Luke 3
3
Asenhaton teioteriȣasonterakȣen Oriȣatokenti tsini hoiaton Roiatatokenti. Luc.
1Ȣisk-aton iaȣenre niioserake sihonontiikoȣa ne Tiber Cesar, ethone ne Konskȣirat sihakoraserakȣeniio ne Judé, nok ne Herod Galile, nok ne rokenha Philip Iture tanon Trakonit, nok ne Lysanias Abilene neneh nonȣe nihoteriontakȣe.
2Ann tanon Caiphe nitsihenstatsi koȣa ihken, onen ne San Sakari roienha tahatasaȣen ȣasakoȣennaronkaten ne Niio raoȣenna.
3Akȣekon nontarete naktatiesonha ne Jourdan, sakoretsiaronne, aonsaiontatreȣate nok aonsaionkiatokeȣe ne kariȣaneren.
4Tsiki niiot tsi kaiaton raoiatonserakon ne Rotokonsehakȣe Esaï, raton: kenh nihaȣennoten ne karhakon raȣennotaties: Seȣahahaseronni ne Roianer rahohaha, Seȣahahakȣarisi tsi rothate.
5Akȣekon enskananon tsi ionrakȣanion, Akȣekon enkarision tsi ionontenion oni tsi ionniaronnion, nok enskatakȣarision ne iotkȣaton, nok enskatakȣarision tsinonȣe nenhiohahakarenrenionke.
6Nok akȣekon nonkȣe onhonȣaken ne Niio raoiatakennhatsera.
7Sakaȣennihakȣe tsiniiakon ronȣaiatorenskȣe naiontenekȣaheste: onka ietsirori naheseȣatekȣase ne Niio raonakkȣensera.
8Teiotitokentonhak kati natatreȣatatsera tsi saseȣatatreȣat, nok tosa saseȣerhek aheseȣatonheke oni ne seȣerientakon: Abraham sakȣaniha: aseken ȣakȣarori tsi iah othenon tahonoronse ne Niio, kehiken kanenhiakeron aontasakoiatinekenȣe nʼAbraham sakoienhokonha akenhake.
9Onen akȣekon niiekonȣatiriȣenton tsi tioteronton, tsinikarontake ne iah teȣaianiiontha enkaiakon nok otsirake enȣation.
10Ethone oni akȣekon ok nonkȣeokon ȣahonȣariȣanontonse ionton: oh nenhiakȣaiere?
11Tontasakoȣennaȣeron, nok ȣahenron: onkakiok tekeni tehotiataȣitseraien enskat ki sakaon ne iah teiakoien; nok oni ne rotonnatseraien eh oni neneh nihaier.
12Akȣekon oni ne ratikarotasions ronȣaiatorenskȣe nok ronȣariȣanontonnihakȣe, ronton: Seȣenniio! oh nenhiakȣaiere?
13Tontahenron: Tosa ihsinon naseȣariȣanonton tsiniiot tsi oni nikon ietsiriȣaȣi.
14Ok oni ne sotar ronȣariȣanontonnihakȣe oni noneh, ronton: Oh nii nenhiakȣaiere? Tontahenron, tosa ok tontaietsiianontons, aietsinikonrhaten oni onkakiok akenhake; ok taseȣennikonriakonhak tsini seȣatkariakse.
15Nok tsi onen siiakorharenion nonkȣeokon, ienrhakȣe kati neh onte kehiken ne Keristos.
16Tahenron ne San; neok se nii naȣenke kȣanekȣahesta, tihaiatate ohnaken tare nehe senha rokȣeniatseroȣanen, akȣekon iah teȣakerionte neok oni nahiiennikatsenanerensi, neh Onikonratokenti nok Otsire hentsiseȣanekȣahestakȣe.
17Rahaȣe ne raosheȣata, nok enhatataseȣase, nok raononsoharake ienhateȣeienton ne raonatsia; nok ne kaȣahe otsirake iah teȣasȣas ienhoti.
18Eso tsi nithaierathakȣe tsi sakoretsiaronskȣe, oni tsi sakotatiskȣe nonkȣeokon.
19Herodias ȣakarionni tsi ȣahotteten ne San ne Rakora Herod ok neneh iatatekenha Philip rone rotinnhikon.
20Sekon ionsarohestste ne raonnhistsera onen akȣa ȣahatennhane ȣahonȣannhoton ne San.
21Nok tsi iontenekȣahesta nonkȣeokon, etho oni neneh ȣahatenekȣaheste ne Iesos; nok tsinikariȣes roterennaien, tontonteronhiakhasi.
22Nok Rotkon Roiatatokenti tahastsnente, ȣahotienhase, orite kenraken rotiatontakȣenhatie; etho oni takaȣenninekenne ȣakenron: I꞉se konhienha konnoronkȣa-koȣa; ise oni issaȣe ne katonȣeskȣata.
23Onen neh nahoten nʼasen sihahoserasenhatie ne Iesos, nok akȣekon ok nonkȣeokon ienrhakȣe Sose roienha, nok ne Sose Heli neneh Roniha.
24Mattat roienha, Levi roienha, Melchi roienha, Janna roienha, Sose roienha.
25Mattathie roienha, Amos roienha, Nahum roienha, Esli roienha, Naggé roienha.
26Maath roienha, Mattathie roienha, Semei roienha, Sose roienha, Juda roienha,
27Johanna roienha, Rhesa roienha, Zorobabel roienha, Salathiel roienha, Nere roienha.
28Melchi roienha, Addi roienha, Cosam roienha, Elmodam roienha, Er roienha.
29Jose roienha, Eliezer roienha, Jorim roienha, Matthai roienha, Levi roienha.
30Simeon roienha, Juda roienha, Joseph roienha, Jonan roienha, Eliakim roienha.
31Melea roienha, Maïnan roienha, Mattatha roienha, Nathan roienha, David roienha.
32Jesse roienha, Obed roienha, Booz roienha, Salmon roienha, Naasson roienha.
33Aminadab roienha, Aram roienha, Esrom roienha, Phares roienha, Juda roienha.
34Jacob roienha, Issaak roienha, Abraham roienha, Thara roienha, Nakor roienha.
35Saruk roienha, Rhagaii roienha, Phalek roienha, Heber roienha, Sala roienha.
36Caïnan roienha, Arphaxad roienha, Sem roienha, Noe roienha, Lamech roienha.
37Mathusala roienha, Enok roienha, Jared roienha, Mahalaliel roienha, Cainan roienha.
38Enos roienha, Seth roienha, Adam roienha, Niio roienha.
Currently Selected:
Luke 3: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
