Mark 14
14
Kaieri-aton iaȣenre teioteriȣasonterakȣen tsini hoiaton Roiatatokenti Mark.
1ONEN sateseȣenniserake ok satetsiotatenron tsi enȣentanoronne ne Shotonnhestston, oni ne iah teȣattenkȣaton tsini ienataraks; Ok onen tsinithotiieren ne ratitsihenstakȣeniios oni ne ratiiatons rotiriȣisakon kah naontahatiierate ahonȣaiena ne Iesos nok ahonȣario.
2Rontonhakȣe ki neneh; tosa tsi niȣentanoron kenhak, onȣa kehiken etho entkaientakȣe othenon isinonȣe tsinenhiaȣenne tsinonkȣati nonkȣeokon.
3Betani sistres ne Iesos Simon roststaȣis raononskon satehostskaon, Skaiatat ne tsiothonȣisen iahontaȣeiate katsetenhaȣi neh nakȣa ihken ȣenieniio oni ȣenienanoron karatie, nok Iesos ranontsine tonȣeron nok ȣahahokaȣe.
4Otiake ohia nontahonatierase nok ȣahonniron ne raotinikonrakon: nahoten atonron enȣaton kehiken kenhnonȣe nakarho, akȣa ki oriȣakȣekon ȣakaiessa.
5Iahontekenhsenha taioianerenhon, aontenninonke ne kenhie nok iakotent aiontatatitenraton: Etho niiot tsi konȣariȣahestennihakȣe ne tsiothonȣisen.
6Iesos ȣahenron: iaȣeronhatie tosa othenon seȣaststerist, Oriȣiiose naha tsi takaierite nii kiatatake.
7Aseken tiotkon tenhseȣatiestonhatieseke ne iakotent, tiotkon oni Seȣatesennaien naietsitenre; nok iah nii tiotkon tataskȣakanerake.
8Aonha aokȣeniat tsi nakaiere: tahonenne taioiatokaȣe nakieronta neh iaȣet nonen enhionkiatata.
9Oriȣiio tsi kȣarori: Kakiok nonȣe tsini ionȣen tsia nenkonȣaȣennanoton ne kenh Kariȣiio; ok oni neneh etho niioriȣake tenskonȣarensaronseke tsi nakaiere nonȣa.
10Ethone ne Sitas Iskariot enskat ne tekeni iaȣenre nihati ȣasakoiatisakha ne ratitsihenstatsi nasakotenninon ne Iesos.
11Iah tiiaieriȣaheȣe tsinontahontsennonni; ȣahonȣarharaststen oni oȣista enhonȣakariakse; eh nontahatasaȣen onen neok saresake oh naiaȣenne aontiesenne ahoiena nok iasakotsiakȣarisien.
12Noneh tiotenniseratierenton tsini ienataraks neiah teȣattenkȣaton etho oni nonȣe nenkonȣario ne teiotinakarontonha neneh Shotonnhestston, ȣahonȣariȣanontonse ne raotiokȣa, kah ȣaonniron nonȣe: nenhiakȣakȣatako tsi oni nahoten aeteȣake ne Shotonnhestston?
13Ethone teniiase ne raotiokȣa iasakotori nok ȣahenron; ȣasene kehiken tkanataien, tenseȣaterane ne ronkȣe onekanos enhatsetenhaȣi; hetsiseniser.
14Nok tsinonȣe ienhataȣeiate hetsisenirori ne ranonsakȣeniio enseniron: Roianer roteriȣanietonhatie, kah iaken nonȣe niionaktahien tsinonȣe nataiakȣastskaon nakitiokȣa ne shotonnhestston?
15Kanonsoharake tionaktoȣanon tkanaktaien eh niienhtsiseniiatenhaȣe; etho nonȣe nasenikȣatako tsiniiot tsi teiotonȣentsiohon.
16Kanatakon niiahane, akȣekon eh nahaȣenne tsiniiot tsi tesakorori; nok ȣanikȣatako ne Shotonnhestston.
17Okarasneha nonkȣati onen etho ȣaraȣe ronne ne tekeni iaȣenre nihati.
18Nok onen satehonastskaon, ȣahenron ne Iesos; Oriȣiio tsi kȣarori tsi saiatat nonȣa kenh teiatiatonts enhakatenninon.
19Akȣekon ok tahontonneke nok ȣahotinikonranonȣake; ȣahonȣariȣanontonse ronton: II onteken?
20Tontahenron saiatat tsinitsion nonȣa kenh teiakiatonts.
21Oriȣiio onkeken tsi satentionhe nonkȣe Roienha, tsi ki niiot tsi kaiaton neraonha raiatatake; nok ki tanon rotentasere netho ronkȣe nenhotenninon nonkȣe Roienha; senha aioianerenhon ne tosa nonȣenton ahonakeraton.
22Nok tsini kariȣes tehonastskaonkȣe, Iesos ȣatrakȣe kanatarok, ȣahaterennaienhase, ȣathaiakon, tasakon ne raotiokȣa, ȣahenron: Seȣaiena nok iseȣak; neh nakeȣaronk.
23Ȣahatsetarako nok ȣahaiatateriste, nok iashakaon; nok akȣekon ȣahatinekira.
24Nok ȣahenron: neh kehiken nakenekȣensa, neh noriȣase onekȣensa skakȣatakȣaton, oni kentiokoȣanen iontatenekȣensarise.
25Oriȣiio tsi kȣarori: tsi iah sekon teseknekirane nonenharakeri ohenton tsiniiore ienȣatenniseriheȣe Rakenineha ienseknekira.
26Nok nonen sahatirennokten, onontoharake Olivier niiaonne.
27Ethone onen ȣahenron: onȣa kenh ȣasontate akȣekon enseȣariȣanoron nii akeriȣake; aseken ȣaton tsi kaiaton: henhiiente ne rahnonne, nok tenkonreni ne teiotinakarontonha.
28Nok tanon nonen enseȣakatonnheton, enkȣahenteste tsiniiore Galile.
29Tier tahatati, ȣahenron: ok oni nakȣekon notiake ahotiriȣanoron iah ki nii nonȣenton.
30Iesos tontahoȣennaȣeron ȣahenron: oriȣiio tsi konrori onȣa kenh ȣenniserate tsi enhiokaraȣe, ohenton tekeni tahontontati ne kitkit asen niioriȣake enskatonnhiiase.
31Nok ne tier, tahariȣareke tsi raton: ok onte oni naionkhiiariskontane aionkhiriosere iah ki nonȣenton tiiakonhiatonnhiiase. Akȣekon ok etho nahatiiere.
32Ethone onen iaonneȣe Getsemane konȣanatonkȣa; ȣasakaȣenhase ne raotiokȣa: kentho seȣatien, niare katerennaienna.
33Tier ok tanon Sak oni San iasakoiatenhaȣe ethone onen tontasaȣen tsiniiot nahoteronhienten oni ȣahoiatishonkȣe.
34Nok ȣahenron: Skanorons akiheiate tsiniioteronhientenni nakatonnhest; kentho seȣenterontak, nok seȣatieȣaton.
35Ostonha ihsinonh niiahare, ehtake ȣahatiskȣentare, raterennaienskȣe naontonseke skennen tatahatonkote.
36Ratonhakȣe; Rakeni? oriȣakȣekon tiskȣeniese; ehren ashaȣite ne kanikonraksensera; eh ki sane niiaȣenn tsini sanikonroten.
37Eh saraȣes tsi ratiteron, rotitas; nok ȣahaȣenhase Tier: Simon, sentas kenh? iah kenh taesakȣenion arahona enskat aioȣistahe aesatieȣatake?
38Satieȣaten, nok saterennaien, tosa aesasenni ne kanikonrotakȣen: Aseken kaiatastore ne kanikonra, nok noȣaron ioiatakenheion,
39Ehren sarete, nok ok neh tontarate tsi sahaterennaien.
40Sekon etho saraȣe shotitas are (akȣa se aniot ok tithonanontonse tehotironȣeks) iah oni othenon tatethonȣaȣennaȣerons.
41Onen neh nasenhaton etho sonsahakȣatho, ȣasakaȣenhase: Seȣentaf onen oni seȣatorissen; onen iaonteriȣiheȣe: iatekakonte nonkȣe Roienha tsi enhonȣatienaȣaste nionkȣetaksen.
42Hennioh niha teseȣatann onen ken ihre ne rakatenninonre.
43Sekon ok nihaȣennatatie ne Iesos, eh ȣahoketote ne Sitas Iskariot; rotiokȣine, ronsharenhaȣinontie, ratinnienhaȣinontie oni ne neh ratitsihenstatsi oni ratiiatons sakotinnhaonhatie.
44Sakoteniententseraȣi ne rotenninonre raȣen nehne tenhinoronkȣanion neh hetsiseȣaiena oni iahtsiseȣaiatenhaf.
45Kaȣenniiok ȣaraȣe akta niiahare nok ȣahenron; Saianer, Saianer; nok ȣathonoronkȣanion.
46Ethone onen oksaok oni ȣahonȣaiena.
47Nok saiatat tsinihati netho ronneskȣe tahasharotsiate ne raosharekoȣa nok ȣahoiente enskat ne Ratsihenstatsikoȣa raonnhatsera akȣa neok ne iahohontiakte.
48Ethone ne Iesos tahatati ȣahenron: eh niseȣaierenhatie tsi takȣaienasere tsiniiot nonkȣetaksenskȣa atsiseȣaienasere Seȣasharenhaȣinontie, oni seȣannhienhaȣinontie.
49Ok tiiateȣenniserake iteȣeskȣe ononsatokentitserakon kherionniennihaties nok iah teskȣaiena; neh ki neneh ȣaonni eh nahaȣenne nakanane tsini kaiaton.
50Ethone akȣekon ne raotiokȣa ȣahonȣateȣentete nok ȣahonteko.
51Saiatat ranekenteron eh raiataratie raonekon akȣa neok ne iontenaktoroksta ehneken tithotion, otiake ne ratinekenterontsonha iahonȣaiena.
52Ok eh tahatsiakȣarisi ne rahoniataraha rahonekon tsi sahatotarisi nok ȣahateko.
53Ethone onen Ratsihenstatsi koȣane niiahonȣaiatenhaȣe ne Iesos, ethononȣe akȣekon nahontkennisa ne ratiriȣakȣeniios.
54Ih si niiore thontarene ne Tier tsi rononteratie ne Iesos, iahonneȣe rahotehenrakon ne ratsihenstatsikoȣa, ethooni tikaraties tsi ronnes ne Kannhatsera, etho oni rotenhien tsi iotekha.
55Ratiriȣisakskȣe ne Ratitsihenstakȣeniios oni ne ratiiatons oh nahoten ahonsahoteriȣateȣaton ne Iesos, nahonȣariȣentakȣe, iah teȣatetsenrieskȣe naioȣeienston.
56Kentiokoȣanen ronȣanoȣentanionniskȣe; iah ki othenon ohriȣa teȣatonskȣe.
57Kare onen otiake tontahatitane, ȣahonȣariȣarho, ȣahonniron:
58Sakȣaȣennaronken kehiken raȣen: enkenonsarisi kehiken kanonsote Ononsatokenti nonkȣe iakoson, nok asen nenȣata oia enskenonsisa nʼiah Onkȣe taiakonni.
59Sekon are neneh iah teiotonhon nakȣa skariȣat ahontahonastston.
60Ethone onen tontahatane ne Ratsihenstatsikoȣa kanonsihen tsi katsienhaien eh ȣathatane, ȣahoriȣanontonse ne Iesos, ȣahenron: Oh niiotieren tsi iah othenon tetesaton niiaȣeta iesariȣarhos?
61Ok tatehotote ne Iesos iah othenon tahenron. Sekon ne Ratsihenstatsikoȣa Sahoriȣanontonse, ȣahenron: Ise ken ne Keristos Niio Iaienha?
62Tahenron ne Iesos: II; nok henstsken nonkȣe Roienha tsi raȣeientetakon ne Niio henhenstskȣarake, oni nonen otsikerakeson natenthaȣenonhatie.
63Ethone ne Ratsihenstatsikoȣa ȣaharatsionko ne raotiataȣi, nok ȣahenron; nahoten sekon noia aonseteȣariȣisaktake?
64Akȣekon onte ȣahi seȣathonte tsini ioriȣatsanit ne tahaȣenninekenne: nahoten iseȣere? Ethone onen akȣekon ȣahonȣariȣente tehotentson narenheie.
65Onen oni tahontasaȣen otiake ȣahonȣanistskeroseraȣe, ȣathonȣakarannhake, ȣahonȣakonrekhon; nok rontonhakȣe: Iatsienterenn onka ȣaesakonreke, nok ne ratiriton ok neneh ne rahotihnia ronȣaienthakȣe.
66Nok tsinikariȣes rotenhientakȣe ne Tier, skaiatat kannhatsera eh onȣe.
67Ȣahokahonhionnion ne Tier, nok ethone ȣakenron: oriȣiio oni nise tsi senikȣekonhatieskȣe ne Iesos Nazaretronon.
68Nok Sahatonnhiie, Sahenron: iah tehiienteri, iah oni othenon tekeriȣaienteri tsinahoten saton, nok sahaiakenne, akȣa neok tonsahatennhohaȣenrate tontati ne kitkit.
69Sekon ok neh sakaiatat ionsahokon, nok ȣahakororianion netho ronnes, ȣakenron neh sahatiiata kehiken ihrate.
70Sekon are sahatonnhiie, iahtekariȣes tsinahe, ȣahonniron netho ronnes; Oriȣiio onte oni nise tsi Galile-ronon nasiatoten aseken eh oni nise niseȣennoten.
71Ethone onen akȣa tahonakȣen nok ȣahariȣanirate, ȣahenron: Oriȣiio tsi iah tehiienteri neh ehtsiton.
72Ethone onen noneh tekenihaton tontati ne kitkit; ok sisreiaratie ne Tier tsinahoten thaȣen ne Iesos: Asen nenskatonnhiiase ohenton ne tekeni tenteȣatati ne kitkit: ȣathosterihen sahaiakenhne nok ȣahaststaren.
Currently Selected:
Mark 14: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
