Luke 6
6
Iaiak-aton teioteriȣasonterakȣen nʼOriȣatokenti tsini hoiaton Roiatatokenti Luc.
1Enskat are aȣentatokentike konȣanatonkȣa tekeniaton tiotierenton, onatsia kaienthon ȣathatihetiiake, onen kati ne raotiokȣa ȣahatiratoskare nok ȣathonsaranie oni ȣaonneke:
2Onen are taontasaȣen otiake ne Pharisian ȣahonniron: oh niiotieren kehiken eh niseȣaierha tsinahoten ȣatiaȣenre neh naieiere naȣentatokentike?
3Tontasakoȣennaȣeron ne Iesos, ȣahenron: Iah kenh nonȣenton teseȣaȣennanote tsinihoieren ne Taȣit sahatonkariake, oni ne rontenrotiene.
4Toh nahaiere tsi iahataȣeiate ne Niio raononsakon, nok tsi ȣatrakȣe ne kanataranoron, ȣarake, tasakaon oni ne rontenrotiene, saeto sane ratitsihenstatsi ok raonaȣenk nahonneke?
5Nok sahenron: Raiatakȣeniio kati oni nonkȣe Roienha akȣekon tsi Iaȣentatokenton.
6Tsi are oia saiaȣentatokentane, sahataȣeiate tsi ionterennaientakȣa nok ȣasakotati, saiatat etho raiatare rosnonsakenheion tsi raȣeientetakon.
7Neok ne ȣahonȣatennikonraren ne ratiiatons oni ne Pharisian katesiken enshotsiente kenh naȣentatokentike, neh naontahatiierate ahonȣariȣarho.
8Nok tanon ne raonha sakonikonraienteritsion: ȣahaȣenhase ne rosnonsakenheion, Satkestsko, nok kanonsihen natestann: tahatkestsko nok etho iathatane.
9Ethone onen ne Iesos ȣahenron: Tsioriȣat enkȣariȣanontonse: ȣatiaȣenre kenh naontaieriȣaierite naȣentatokentike, ok nes naonsaionteriȣateȣate? aiontatonnhete nonkȣe, ok nes naiontateriio?
10Nok nonen akȣekon sasakokahenhion; ȣahaȣenhase ne rosnonsakenheion: sanenstsakȣarisi. Eh nahaiere; nok eh nonsahasnonsiione tsiniiot ne skati.
11Nok tsi nahotisense ȣahonterientisakhon oh onte, naonȣaierase ne Iesos.
12Eh oni nonȣe siȣenniseratenion onontoharake niiahare ȣahaterennaienna, akȣa oni ok iatharhente roterennaien.
13Nok nonen saorhenne, iasakohnonke ne raotiokȣa, nok tekeni iaȣenre nihati ȣasakoiatarako, neh ne ȣasakonatonkȣe, Ratikȣekonhatie;
14Kenh nihotisennotens: Simon, neh oni ne Tier ronatonkȣen; tanon ne iatatekenha Andre; Sak tanon San; Philip tanon Barthelemi.
15Ȣatio tanon Atonȣa; Sak Alphe roienha; Simon Zelotes ronȣanatonkȣakȣe.
16Jude Sak rokenha; nok Sitas Iskariot nehne ronkȣetaksenskȣa.
17Ethone onen tontahonnontastsnente nok tsi ionontaientaon iatonsahatane ronȣanonteratie ne raotiokȣa raotitiokȣa, oni iotiokȣatsanit niatoionkȣetotenson. Jude-ronon, Jerusalem-ronon, oni ne kaniatarakta tiakotentionkȣen Tyr-ronon oni Sidon-ronon akȣekon neh ieniente nahonȣaȣennaronke oni naonsaionton tsi iakohnonȣaktanionni.
18Akȣekon oni notkonseraksen iakohnatiennine saieieȣentaseron.
19Akȣekon ok oni iakoskennhenne ne nehok ne laiakohiatosere raotseronniatne, Aseken Tkaiakenskȣe ne raotanitenrat neh tsiakotsientakȣe.
20Ethone ne Iesos ȣasakotkatto ne raotiokȣa, nok ȣahenron: Seȣataskat nise seȣentent aseken seȣaȣenk ne Niio raonakerasera.
21Seȣataskat ise nonȣa seȣatonkariaks: Aseken hentsiseȣahtane: Seȣataskat ise nonȣa teseȣasenthos: Aseken hentsiseȣanikonriione.
22Henseȣataskastston nonen henhietsisȣenseron nonkȣeokon, oni henhietsiiatinekenȣe ne raotitiokȣakon, henhietsiienratonhase oni henhietsisennatonte anios ihken iakosennaksen onkȣe Roienha rahoriȣake.
23Seȣatonnharonnion neh nonȣe niȣenniseratenion oni seȣatonȣessonnion: Aseken koȣanen tenseȣateriȣa serakȣase Karonhiake; ehse oni nehne nisakotiiera sehakȣe ne Sakotinihokonkenha ne Rotitokenseakȣe.
24Seȣententasere tanon nise seȣatsokoȣa; aseken seȣaketes ne seȣanikonriiotsera.
25Seȣententasere ise nonȣa seȣahton! Aseken entsiseȣatonkariake. Seȣententasere ise nonȣa seȣaiesson! Aseken entsionshenanion nok tenseȣasenthoseron.
26Seȣententasere ise ne tenhietsirensaronnion nonkȣeokon! Ehse oni nehne nisakotiierasehakȣe ne sakotiniokonkenha ne Rotitokensetseraksenskȣe.
27Ise tanon nonȣa kenh takȣathonte, ȣakȣarori: ietsinoronk ne iestsisȣens; ietsiiatakennha ne ietsiiatakȣasȣens.
28Ietsiiataterist ne ietsiriȣasȣens, nok ietsiiaterennaienhas ne teietsiionnharikhons.
29Nok nenhiaranonsaiake sahtsienhas ne skati; nok onkakiok ahiatiataȣitserakȣa tosa hetsennhes niahahaȣe ne sathasteren.
30Akȣekon niiasheion nahoten enhiesariȣanontonse; nok tosa saseriȣanonton tsinahoten ieiakoha ne saȣenksonha.
31Eh nasheieras nonkȣeokon tsinitesenonȣes naiesaierase.
32Aseken neneok ashenoronkȣake ne Iesanoronkȣa, nahoten ensatonnrakȣate? Aseken ne ionkȣetaksen sakotinoronkȣa oni neneh ne ronȣatinoronkȣa.
33Oh oni nahoten asatonnrakȣate neneok asheiatsennonniatenniheke ne iesatsennonniatennis? Ehse oni nehne nihatiierha ne ionkȣetaksen.
34Oni, neneok ashenihasseke ne iesanihas nahoten asatonnrakȣate? Aseken tehontatenihas oni ne neh ne ionkȣetaksen, akȣaski ens ok sateiaȣenhonhatie.
35Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.
36Seȣatanitenraskonhak kati, tsiki nihotanitenraskon ne Etsiseȣaniha.
37Tosa teietsiiatoret nakoren: iah ki oni nise tataietsiiatorete, tosa ietsiriȣent nakoren iah ki oni nise taietsiriȣente; Sheion, nok entsiehson.
38Sheion, entsieson; akȣa oni enȣatoniententseriiohake tsi entsiesatenienthase, enȣatsioron, akȣa oni tenhiontaniraton nok sekon onȣataȣenratseke, aseken ok ki keh natentiesaierase tsi entiesatennietase tsinise nensheierase.
39Sekon are oia tonsasakoriȣakentonkȣen, ȣahenron: ahonton kenh ne teharonȣekon oni teharonȣekon ahossarine? iah ontekenh tenitsiaron tiianiiatenne tsi teiontiakon?
40Iah ȣahi senha tehaiatanoron ne rateȣeiensta tsiniiot ne rorionnienni; nok ki tanon ne roriȣatoken ienraȣe tsinithotte ne sakorionniennis.
41Oh nah oni niiotieren tsi neh satkattos ne tsiatatekenha rokarisen onaonskeri; tanon iah nise tesattokas ok iateionaharohare ne Sakarisen?
42Enȣaton kenh natsienhase ne tsiatatekenha: kekenho, skoko tanon niare ne sakarisen, iah nise tesattokas ok iateionaharohare sakarisen? Akonȣara! neh tasatierent sasoko ne sakarisen, ethone ensanontonnion toh nasiere tsi aonsasoko ne tsiatatekenha rokarisen.
43Oriȣiio tsi karontaksen ne iah teȣahiio ne ȣaianiiontta; oni karontiio neȣahiio ȣaianiiontta.
44Aseken kaikhne entieienterestakȣe tsini karontoten: iah ȣahi ohiktake teȣaianiiontta ne ȣisonkoȣa, iah oni ȣahi tsiokareteske tekanenharaniiontta.
45Raȣeriane tatakȣas kariȣiios ne tronkȣetaieri, tsiki niiot ne ronkȣetaksen ne kiok ne kariȣaksen tatakȣas ne raȣeriane; aseken tsiniiot tsi iteȣat naȣeriane eh ki niiot tsi ieȣatatis naȣennasa.
46Oh nahoten ahoriȣake tsi seȣaton: Seȣenniio! Seȣenniio: iah se teskȣaȣennarakȣa.
47Enkȣarori tsinahoten teshiatieren, ne rakeniahesen, tehakeȣennakanere, oni rakeȣennanoronkȣa.
48Neh teshiatieren tsiniiot ne ronkȣe ratenonsonni, ȣahakenrokȣate tsiniiore tiostenrakȣentare nok etho thahenstskȣaren; iah othenon takakȣeni nothenon nakaiere nonekanos aseken iohniron tsi tkenstskȣahere.
49Nok ne saiatat rakeȣennaronken oni nehneh iah ki tehakeȣennanoronston, akȣa neh teshiatieren, neh ok okenrake tontahorontonti tsi ȣahatenonsonni; aseken neh nenteȣatierente tenhiononko nonekanos enkanonsienenne; nok tenȣatenonhianite tsi nenhiaȣenne.
Currently Selected:
Luke 6: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
