Luke 10
10
Oieri-aton teioteriȣasonterakȣen Oriȣatokenti tsini hoiaton Roiatatokenti Luc.
1Ethone are onen ne Roianer sasakoiatarako tsiatak nihatiiatasen nok teionkȣetakehatie tsi iasakotori tsi kanataienton tsi oni nonȣe neraonha niienhenre.
2Ratonhakȣe: oriȣiio tsi kaetoȣanen; nok kenh nihatiha ne ratiienttokȣas: Hetsiseȣaneken kati ne Raetakȣeniio nahontasakotenniete kannhatsera.
3Ȣaseȣe, eh niiot tsi iakȣatori tsiniiot teiotinakarontonha iakonȣanatori Okȣahotserokon.
4Tosa iaseȣanatatserenhaf noȣista, tosa oni nekaiare, iah oni nata; tosa oni onka tenhietsinonȣeraton tsiniiohahes.
5Nok kakiok nonȣe ienshenonsorenne neh tasatierent: teshenonȣeraton ne iakohnonsote.
6Toka enhieterontake ne tionkȣetaieri enhiakorane ki ne skennen; nok neiah, iseke natenteȣe.
7Nok etho tsiterontak, isek, snekira oni tsinahoten enhiesaerhase: Aseken tehatentsahas tsini hakkȣa ne rannhatsera. Tosa oni teseȣanonsaȣenronk.
8Kakiok nonȣe ienseȣatenatorenne, tokat enhietsiiateȣeienton iseȣak tsinahoten enhietsinonte.
9Nok saietsitsient ne iakohnonȣaktanionni nok iestsirori, seȣenron: Onen akta iaȣetonhatie ne Niio raonakerasera.
10Nok tsi nonȣe ne iah tontiotsiiateȣeientonne saseȣaiakenn, nok seȣenhas.
11Ok nehe sakȣarasitokeȣate nionkȣakenraraonne iakȣasitokon tsi ionkȣataȣeiatonne ne seȣanatakon: Seȣariȣaienterihak ki sane tsi onen taȣe ne Niio raonakerasera.
12Nok ȣakȣarori, neh nonȣe teȣenniserate karo tsi nenhonȣanateseroȣanaten ne Sodomronon tsiniiot netho nonȣe nihatinakere.
13Sententasere Korasin; sententasere Bethsaïda! aseken naiohnatkaton ne Tyr oni ne Sidon tsinikon nise satkattos ne ioriȣanerakȣatenions; katkaron nah nehne tahontaiakotatreȣaton, kaiare aiakokȣason nok okenrake aiontesereseke.
14Nese ȣaonni ne Tyr oni ne Sidon karo tsi nenkonȣanateȣeiennatsaniten tsinise niiot nonen ienȣatenniseriheȣe tenhiontatiatorete.
15Nok nise Kapernaiim, satsennakarataton tsiniiore tkaronhiate, nok tentesenonkȣise nonesson.
16Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok ne rakeȣennonties roȣennonties ki ne takatennieton.
17Ethone onen sahonneȣe ne tsiatak nihatiiatassen, shonatsennonnihatie, shontonne: Saianer! Akȣekon nonatkonseraksens ȣahakhisenniete ne Sasenna.
18Tontahenron: Akȣa eh niiot tsi tehikanere ne ranesonronon tontahaiatenne Karonhiake tsiniiot nateȣanennekaraȣe.
19Onȣa kati ȣakȣasastenseron ne taietsiniarorarake ne Kaniaraksens oni ienseȣasahate tsini hosastensera ne raksȣens: iah oni othenon taeseȣaiotastse.
20Tosa ki sane neh aeseȣatonnharat tsi teietsiniarorarakon nonatkonson; neh tanon aeseȣatonnharaste tsi tiseȣasennare ne Karonhiake.
21Ethone ne Iesos ȣahatonnharen ne raȣeriane, nok ȣahenron: Konhiatsennonniase, O Rakeni, Seȣenniio ne karonhia oni nonȣentsia! tsi sheriȣasetenni neh nakarihotens ne iakohnikonroȣanens nok oni ne ionttokhas, nok eksaokonha sheriotasienni; Eh kati niiot, Rakeni! Aseken eh ki nitisanikonriiohon.
22Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.
23Ethone onen eh nonsahatierate tsinonkati ne raotiokȣa, nok ȣahenron: iakotaskasts ne iontkattos tsinahoten seȣatkathos.
24Aseken kȣarori, ronentiokoȣanen Rotitokensehakȣe, oni Rotinontiiosson, ronaskanekon nahontkatho tsinahoten seȣatkathos nok iah tehonatkathon, nok oni nahonronke tsinahoten Seȣaronkas nok iah tehonaronken.
25Ethone saiatat tehariȣakennhas tontahatane, ȣahotenienten ne tahonikonraseren tsi ȣahenron: Seȣenniio! oh nakiere ne Karonhiake akatsennonni?
26Tontahenron: oh kati niiot tsi kaiaton ne Kaianerenserakon? oh oni niiot tsi seȣennanotha?
27Tontahoȣennaȣeron, ȣahenron: Hentsenoronkȣake ne Niio Raȣenniio tsi sonnhe, akȣa seriasakȣekon, satonnhetserakȣekon, sahsaststenserakȣekon, sanontonniontserakȣekon oni; nok oni ne satesonkȣe tsi nise nisatatenoronkȣa.
28Tontahenron ne Iesos: Akȣa tasierite, eh kati natsier nok Karonhiake ensatsennonni.
29Nok tanon ne tehariȣakennhas tontahenron nahatateriȣiiosten: Onka nerieth satekonkȣe?
30Iesos tontahoȣennaȣeron, ȣahenron: Saiatat ne ronkȣe Jerusalem tahatenti Jeriko ȣarete, tsiniiohahes sakohnaseta ȣahonȣaiena, akȣekon ȣahonȣanensko, nok ok eh iehentakere asennen nihaȣenheion onen saonteko.
31Taiotokentane ratsihenstatsi neh oni nehne rothahitake eh ȣaraȣe, nok ihsi nahakȣatase.
32Levit oni eh ȣaraȣe akte oni nehne nahatohestste tsi raiationni.
33Khare onen Samaritan rathahine eh oni nehne ȣaraȣe, ȣathoniatasiharane tsi nahotenre.
34Akta niiahare nok ȣahokentoronnion, nok ȣarenhienarhoseron oni otsitsia tahonekonti; nok raonha sahostskȣaren raosatensne tsi tiosȣenkarenton iahohiatinionte akȣa oni otokenhon ȣathosniene.
35Nok tsi ȣahorhenne tekaȣistake tahatako rahonatatserakon, tahaon ne rononsote, nok ȣahenron; hetsiateȣeienton, nok tsinikon nihsinonȣe nensatkaronni ii enskonkariakse tsi natentke.
36Kah kati onte nikaien nasen nihati isere onkȣe ȣahonionni, ne Sakonasetha ronȣarione?
37Tontahenron kanekhere ki neh ne rotenron oni roiatakennhaon: Tontahenron kati ne Iesos: ȣas kati oni nise eh natsier.
38Onen kati tsi ronatentionhatie, iahontenatorenne ionatakȣenrare; nok skaiatat tsiothonȣisen Marth konȣaiasts neh ȣahoteȣeienton aononskon.
39Enskat iokenshentakȣe Onȣari konȣaiasts, rasitakta nehne ontien, eh oni kenteron, nok iotaonsate ne Iesos raoȣenna.
40Nok ne Marth neh ne teiotatenikonrhare tsinahoten kaiotenseraien ne kanonskon, nese ȣaonni eh iatkatane tsi renstskȣahere ne Iesos nok ȣakenron: Saianer! iah kenh tateskanere tsi iateȣakiatista ne kekenha? Sennhann niha ȣakienaȣas.
41Tontahenron ne Roianer: Marth, Marth, neok nise tesatateȣeiennharaton ne niatekonsonha.
42Tsioriȣat ok sane ne kariȣakȣeniio: Onȣari iotaterakȣenni ne ioiataterit, nese ȣaonni iahki taonsakonȣakkȣa.
Currently Selected:
Luke 10: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
