Luke 1
1
Tiotasaȣakȣen Oriȣatokenti tsinihoiatonne Roiatatokenti. Luc.
1Ronentiokoȣanen onen ronatenienten nakȣa ahontahatiierite tsi ahatiiaton neh aontroriheke tsinahotenson noriȣiio ionkȣaterientare.
2Tsikiniiot tsi ionkhirori nakȣa rononha ronatkathon oni sakonatatiskȣe nʼOȣenna.
3Ne kati oni nii ahoriȣa ȣakere ioianere se onte, Kien Theophil nakonhiatonse akȣa akakȣatakȣen tsi onen akȣekon ȣakatkense tsiniiot tsi tiotasaȣe oni tsi ieiotokte.
4Eh naontaȣe akȣa otokenhon aseriȣaienterihake tsinahoten saterihonte.
5Herod Shihonontiio ne Jude nonȣe, Saiatat ne Ratsihenstatsi Sakari ronȣaiasts, Abia raȣatsiratatie; nok ne rone Aaron neneh raȣatsiratatie Arisaȣe Konȣaiasts.
6Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.
7Nok iah tehotiȣiraientakȣe, aseken iah teȣateȣetonskȣe nʼArisaȣe, onen onitetsiaron sihotikstenha.
8Khare kati are onen ne Sakari roiotaties tsini hoiotenseroten ne Ratitsihenstatsi rahohenton ne Niio.
9Tsini hotiianerenseroten ne ratitsihenstatsi, rahonha ȣathoiatonko niahataȣeiate nok ahatienkȣaronniate raononskon ne Roianer.
10Nok nonkȣeokon astste ens neneh nakannhohati iakoterennaien nonen ionkaheȣe tsini iontienkȣaronniatha.
11Niio Raoronhiakeronon etho ȣahoken, akta tsi oni Kaȣeientetakȣen tsi iontienkȣaronniatakȣa eh ihrate.
12Tahontonneke ne Sakari tsi ȣahoken nok ȣahoteronhienten,
13Nok tanon ne Raronhiakeronon Sahenron: tosa sateronn, Sakari; aseken ne saterennaient onen ieioh raohenton ne Niio; nok ne teseniteron Arisaȣe roskenrakete enhioȣiraientane, nok San enhtsenatonkȣe.
14Nok koȣanen ensatonnharakȣe, oni kentiokoȣanen enhiontonnharonnion tsi henrennakerate.
15Aseken henhaiatanoronke rahohenton ne Roianer, nok iah thahanekirhake notsitsia iah oni nʼiako-nonȣaratonta; nok tsi enthatiatata ne ronistenha Kaiatakon entnikȣekhene ne Rotkon Roiatatokenti,
16Nok kentiokoȣanen nʼIsraerronon sakotiienhokonha ensesakohaharate nok entsiontatreȣate tsinonkȣatti Raotiianer oni RaoNiio.
17Aseken raonha enhahente, Elie raonikonra nok raokȣeniat enhoieratonhatie, aonsasakaȣeriasaseronni nakokstenhokonha tsinonkȣati nontationokonha, nok nʼionkȣetaksen tsinonkati ne Kaianeren, aotiokȣaseronnien ne Roianer ne tokenske iakotateȣeiennentaon.
18Ethone ne Sakari tontahoȣennaȣeron ne Raronhiakeronon, ȣahenron: nahoten enkienterestakȣe tsi eh nenhiaȣenne? Aseken onen akekstenha, onen oni eso iahoserakȣen ne ȣakeniakon.
19Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nikariȣiios.
20Nok onȣa enȣatasaȣen iah taonsasatatiheke, iah oni taonsasatati tsiniiore ienkonneȣe neh nikarihotens; netsi iah tetisetakȣen nakeȣenna, ehse sane niiaȣensere nonen ienȣatenniseriheȣe.
21Onen neneh nonkȣeokon etho iakorhare, nok iakohnorakȣas tsini honiskȣas.
22Nok nonen sontahaiakenne iah tehokȣenion nasakotatike neok ne tehanisnonsaieronnionhatonskȣe, oksaok ȣahenre nonkȣesonha, ȣathotieronnionse kati ȣahi tsini Kariȣes iehenteron.
23Akȣa neok sontenniseroheststanion ne raȣennisera nnhohioten tsini hoterionte, sahatenti.
24Kenh naheha onakenke, Onen nʼArisaȣe oia nakaiatotenne, ȣisk niȣennitake nikariȣes iotaseton, nok ȣatonhakȣe.
25Tiakariȣakenniate, etho kenh nontahaierate ne Roianer tsi tontahakeiarane oni naonsahaksennaseronni nonkȣene.
26Iaiak-aton niȣennitake, onen are ne Raronhiakeronon Kabriel tontahotori ne Niio Galilene Kanatakon ne Nazareth Konȣanatonkȣa.
27Tsi nonȣe tkenterontakȣe ne Kaiatase onen sikariȣison enhotiniake ne ronkȣe ronȣanatonkȣa Sose Taȣit raȣatsiratatie; nok ne Kaiatase Onȣari konȣaiastskȣe.
28Nok nonen siiahataȣeiate ne Raronhiakeronon tsinonȣe nikenterontakȣe, ȣahenron: ȣatkonnonȣeraton ise ne iesaȣi ne Kaianeren Senikȣekon ne Roianer: sonhaa iesaiatanoronston tsiniiakon ne tsiakothonȣisen.
29Nok nonen sahoken eso tsi ȣatiotonharenron ne tsini kaȣennoten tahatati; nok ok aonikonrakon tatkaiatorete nahoten onte kenton tsiniiot tsi ȣathanonȣeraton.
30Nok ne Raronhiakeronon ȣarenhase: tosa sateronn Onȣari: Aseken saien ne Kaiataterisera raohenton ne Niio.
31Onen kati nonȣa oia nensiatotenne, nok roskenrakete nensaȣiraientane nok Iesos hentsenatonkȣe.
32Henhaiatanoronke nok henhonȣanatonkȣake Enekentsi Roienha; Nok ne Roianer Niio henhonistskȣaratseron ne Roniha Taȣit rahonistskȣara.
33Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.
34Ethone nʼOnȣari tontahoȣennaȣeron ne Raronhiakeronon ȣakenron: oh nenhiaȣenne nʼetho naiaȣen iah tehiienteri ne roskenrakete?
35Nok ne Raronhiakeronon tontahaȣennaȣeron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; ne se ȣaonni oȣiratokenti ki nensaȣiraientane, enhonȣanatonkȣake Niio Roienha.
36Onen oni nonȣa ne tsiaraseha Arisaȣe okoȣanatake oia nakaiatotenne; nok onen neh iaiak-aton niiotennitaratie ne iah teȣateȣetons konȣanatonkȣakȣe.
37Aseken iah ki othenon tahonoronse ne Niio.
38Ethone nʼOnȣari ȣakenron: kenh kiteron raonnhatsera ne Roianer: etho niȣakiataȣen tsini saton! nok ne Raronhiakeronon ehren sarete.
39Eh oni nonȣe siȣenniseratenion ȣatiosterihen nʼOnȣari ontenti ȣakanontiiakon tsi ionontenion tsiniiore iaonȣe tsinonȣe enskat tkanataien ne Juda.
40Nok Sakari raononskon iaontaȣeiate, nok ȣationonȣeraton nʼArisaȣe.
41Akȣa neok sahosennaronke nʼArisaȣe tsi ȣationonȣeraton nʼOnȣari, tontaharathenionko ne raksaha kaiatakon, nok nʼArisaȣe ȣakaiatihne ne Rotkon Roiatatokenti rahonikonriiotsera.
42Nok ȣatiohenrete, nok ȣakenron: Sonhaa iesaiatateriston tsiniiakon ne tsiakothonȣisen, nok Kaiatateriston ne ioteiarontie tsiatakon.
43Etho oni kenh niiore tsi onkaterasȣiioste tsi tonkatkensere ne Rakianer ronistenha?
44Aseken, akȣa neok sakonȣennaronke ȣateskenonȣeron, ok naha ne raksaha atonnharak tahahorianeron kiatakon.
45Iotaskasts ne tiaȣetakon: Aseken tsinikon konȣarori ne Roianerne tioientakon akȣekon etho nenhiaȣenseron.
46Ethone onen nʼOnȣari ȣakenron: Rosennaien ne Raȣenniio nakenikonra;
47Nok raonhake ok ȣakatonnhahere tsinonkati ne Niio neh oni sakeskontakohe.
48Neh tsini hakkonnienston atatkenronniatserakon; nese ȣaonni onhiontonheke tsinenȣe: enhiontonheke iotsennonni.
49Ne tsini hakiatanoronston ne Rosastenseroȣanen, nok Rosennatokentikoȣa.
50Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.
51Ȣene raonniaton ne rahosastensera: Akȣekon roriȣarision tsini hontennikonraientonskȣe ne ratinaies.
52Sesakostskȣarakȣen ne ratisennoȣanens, nok neh sakosennoȣanaton nʼiontatkenronnis.
53Sakotatenni ne iontonkariakskȣe; kententetserakon sesakotorion ne iakotsokoȣa-kenhne.
54Ȣahoiatanonstate Israerraonnhatsera, naonsareiarane rahotanitenrat.
55Tsikiniioh tsi sakorharaststenni nonkȣanisera, neh tohiken Abraham nok oni tsinonkati ne sakoienhokonha tsinenȣe.
56Thoha asen niȣennitake iohnariskonhon nok onen tontontenti.
57Kkhare onen iakaheȣe naioȣiraientane nʼArisaȣe, roskenraketa ȣarennakerate.
58Akȣekon ok ne tehonnonsanekhaon oni ne rontatenonkȣe konȣatonnharanihakȣe tsini hentenron ne Raȣenniio.
59Nok nonen siiakaheȣe nahonȣaȣarakȣetare ne raksaa, Sakari ronȣanatonkȣanene tsiki nihosennoten ne roniha.
60Nok tanon takenron ne ronistenha, Iahten: San enhonȣaiastsheke.
61Tontahonniron: iah onka eh teiosennoten tsinis ȣatsira.
62Ethone ȣahonȣariȣanontonse ne roniha, asakotokaten nahoten enhonȣanatonkȣe.
63Nok ne Sakari Oststenra ȣahariȣanonton, eh ȣahaiaton; San enhonȣaiastsheke akȣekon ok ȣahakohnerakȣenhaton,
64Ethone onen sontnerensi ne raȣennason, nok ȣathononȣeronnion ne Niio.
65Taiontonnekhon ne tehonnonsanekhanion, nok ȣateȣateriȣareni tsi ionontenion akȣa ȣationȣontsiaȣerho tsinikanakerasera ne Jude.
66Tsiniiakon ionronkas, iontonhakȣe nakaȣerientakon: Oh onte akȣa niiatonhiaȣenne tohiken raksaa? Nok nikȣekonhatiene ne Niio rahosaststensera.
67Onen ne Sakari, roniha ȣahaiatine ne Rotkon Roiatatokenti rahonikonriiotserat, iahariȣaken, ȣahenron:
68Tahonȣanonȣeraton ne Roianer Israerronon Rao-Niio, ne tsi sasakaȣeiarane nok sasakohnerensi ne raotiokȣa,
69Oni tsi ȣasontion enskat ne rosastenseroȣanen nasakoiatakennha Taȣit raȣatsirakon ȣahaiakenne.
70Tsi ki niiot tsi ronatati ne Rotitokensehakȣe, ne tiotkon tahatinakeratie.
71Tsi ensesonkȣanerensi tsi ionkhinaskonni ne ionkhisȣens.
72Ne ȣene aonton ne raotanitenrasera nonkȣaniserake nok aiakeiarastakȣake tsini horiȣatokenti.
73Eh niiot tsi roriȣanirati otsiteȣanikenha Abraham.
74Tsi, ensesonkȣanerensi tsi ionkhinaskȣaien ne ionkhikenrenseronnis, nok ensesontion ne Skennen tatsiteȣasennaien.
75Raoriȣatokentitserakon raoteriȣakȣarisiontserakon oni tsini tionnhes.
76Nok nise seksaa, Niio roȣennenhaȣe enhiesanatonkȣake, aseken hentsenteste ne Roianer nok hentsiahahaseronnien.
77Naserionnien ne raotiokȣa tsinaieiere ne karonhiake aiontsennonni tsi aonsaiakoterakeȣase nakoriȣaneraaksera.
78Akȣa rahotanitenraserakon ne Sonkȣa-Niio, eh oni takaientakȣe tsi ȣasonkȣatkense ne Eneken tkarakȣinekensta.
79Aontonseke taonsaiakosȣathene nasatakon oni kariȣaneraakserakon iakonnhetie nok eh nonkȣati aonsasonkȣasarine tsinonkati ne Skennen.
80Nok ne raksaa roteiarontie, oni ronikonroȣannhaonhatie; nok karhakon ranakerekȣe tsiniiore iaontenniseriheȣe Onkȣene ahrete.
Currently Selected:
Luke 1: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
