Mark 13
13
Asenhaton iaȣenre teioteriȣasonterakȣen tsini hoiaton Roiatatokenti Mark.
1NONEN sishoiakenhonhatie ne Iesos, saiatat ne raotiokȣa, ȣahenron: Saianer! Skaenhion tsiniio ianere tsi tekanenhiasere oni tsini kanonsiio!
2Iesos tontahoȣennaȣeron, ȣahenron: teskanere ȣahi kenh nonȣa kehiken nikanonsa? iah oni nenskat tataonsakanenhiaserake niah takarision.
3Nok nonen Olivier onontoharake siiehatiteron, teiotokenton tsi tkanonsote nononsatokenti, Tier, Sak, San tanon Antre ȣahonȣariȣanontonse ȣahonniron:
4Takȣarori katke eh niienhiaȣenne, oh oni nahoten enhiakȣaienterestakȣe nonen eh nenhiaȣensere?
5Ethone are ne Iesos, tontahenron: Seȣatatenikonrarak tosa onka aietsinikonrasenni.
6Aseken ronentiokoȣanen nentionksennenhaȣi, enhontonne: II ne Keristos, nok kentiokoȣanen ensakotinikonrakarhatho.
7Tosa seȣateronn nonen enseȣariȣaronke. Ȣateriio, ionteriiosere, aseken iatekakonte neneh eh nenhiaȣenne, nok iah ki neh teken ne tsi iotokte.
8Aseken ok neneh teiontonȣentsianekhanion tenhiakoriȣarheseron, tenhiaonȣentsishonkȣanion, enhiontonkariakhon, tenhinkoriȣarheseron; akȣa neok neneh nenkontihente naiakonikonranonȣake.
9Seȣatatenikonrarak kati nise: aseken enhietsiiena enhietsiiatenhaȣison oni tsi teieiatoretakȣa, oni isi ionterennaientakȣa, enhietsisokȣaȣessonnion; ienhietsiiateȣe oni rahotihenton ne Ratikorasson oni Rotinontiiosson nii akerihonniat, neok oni nahontkathote.
10Kenh tanon kaien ne Kariȣiio, iatekakonte tsi akȣekon nonkȣe enhiontataronkaten.
11Nok nonen ionkaeȣe, enhietsiiena, oni enhietsiiasarineson, tosa teseȣatatenikonrharen ne tahonenne ahonteseȣaterientisake tsi nahoten enseȣenron, etho ok nikon taseȣatati tsinikon enhtsiseȣanikonrata ne Ronikonriioston neh nonȣe nenkahaȣi; iah se ise taeseȣatati nethone Ronikonriioston se enhatati.
12Ienkaheȣe iatatekenha enhoriȣente kenheiatne, Roienha oni enhoriȣente ratiksaokonha ensakotiriȣente ne ronȣatiienha.
13Nok enhiotsisȣenseron nonkȣeokon nii akeriȣake; nok ki tanon onka iatenrokten neh tohiken enhaniakenne tsi niienhense.
14Neh kati nonen enseȣatkatto Kariȣaiesasera iakokaronniatta eh naioton tsiniiot tsi rotrori ne Rotokensehakȣe Daniel eh nonȣe nakakȣatakȣen tsinonȣe iah teionakte (ratennikonraren onka roȣennanotta ne kenh Rotokense); ethone ne Judé nonȣe niienakere Onontoharake enhiontekȣassen.
15Tosa tethastnent ne kanonsake iehahrates niaonsahako othenon akenhake ne kanonskon,
16Oni ne kaehtakon iehres tosa Sahket naonsahakoha raotseronniat.
17Ne tanon iotitentasere noianenkontiiatoten oni nonkonststaronthake neh nonȣe niȣenniseratenion.
18Hetsiseȣaneken ne Niio aiaȣens tosa koserake akenhake nonen ienseȣaiatheȣe naeseȣateko.
19Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣenhon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.
20Sekon oni ne iah tahaȣenniserokeri ne Roianer neh niȣenniserotens iah onka taioniakenhon; nok ki tanon nonȣa neneh Sakoiatarakȣen Ahorionniat tsi taȣenniserokeri.
21Ethone oni enhiesarori nenhiaihron; Kentho renteron ne Keristos; ok ne ens kentho itres; tosa tasetak.
22Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion natahatiierekenha asakotinikonrakarhatto ne iakohianere.
23Seȣanikonrarak kati; onense ȣahi tahonenne oriȣakȣekon kȣarori.
24Nonen enȣatennisorohestste, enȣaterakȣaton, oni nasonrekha.
25Entkatsistokȣaniserenne ne karonhiake, nok tenȣatkarenron naosastensera tsi karonhiate.
26Ethone enhonȣaken nonkȣe Roienha otsikerakeson natentre, enthosastenseroȣanenhatie enthoiatanerakȣatonhatie oni.
27Entesakotori ne raoronhiakerononokon ensesakotiiataroroke ne raonkȣeta onȣentsiakȣekon teiakorenion.
28Kenh kaien Seȣakaenhion, tsionionȣarontonhake tekariȣakentonkȣen, nonen enkaskȣeionten oni enkaranaȣen, ok naha seȣatons ohnen toha taiokennhonti.
29Neh kati oni nise enseȣaienteristakȣe nonen enseȣatkatoseron eh oni nenhiaȣenseron kehiken, seȣerhek onen akta iȣe, onen oni onȣe.
30Oriȣiio tsi kȣarori, tsi iah teȣatoheststane ne kenh kaȣatsirate ohenton neh naiaȣenne.
31Ȣatohestane tsi karonhiate oni ionȣentsiate, nok nakeȣenna iah neneh nonȣenton tiiakontohestste.
32Kenh kaien kah nonȣe teȣenniserate, oni tsinenhioȣistahe iah onka teioterientare, iah oni nʼEron-hiakeronon, sekon oni iah ne Roienha, Akȣaki raonhatsiȣaok ne Rakeniha.
33Seȣatatenikonrarak kati seȣatieȣaton Seȣaterennaien oni aseken iah teseȣaterientare katke niienkaheȣe.
34Eh naseȣaier tsiniiot ne ronkȣe ratentionhe, ȣasakorionten ne raonnhatseraokon nahatinikonrarake tsini hoien, akȣekon niiasakotenienthase, nok saiatat ȣahohonkariake nasakonikonrarake.
35Seȣarharek kati, iah se ȣahi teseȣaterientare katke natentre ne ranonsakȣeniio; toka okarasneha, toka asonthen, toka tsini tkontatis ne kitkit, ok ne ens orhonkene;
36Tosa onȣar ok akȣa aesentaseke ahonsaraȣe.
37Tsinikon kȣaroris akȣekon sateseȣariȣake: Seȣarharek.
Currently Selected:
Mark 13: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
