Luke 5
5
Ȣisk-aton nateioteriȣasonterakȣen Noriȣatokenti tsini hoiaton Roiatatokenti Luc.
1ONEN are kentiokoȣanen ȣahonȣaiatorenne iontaonsatathe ne Niio raoȣenna, Genesareth kaniataraktatie shire.
2Iahatkatho tekaonȣake atsiakta tkaonȣaien, ehtiioke ronneskȣe, shonharohareskȣe ne raotihonȣeia, Simon kati rahoonȣakon iahatita.
3Nok ȣahenron: ostonha isiniiore sathonhiontakȣat, eh tahatien nok ȣasakotati nonkȣeokon.
4Nok nonen saharihokten, ȣahaȣenhase ne Simon: Kaniatarhen niiahase, nok saharonti sataharo.
5Tontahenron ne Simon; asontakȣekon ionkȣaiote iah othenon teiakȣaskokȣen; nok ki sane tsi ise tasatati sekonki enseȣakaharonti.
6Eh kati nahaiere, nok tsiniiaȣetoȣanen ȣahotinaȣi akȣa skanorons tahonatahariakse.
7Iasakotinonke ne rontenro nahonȣatiienaȣase ihsi nehne niiore tatihonȣaientakȣe. Eh ȣahonneȣe, tetsiaron ȣahonthonȣike sekon skanorons ahonatnekitahase.
8Tsiniiot tsi ȣahatkatho ne Simon Tier, ȣathotontsothase Iesos, raton: Seȣenniio! Ehren asete ne kiatakta: aseken ȣakeriȣaneraakskon.
9Aseken eso tsi tahatonneke, oni nerontenro, tsinahaȣenne tsi ȣahontaharoko; akȣa ok sathotiiataȣen ne Sak nok oni ne San Zebedé sakoienhokonha nehne Simon rontenhrotieskȣe.
10Ethone ne Iesos ȣahaȣenhase ne Simon: Tosa sateronn; ihsi enkahaȣite onkȣe iakonnhe oni enseshe iariokaȣinesheke.
11Nok nonen siionsahonrarho, akȣekon ok eh taontsiakȣarisi nok ȣahonȣasere.
12Enskat kati tsinikariȣes etho nonȣe natehoststekafenhaties tsi kanataienton, eh ȣathonterane roststaȣis, tsi ȣahoken ne Iesos, ehtake ȣahatiatonti nok ȣahoneken, raton: Saianer! ok tasanonton nasere aonsakieȣentane.
13Oksaok ne Iesos iathonisnonsaerhase, ȣahenron: neh ikere aonsasieȣentane; nok oksaok sahaieȣentane.
14Nok ȣahotiaȣenratse nonkakiok tesakorori. Ȣas, tanisa ȣahenron, nok shenatonhas ratitsihenstatsi, nok satkaf tsi sasieȣentane tsini horiȣataton ne Moïs, neneh ȣene ahononnien;
15Nok tanon tsi isinison ȣahosennoȣannhaonhatie, ok kikeh nontaiotiokoȣannhaonhatie nahonȣataonsatate nok notiake nonsasakotsiente tsi iakononȣaktani.
16Nok tanon karhakon iehatasetakȣe, nok roterennaientakȣe.
17Khare kati are onen tsi sakotatis, raiataktatie ratistskȣaronniontie ne Pharisien, ratiianerenseronni nehne Galile, Jude, nok oni Jerusalem nithonenonseron etho ronatahonsate, nok oni ne Niio naosastensera etho ontotasi naonsaionton ne iakohnonȣaktani.
18Etho ȣahonneȣe tehonȣaskȣenhaȣi roiatakenheion, ronesakonhaties kahnonȣe iahontaȣehiatakȣe, nok rahohenton iahonȣanaktaien.
19Ȣahotiioha kati kahnonȣe iahonȣaiatiniontakȣen, sotsi kentiokoȣanen, kanonsake kati iahatirathen, eh oni nonkati tahonsentakȣe tsi raiationni ne roiatakenheion akohenton nonkȣeokon tsi renteron ne Iesos.
20Sahatkatto tsinithonetakȣen, ȣahaȣenhase ne roiatakenheion: Sonkȣe, Sonterakeȣe ne sariȣaneraaksera.
21Oksaok are ne ratiiatons oni ne Pharisian ȣahonniron ne rahonerientakon; Oriȣiio kehiken ronkȣe tsi rateȣennaiesatha, onka nakoren eniekȣeni entsierakeȣe ne kariȣaneren neok ne Niio?
22Nok tanon ne Iesos Sakonikonraienteritsion, ȣasakaȣenhase, ȣahenron: ohniiotieren tsi eh nikanikonroten seȣanontonnions?
23Kah nikaien senha ȣatiesen: ok nene aiahiron sonterakeȣe ne sariȣaneraaksera: ok neh naiahiron satkestsko nok satenti?
24Neh ki ok oni naeseȣaterientarake tsi rokȣeniatseraien nonkȣe Roienha onȣentsiake aonsashakorakeȣase ne kariȣaneren; ȣahaȣenhase ne roiatakenheion: II ȣakonrori, satkestsko satketat nesanakta nok sasatenti tsi tisanonsote.
25Ne nakȣa oksaok, tehatikaneronnion tsi tontahatkestsko neroiatakenheion ȣahatrienonni ne raohnakta nok sahatenti tehononȣeronnionne ne Niio.
26Akȣekon ok taiontonnekhon, nok tehonȣanonȣeronnionskȣene Niio; iontonhakȣe: Oriȣiio tsi onȣa kenh ȣenniseratenion ȣeteȣariȣaronke tsi nahoten ne iah nonȣenton tetiakoriȣaronken.
27Nok nonen sonsahaiakenne, eh iahoken saiatat rakarotasions Levi ronȣaiasts, tsi iekarotasiata renstskȣahere, ȣahaȣenhase, taknonteratie.
28Akȣekon ok eh iekaien, tontahatane nok ȣahononteratie.
29Ȣatenniotatseroȣanen ȣahatennioten ne Levi raononskon, kentiokoȣanen ne ratikarotasions ratiiatare oni ne thiiete tsi ȣathonstskaon.
30Nok netho ratinakere ne ratiiatons oni ne Pharisian ȣahonerientaksen tsi nahaiere nekenh ronkȣe, ronton: oh neh ne niiotieren tsi teseȣatonsts ne ratikarotasions nok oni ne ionkȣetaksens?
31Nok tanon ne Iesos tontasakoȣennaȣeron, ȣahenron: iah othenon tatehonȣatonȣentsioni ratetsiensts ne skennen tiiakonnhe, neh ȣahi nʼiakononȣaktani.
32Iah tesekheiahaharatane tsinonkati kaianeren ne tionkȣetaieri, oni niakoianere, neh tanon ne iakoriȣaneraakskon.
33Ȣahonniron oni: oh nah niiotieren ne Saȣatis raotiokȣa tsi iotkate ronentontietha, ronterennaiens oni; eh oni neneh nihatiierha ne Pharisian raotitiokȣa; nok nise Sentiokȣa tehonstskaons oni ratinekirha?
34Tontasakaȣenhase; Enȣaton katikenh naietsiionkariakte tsinihati sakohonkaraȣi ne roniakon, tsinikariȣes ratikȣekon ne roniakon?
35Nok ki tanon ienȣatenniseriheȣe ne ienhonȣaiatenhaȣe ne roniakon; ethone onen enhonentontiete.
36Nok kenh natontahaiere tsi ȣatesakoriȣakentonkȣen: iah naha onka ase teienanentakta nonen iokȣenniakaionhon; aseken nase enhionehare nakaion, oni tsi iah tetiatenro nase tanon nonen iokaionhon.
37Akȣa sekon neh sakat tsi iah katsotakaionne teienekarha notsitsiase; aseken nonekase tenkatsetanekare, nok enkanekaȣerontane nok oni ne katse onkaiesha.
38Ok eken tanon nonȣa nonekase katsetasetsike ki enkarake; nok eh nenteȣe tetsiaron enkeniniakenne.
39Iah oni onka nonekakaion ahanekira, nok oksaok aonsahariȣanonton nonekase; aseken raton: neh kanekiio nonekakaion.
Currently Selected:
Luke 5: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
