Popular Bible Verses from Luke 5

Share

Nok nonen saharihokten, ȣahaȣenhase ne Simon: Kaniatarhen niiahase, nok saharonti sataharo.

Tontahenron ne Simon; asontakȣekon ionkȣaiote iah othenon teiakȣaskokȣen; nok ki sane tsi ise tasatati sekonki enseȣakaharonti. Eh kati nahaiere, nok tsiniiaȣetoȣanen ȣahotinaȣi akȣa skanorons tahonatahariakse.

Nok tanon karhakon iehatasetakȣe, nok roterennaientakȣe.

Iah tesekheiahaharatane tsinonkati kaianeren ne tionkȣetaieri, oni niakoianere, neh tanon ne iakoriȣaneraakskon.

Tsiniiot tsi ȣahatkatho ne Simon Tier, ȣathotontsothase Iesos, raton: Seȣenniio! Ehren asete ne kiatakta: aseken ȣakeriȣaneraakskon.

Nok tanon ne Iesos tontasakoȣennaȣeron, ȣahenron: iah othenon tatehonȣatonȣentsioni ratetsiensts ne skennen tiiakonnhe, neh ȣahi nʼiakononȣaktani.

Nok nonen siionsahonrarho, akȣekon ok eh taontsiakȣarisi nok ȣahonȣasere.

Enskat kati tsinikariȣes etho nonȣe natehoststekafenhaties tsi kanataienton, eh ȣathonterane roststaȣis, tsi ȣahoken ne Iesos, ehtake ȣahatiatonti nok ȣahoneken, raton: Saianer! ok tasanonton nasere aonsakieȣentane. Oksaok ne Iesos iathonisnonsaerhase, ȣahenron: neh ikere aonsasieȣentane; nok oksaok sahaieȣentane.

Nok tanon tsi isinison ȣahosennoȣannhaonhatie, ok kikeh nontaiotiokoȣannhaonhatie nahonȣataonsatate nok notiake nonsasakotsiente tsi iakononȣaktani.