaȣe tsi itrate ne Iesos.
51Nok ne Iesos tahatati ȣahenron: nahoten saskaneks nakonhiatierase? Tahenron ne teharonȣekon: Saianer! Akken.
52Nok ne Iesos ȣahenron: eh niiaȣen neh sehsatsiente tsi tisetakon.
53Oksaok sahaken, nok ȣahononteratie Iesos tsiniahare.
Currently Selected:
Mark 10: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
