Luke 2
2
Tekeni-aton Teioteriȣasonterakȣen Noriȣatokenti tsini hoiaton Roiatatokenti. Luc.
1EH NONȢE siȣenniseratenion ȣaharihoȣanate n Cesar-August nʼakȣekon nonkȣeokon aiontatsennaren.
2Nok nonen siiakaheȣe neh naiaȣenne, Cyrenius rakora kenhne ne Syri nonȣe.
3Akȣekon kati tsiontatsennaraneskȣe tsinonȣe Tiakotonnishen.
4Tahatenti kati oni neneh ne Sose tsi tkanataien ne Nazareth Galilene, tsi tkanataien ne Bethlehem niiahare, neh tsi ethononȣe thonatonnisentakȣe ne Taȣit raȣatsiratatie.
5Nenskatne aonȣatisennaren nʼOnȣari, neseken kariȣisonhonne enhotiniake, onen oni oia nikaiatoten.
6Tsinikariȣes etho ienes onen iakaheȣe naioȣiraientane.
7ȣarennakerate ne roienha neh oni ne takoȣanen, oniataraasonha ȣattoȣaȣenhekte nok tsi kontekȣaientakȣa ne katsenen ȣahoiationnite, aseken iah tehotinaktatsenrion tsi iosȣenkarentonnion.
8Iah ihnon tehken eh nonȣe, katsenen sakohnaststerista astste ronnonȣestskȣe nok asontakȣekon sakotinonnaties ne raotitsenenhokon.
9Ok taontierentsi kenh ȣahoketote Raronhiakeronon, akȣa oni ȣathotiȣannhake ne Niio raosȣathetsera, nok ȣathonatonharenron.
10Nok tanon ne Raronhiakeronon, ȣasakaȣenhase: Tosa seȣateronn: Aseken nonȣa neh kȣaroriane ne koȣanen aeseȣatonnharen, ok neh sakat tsinonkati nonkȣetakȣekon.
11Ne tsi onȣa konh ȣenniserate, Taȣit raonatakon etsiseȣennakerati ne Sesakoskontakohe ne oni ne Keristos, Roianer.
12Nok kenh kaien ȣatenientenstakȣen, neh oni entsiseȣaienterestakȣe꞉ nonen entsiseȣaiatatsenri neraksaa oniataraasonha tehaȣaȣenhekston, nok Katsenen tsi kontekkȣatahasta raiationni.
13Nok ok eh iakaniionten rotitiokȣatsanit ratironhiakeronon Karonhiake tahatiientakȣe tehonȣanonȣeronnions ne Niio, ronton:
14Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.
15Nok nonen Karonhiake siionsahonne ne Ratironhiakeronon, ȣahonniron ne katsenen sakonasterista: Enhnioh Bethlehem niiore niieheteȣe, teȣatkensera tsini tiaȣenhon tsioni nahoten ȣasonkȣatokaten ne Raȣenniio.
16Kasterihenke kati eh ȣahonnete, nok iasakotiiatatsenri nʼOnȣari tanon ne Sose nok oni ne raksaa tsi kontekkȣatahasta raiationni.
17Nok nonen Sahonȣaken, neh sahatitharakȣe tsiniiot tsi tonȣatirori ne raksaa raiatatake.
18Tsiniiakon ȣahonronke, ȣahakonerakȣenhaton tsi nahoten ronton nekatsenen sakonaststerista.
19Nok nʼOnȣari akȣa neneh neok ne ioteȣeientontie aonikonrakon oni seȣatateiarakȣennihakȣe.
20Nok sahontenti ne katsenen sakonaststerista, ronȣanentons oni tehonȣanonȣeronnionne ne Niio: tsi eh nahaȣenne tsi ȣahonronke tsi oni ȣaontkatto tsiniiot tsi ronȣatirori.
21Nok nonen siiakaheȣe ne satekon nonta, onen senhonȣaȣarakȣetare ne raksaa, ethone Iesos ȣahonȣanatonkȣe, neneh Raronhiakeronon thosennaȣi areko sihaiatat ronistenha kaiatakon.
22Nok nonen siiakaheȣe naonsontaȣeiate nʼOnonsatokentike nʼOnȣari nakanane tsini hoianerenserison ne Moïs, Jerusalem niiahonȣaiatenhaȣe rahohenton ne Roianer,
23Tsini kaianerenseroten ne Roianer raoianerensera: nenteȣatierente roskenrakete eniakoȣiraientane Akȣa Raȣenniio enhoȣenniioste.
24Neh ens oni nahenane tsini kaiatonkȣe ne Roianer raoianerenserakon; ȣakonȣanatkaȣe ens tsioianat Orite, ok ne ens neh noȣira.
25Saiatat ne ronkȣe Jerusalem ranakerekȣe, Simeon ronȣaiastskȣe, neh kehiken nethoriȣaieri oni rosennaiens ne Niio; rorharekȣe oni neneh nahoken nʼakonikonriiotsera nʼIsraerroronon; akȣa oni nikȣekonhatiene ne Ronikonratokenti.
26Nok rotokatennihne ne Rotkon Roiatatokenti, tsi iah tarenheie ohenton nahoken ne Keristos, Roianer.
27Akȣa kati taiotokentane onen are Ononsatokentike ȣarete, onen etho ronȣaiatenhaȣi ne Raksaa Iesos nanihnane tsini kaianerenseroten ne raonha raiatatake.
28Ȣahokitarro, ȣathononȣeronnion ne Niio, nok ȣahenron:
29Onen nonȣa Seȣenniio! Skennen tenkiheie tsiniskerharaststenni.
30Aseken ontkatto ne kkarake ne Etsienha sesetenratane.
31Neh oni enskat ne Sakȣatakȣen akohenton akotiokȣakȣekon nonkȣeokon.
32Ne taiakosȣathetakȣe nonkȣeokon, nok Akonentonsera akenhake ne sentiokȣa Israerronon.
33Nok ne Sose oni ne ronistenha rotinerakohon tsiniiontonhakȣe ne raksaa raiatatake.
34Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhiontennikonratihatanionkȣe nonkȣeokon.
35Nok ienkaheȣe neh nenhiaȣenne tsiniiot nʼassarekoȣa taeseriasaȣeheste, nonen enhiontennikonrotasionko ne ionkȣetaksens.
36Anen oni iotokense etho kanakerekȣe, Phanuel sakoienha, Aser raȣatsiratatie, onen siiokstenha, tsiatak niioserake teniiasene ne ioniakonhonne,
37Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.
38Eh oni noneh onȣe, ȣathononȣeronnion oni neneh ne Raȣenniio, nok ȣahakororianion ne raonha rahoriȣake tsiniiakon ne iakorharekȣe aonsaiontnerensi ne Jerusalem ronon.
39Nok nonen saniriȣaierite tsini hoianerenseroten ne Roianer, Galilene niionsane tsi thonatenataien, ne Nazareth.
40Nok ne raksaa roteiarontie, ronikonroȣannhaonhatie oni, raiati nattokhatsera; nikȣekonhatie oni ne Niio raotanitenron.
41Niateioserake, tsini Shatonnhethe, Jerusalem iesnethakȣe ne ronȣaienha.
42Nok onen tekeni iaȣenre satehaoseriiakon, onen are ne roniha oni ne ronistenha Jerusalem ȣanete tsini hotirennhaonne nonen ȣentanoronsere.
43Nok nonen sahententane, saiatenti, ok eh iehenteron ne Iesos Jerusalemke, iah othenon tehonattoken ne ronȣaienha.
44Ȣanere nenehe ethokinaha ȣahaiataratie tsi saiotonkȣetakatatie; seȣennisera niiore niiahane ronȣaiatisakonhatie tsinon nisakotinonkȣe oni ne tehontatienteris.
45Nok iah kaneka tehonȣaiatatsenrion, saiakehte kati Jerusalem niionsane sahonȣaiatisakha.
46Asen nonta onakenke niionsahonȣaiatatsenri ononsatokentike, rahotinenrihen ne ratiianerenseronni sakotaonsate nok tetessakoriȣanontonnis.
47Nok tsini iakon niakothontekȣe, iakonerakȣaskȣe tsini hattokha, oni tsi tetessakoȣennaȣerons.
48Nok ȣahotinerako nonen sonsaonȣakon, nok ne ronistenha ȣakenron; oh niiotieren kien tsi eh nasiere? Kenh nii ionkeninikonraksenseres keniiatisakonhaties.
49Tontasakoȣennaȣeron, ȣahenron: oh nehne nahoten takeniiatisakta? iah kenh nah tetsiaterientare tsi teiotonȣentsiohon nakaststeriste ne Rakeniha rahoriȣasonha?
50Nok ki iah tehotinikonraientaon tsinahoten ȣahenton tsiniiot tsi tahatati.
51Onen kati sahonne, Nazareth ionsahonneȣe; Sakoȣennarakȣakȣe. Kenh kaien ne ronistenha akȣekon taioteȣeientontie aȣerientakon tsinikon tsi oni nikaȣennotens ȣaronkas.
52Nok ne Iesos attokhatserakon tsi roteiarontie, nok ateriȣakȣarisiontserakon rahohenton ne Niio oni nonkȣeokon.
Currently Selected:
Luke 2: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
