Popular Bible Verses from Luke 6

Share

Sheion, entsieson; akȣa oni enȣatoniententseriiohake tsi entsiesatenienthase, enȣatsioron, akȣa oni tenhiontaniraton nok sekon onȣataȣenratseke, aseken ok ki keh natentiesaierase tsi entiesatennietase tsinise nensheierase.

Raȣeriane tatakȣas kariȣiios ne tronkȣetaieri, tsiki niiot ne ronkȣetaksen ne kiok ne kariȣaksen tatakȣas ne raȣeriane; aseken tsiniiot tsi iteȣat naȣeriane eh ki niiot tsi ieȣatatis naȣennasa.

Neh kati ȣahonni iestsinonȣehak ne ietsikenronnis, ietsinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

Seȣatanitenraskonhak kati, tsiki nihotanitenraskon ne Etsiseȣaniha.

Tosa teietsiiatoret nakoren: iah ki oni nise tataietsiiatorete, tosa ietsiriȣent nakoren iah ki oni nise taietsiriȣente; Sheion, nok entsiehson.

Ise tanon nonȣa kenh takȣathonte, ȣakȣarori: ietsinoronk ne iestsisȣens; ietsiiatakennha ne ietsiiatakȣasȣens. Ietsiiataterist ne ietsiriȣasȣens, nok ietsiiaterennaienhas ne teietsiionnharikhons.

Eh nasheieras nonkȣeokon tsinitesenonȣes naiesaierase.

Nok nenhiaranonsaiake sahtsienhas ne skati; nok onkakiok ahiatiataȣitserakȣa tosa hetsennhes niahahaȣe ne sathasteren. Akȣekon niiasheion nahoten enhiesariȣanontonse; nok tosa saseriȣanonton tsinahoten ieiakoha ne saȣenksonha.

Oriȣiio tsi karontaksen ne iah teȣahiio ne ȣaianiiontta; oni karontiio neȣahiio ȣaianiiontta.

Aseken kaikhne entieienterestakȣe tsini karontoten: iah ȣahi ohiktake teȣaianiiontta ne ȣisonkoȣa, iah oni ȣahi tsiokareteske tekanenharaniiontta.