Mark 16
16
Iaiak haton iaȣenre teioteriȣasonterakȣen tsini hoiaton Roiatatokenti Mark.
1Tsi ȣahententane, Onȣari-ȣatere, Onȣari Sak ronistenha tanon Salome ȣakonhnenhiehnaninon ȣenhienakon ahonȣaiatokaste ne Iesos.
2Akȣa onȣar ok sontakarakȣinekenne aȣententaonke iakonneȣe tsi thaiatatakȣe.
3Tekontateriȣanontonnionnire kontonne: Onka naha enhionkhinenhiarakȣase ne kanontekton?
4Nok nonen siiakontkatho, ȣakontierentsi ok ehren kanenhiakȣiton: akȣa ihken tsi kanenhioȣanenne.
5Nok nonen siiakonneȣe tsi iokaronte, ȣahonȣaken ranekenteron tsi kaȣeientetakon nahosonȣati renstskȣahere, kenrakenseroskon rostston, nok ȣahonatoronhienten.
6Tahenron ne rahonha: Tosa seȣateronn, Iesos ȣahi Nazaretronon hetsiseȣahiatisaks ne tehonȣaientannhare: Onen Shotonnheton, iah kentho teshenteron: kentho ȣahi ronȣaiatatenhenne.
7Ȣasene tanon saietsiroriana ne raotiokȣa oni ne Tier, tsi Galile ȣare etho oni nonȣe iensetsiseȣaken, tsiki niiot tsi thotrori.
8Oksaok tontakontonneke, nok sakonteko Akȣa tokenske tsi ȣahonateronhienten: iah neneh onka teiakotirori tsini ionateronhientenni.
9Aȣententaonke kati shotonnheton ne Iesos: Onȣariȣatere neh ne tsiatak nishatekȣatenni nʼotkon neh tontierente sahoken.
10Sontenti saiakororiana ne ratikȣekonhatiene, rotinikonraksenskȣe oni tehonsenthoskȣe neh sikahaȣi.
11Ȣahontennohȣente neneh tsi saiakorori tsi sronnhe, nok oni tsi ȣakenron sahiken.
12Sekon are ohia natontahaierate tsi sasakototasiase, teniiase kaehtakeson ihnene.
13Sekon are neneh sahontennoȣente sonsahonȣatirori.
14Khare onen neh nenskat iaȣenre nihati enskatne ratiteron etho sasakototasiase, nok ȣasakotteten tsini honatennoȣentastskon tsi iah tetesakonetakon neh sonȣaken.
15Nok ȣasakaȣenhase: ȣasene onȣentsiakȣekon teseȣareni ietsirionniennira akȣekon nonkȣe ne Kariȣiio.
16Enhiontsennonni nentiaketakȣe, nok enhiontkaronni nenhiontennoȣente.
17Nok kenh kaien enkaieronniststakon nentiaketakȣe: Aksennakon enskonȣanatekȣate nʼonatkon-seraksen; nʼiate kaȣennake enhionronkhake.
18Enkonȣatiiena noniare; iah othenon taiakoiataȣen nenhienekira ne iakoriotha, entsieieȣentane nʼia-kononȣaktani nensakonanisnonsaerhase.
19Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.
20Nok ne rononha, Sahontenti ȣasakotirionniennira oktiȣakȣekon, nok ne Roianer sakohienaȣasehaties, nok ioriȣanerakȣatenions rariȣanirastakȣe ne raotiȣenna.
Amen!
Currently Selected:
Mark 16: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
