Luke 9
9
Tioton-aton teioteriȣasonterakȣen Oriȣatokenti tsini hoiaton Roiatatokenti Luc.
1Ethone onen ne Iesos ȣasakoiatarako ne tekeni iaȣenre Nihatikȣekonne nok ȣasakokȣeniatseron nasakotikȣeni nonatkonseraksen, oni naonsasakotitsiente niakononȣaktani.
2Iasakotori asakotirionniennira ne Niio raonakerasera, nok aonsasakotitsiente niakononȣaktanionnis.
3Ȣasakaȣenhase oni: tosa othenon iaseȣaha tsi seȣatentionhe, iah natennists, kaiare, kanatarok, iah oni noȣista; tosa oni tekeni teseȣatiataȣitseraientak.
4Nok nonen kah kiok nonȣe ienhietsiiataȣeiaten, etho seȣenterontak tsiniiore tentiseȣatenti netho nonȣe.
5Kakioknonȣe iah tenhietsiiateȣeientonne, saseȣarasitokef nonen tentiseȣaiakenne neh nonȣe nikanataien, neh tohiken enhotiriȣentakȣe.
6Eh kati nehne nahatiiere, ȣahontenti, ok tiiathonreni tsi ienakerenion, oni tsi iohnatakȣenraron, Sakotirionniennihatie oni sesakotitsientonhatie niakohnonȣaktani.
7Ethone oni onen ne Herod rakora ȣahariȣaronke tsini haieranionskȣe ne Iesos; nok iah teȣatons nahonikonratokenne, aseken otiake, ionton: San Shotonnheton.
8Nok notiake ionton: Eli isro: nok sekon otiake iontonhakȣe; nehne thonatierenton thotitokensehakȣe shotonnheton.
9Ethone ne Herod ȣahenron: ȣakatennhaon ronȣaniariakon ne San: Onka kati ne kenh nonȣa kehiken neh nihaierha tsiniiot tsi karonkas? raskanekskȣe nahoken.
10Nonen sonsahonneȣe ne raotiokȣa akȣekon sahonȣarori tsi nahatiieranion, nok ne Iesos ȣasakoiatatiskȣate ihsi niiahonne Kanatakta ne Bethsaïda,
11Sahakotokense nonkȣeokon, ȣahonȣatisere; iahonȣatiiatastsenri, ȣasakerionnien ne Niio raoriȣasonha nok sasakotsientanion ne ionskanekskȣe naonsaionton.
12Nok nonen siiateȣastsothohsere, ȣahonniron ne tekeni iaȣenre Ratikȣekonne: Sasheiatori kehiken kentiokȣaien, tsi tkanataienton oni tsi tiakononsoton niiaonsaien eh iaonsaionnonȣete oni iataonsaionstskaon, iahse ȣahi othenon taieriȣatsenri tsinonȣe niteȣes.
13Tontasakoȣennaȣeron ne Iesos, nok ȣahenron: Ise iestsinonth: tontahonniron: Serenkene ȣisk ok nitsionkȣanataraien tanon tekentsiake: tohka kati aiakȣaninonra ne kanenrakȣekon aiakhinonte.
14Neh nahoten ne ȣisk niȣenniaȣehetserasen niionkȣetake. Ethone ȣasakaȣenhase ne raotiokȣa, ȣahenron: iestsirori, ȣiskson niionkȣetassenhatie tsi ionnitiokȣarorokhon.
15Oksaok eh nahatiiere ȣahatinenraseronni.
16Ethone ȣatrakȣe ne ȣisk nikanatarake oni ne tekentsiake, Karonhiake iahatkatto, ȣahaiatateriste, iasakaon ne raotiokȣa niaonsasakotiiakhonhase nonkȣeokon.
17Akȣekon ȣationstskaon ȣahakotane oni; tanon tekeni iaȣenre niȣatherake ȣakanane ne iotatenronhokonha.
18Nok nonen raonhaa siionsonton nahaterennaien; etho oni nehne ratiteron ne raotiokȣa, ȣasakoriȣanontonse, ȣahenron: Onka ionkonnis nonkȣeokon?
19Tontahonniron: otiake ki ionton, San, otiake oni, Eli, sekon otiake ionton, nehne thonatierenton thotitokensehakȣe saiatat Shotonnheton.
20Ethone kati are onen tontahenron: nok nise, Onka iseȣere nII? Tier tahatati, ȣahenron: ise ne Keristos Niio Iaienha.
21Ȣasakotiaȣenrastse tanon nahontrori.
22Sekon are sahenron: Iatekakonte tsi eso enharonhiaken nonkȣe Roienha, enhonȣateȣentete ne ronaterihonton, ratitsihenstatsi okon oni ne ratiiatons; ienkaheȣe oni henhonȣariote, nok ki tanon Asen-aton nenȣata enshatatonnhete.
23Ok oni akȣekon thisakaȣennihakȣe: onkakiok enhienrheke rinonteratie, akȣaniare iontatateȣentet nakaonhatserakon, iontketat nakoiasa tsi ȣentatenion, nok ionkianenhaf.
24Aseken nenhienonstate tsi iakonnhe enhiahiheie; nok nenhionkateȣentetase tsi iakonnhe neh enhiakonnheke.
25Oh nahoten enrastste ne ronkȣe nonȣentsiakȣekon tahatentsa, nok ok raonha, tahatateriio ahatatatonte oni?
26Aseken onka enhionkatehase, ok ne ens nakeȣenna, enshotehase ki oni nehne nonkȣe Roienha nonen tentre rahotiiatanerakȣatserakon ne Roniha oni ne raotironhiakeronon okon.
27Oriȣiio tsi kȣaroris, tsi ratiiatare nonȣa ne kentho ne iah tahonniheie ohenton nahontkatto ne Niio raoiatanerakȣatsera.
28Satekon nonta neh sithaȣen, onontoharake ȣahaterennaienna iasakoiatenhaȣe ne Tier, Sak tanon San.
29Tsini kariȣes roterennaien eh ȣathatteni, nok ȣakenrakenne ne raotseronniat eh nahaȣenne tsiniiot tsi ioronhrote.
30Nok teniiasse ȣathatitharen neh ne Moïs tanon Eli.
31Akȣa oni ihken tsi rotiiatanerakȣat, neh rotitharakȣen tsi nenhiaȣenne tsi ienrenheie Jerusalemke.
32Kenh kaien ne Tier oni ne rontenrotiene eh nahotiiataȣen tsiniiot nakȣa ihken iakoserentaras; nok nonen sonsahatiie iah tiiaieriȣaheȣe tsini hoiatanerakȣat tsi sahonȣaken eh oni nehne niiot ne teniiasse.
33Akȣa onen sateshontekhasionhe, onen tahatati ne Tier, ȣahenron: Saianer! ioianere ne kentho aheteȣenterontake: Asen kati niteȣatatoseroten enskat ise saȣenk, enskat Moïs, tanon enskat Eli: iah tehottoken tsi nahoten Sahenron.
34Sekon ok nihotharatie, eh iotsikeraratie nok taiakorhoroke, onen senha ȣahotiteronne.
35Etho otsikerakon takaȣenninekenne ȣakenron; Neh kehiken ne Riienha Rinoronkȣa onȣe: Hetsiseȣaȣennarakȣak.
36Akȣa neok ȣaknȣennentane raonhaa sonton ne Iesos. Akȣekon ok ȣahatiriȣasete iah oni onka tesakotirori nethone tsiniiot tsi ronatkatton.
37Tsi ȣahorhenne onen satontahonontastsnentonhatie iotiokȣatsanit ȣathonȣaterate.
38Saiatat tsi ni kentiokȣa tontahohenrete, ȣahenron: Seȣenniio! ȣakonneken hatsitenre ne Riienha neok oni enskat Ȣakeȣiraien.
39Nok otkon rohienas, ok ens tontaiaȣentsi ȣathohenrete; ehtake henhoiatisereson, entkaȣaststotonnion rasakon. Akȣa ens serenkeneha tenshonikonrote nonen enhaiatentane.
40Khenekenni ne sentiokȣa naonȣatsiente iah ki tehotikȣenion.
41Tontahenron ne Iesos: kanoron ki oni ne iakotennoȣentastskon oni niakaȣeriasaksen! Toh nekenh akȣa nenȣe enteȣakȣekonhatieseke ok oni tenȣakeron iaȣeronhatien: karo nontastsiatenhaf ne hetsienha.
42Akȣa neok iahatenti, ok naha notkon ȣahoiena neh oni ihken ne iatiotiete; nok tanon ne Iesos ȣahatteten notkon, nok sahotsiente sahoȣiron oni ne roniha.
43Akȣekon ok ȣahakohnerako tsini kasastenseriio ne Niio raosaststensera. Nok tsi akȣekon ok iakoriȣanerakȣaskȣe tsini haierhakȣe ne Iesos, ȣasakaȣenhase ne raotiokȣa ȣahenron:
44Seȣataonsatat tanon kehiken nikaȣennotens: Aseken ienȣatenniseriheȣe nenhonȣaiena nonkȣe Roienha oni enhonȣatsiakȣarisi rahotisnonke ne ronnonkȣe.
45Iah tehotinikonraientaon nahoten akȣa kenton neh nikaȣennoten, nok tehotinonhianikskȣe ne tahontahonȣariȣanontonse.
46Onen nonȣa neh ȣahatitharakȣe oni ȣaonskennha onka senha akaiatanoronke.
47Nok tanon ne Iesos sakohnikonraienteritsion tsinithonnontonnions ne raoneriane, iahoiatatihentho raksaha nok raiatakta ȣathotaste.
48Ethone tasakaȣenhase: Onkakiok tenhonȣarhoton kehiken raksaha, iiki tenhakarhoton; nok oni onka tenhionkarhoton tenhonȣarhoton ki ne takatennieton; aseken neh nakȣa kenh nitraha tsinitsion, neh enkaiatanoronke.
49San tahatati, ȣahenron: Saianer iakhiken nise sasennakon skonȣanatekȣata nonatkonseraksen; iakhinnhese kati, netsi iah teteȣes.
50Tontahenron ne Iesos; tosa iestsinnhes: Aseken ne iah toionkhiriȣasȣase, ionkhiriȣaȣase ki.
51Nok nonen thoha siiakaheȣe naonsahatenti tsi ionȣentsiate, akȣa tahaterientasa ne Jerusalem niiahre.
52Ohenton iasakotori ȣahatiriȣaienna oni niahatinonsaseronni; ȣahontenti nok Samaritan thotinatakȣenrare eh iahontaȣeiate.
53Iah tanon thatethonȣarhoton netsi Jerusalem niiahaȣenonhatiene.
54Sahontkatto ne raotiokȣa, Sak tanon San ȣaniron: Saianer! Asathontate kenh neh naiakȣaiere tsini hoieren ne Eli, karonhiake naontontsirine nok aiakoȣentho?
55Tontahatkarhateni ne Iesos nok ȣasakotteten, ȣahenron: iah ki oni tateseȣaiatoreta tsiniiot tsi ieseȣaȣenninekens.
56Aseken iah neh tehaniente nonkȣe Roienha nahario nonkȣe akotonnhests, neh tanon nahaiatakennha. Akte kati niionsahonne.
57Nok tsi ronatentionhatie saiatat eh ȣahoketote, nok Sahenron: Seȣenniio! enkonnonteratieseke tsi ok oni nonȣe niienhense.
58Tontahoȣennaȣeron, ȣahenron: Ionatsonhionton naha ne tsistso, nok kontsinakonni notsitenhokonha; nok nonkȣe Roienha, akȣekon nehne iah tehoien nahoten ahatkonserakȣe.
59Nok tihaiatate, ȣahaȣenhase: Taknonteratie. Nok ne kenh kaien tahenron: Takenaktothas ki niare ahiiatatahannha ne rakenikenha.
60Tontahenron ne Iesos: eh kaientak naȣenheionta neh iontatiatata nakaȣenheionta, nok ki nise ȣas serioȣanatana ne Niio raonakerasera.
61Sekon are tihaiatate ȣahenron: Seȣenniio! enkonnonteratieseke; askenaktothase ki niare akeriȣaseronni tsi nahoten ȣakien.
62Nok tanon ne Iesos tontahenron: Tsini iakon nonaken iatetsiekanere nonen iakotarakarhathonhatie, iah teiakotateȣeiennentaon tsi nonkati ne Niio raonakerasera.
Currently Selected:
Luke 9: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
