Luke 17
17
Tsiatak-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1ETHONE ne Iesos ȣasakaȣenhase ne raotiokȣa: iatekakonte nehne tsi tenhiontateriȣaientaten; nok rotentasere onka enshakoriȣaientaten.
2Senha ioianere tsi katheta ȣatenenhiarakȣa ahonȣanenhianiionthase nok kaniatarhen iahonȣaiatonti, tsiniiot nasakoriȣaientaten enskat nʼeksaokonha.
3Seȣatatenikonrarak kati: tokat tetsiatennontere enhianikonraksate, hestsiatteten; tokat enshatatreȣate, sasanikonrhen ki oni nise.
4Tokat tsiatak niioriȣake seȣennisera aianikonraksate, nok ok oni khe niioriȣake tahontare nok aiarori ahenron: skatateriȣastani, sasanikonrhen.
5Ethone ne Ratikȣekonne ȣahonȣenhase ne Roianer: Takȣaiestas ne teȣetakon.
6Nok ne Roianer tahenron: arahona tsini kanenha notsinekȣar nikatsinetaroten niȣa aeseȣaientake ne teȣetakȣen: Iah othenon tehken aeseȣenhase kehiken kerhite: ȣatenaharostsi nok kaniatarake iekaniotann; nok enseȣaȣennarakȣe.
7Onka oni tsinitsion ahonnhatseraientake kenȣentatie ahoioteke ok ne ens katsenen asakononnatieseke, nok iahoken tontare oksaok ahaȣenhase: atekkȣaratserakta iset nok tesastskahon.
8Toka kenh ahaȣenhase: Takekhonnien, sateniionten, nok takekkȣaerhas tsiniiore ienȣakatane oni onȣakehniatanaȣen; Ethone onen nise tensastskaon ensnekira oni?
9Neh kenh enhatonnrakȣate ne kenh kannhatsera tsi eh nahaiere tsiniiot tsi ronȣannhaon? ikere iah onte.
10Eh kati oni nise niiot, nonen enseȣariȣaierite tsi neniestsinnhaon, seȣenron: iah othenon teiakȣatonron; aseken neki ok nonkȣaiotensera ionkȣaiotenhon.
11Nok nonen Jerusalem siiahaȣenonhatie tsitehontonȣentsiakhenhatie ne Samari tanon ne Galile niiahare.
12Onen thoha siiaraȣe ionatakȣenrare, oieri nihati rotiststaȣis ȣathonterane, ihnon kati ok tontahatitane.
13Nok ȣathotihenrete, nok ȣahonniron: Iesos, Saianer! askȣentenre.
14Nok nonen sasakoken, ȣasakaȣenhase: ȣaseȣe, Ratitsihenstatsine iahasene. Nok tsniiore niiahonenonhatie eh sahatiieȣentane.
15Nok saiatat, akȣa neok ȣahattoke sahaieȣentane, sahakete tehononȣeronnionne ne Niio tsinihaȣenna raȣennotatie;
16Nok rasitakta ne Iesos sahatiskȣentaron tehononȣeratons. Samaritan tohiken nakaiatoten.
17Ethone ne Iesos tahatati, ȣahenron: Iah kenh toshotiieȣentaon noieri nihati, kah kati niiehonenon ne tioton sekon nihati?
18Neok kenh kehiken nok thihate tontahononȣeratonne ne Niio.
19Ethone ȣahaȣenhase; testann, nok sasatenti; neh sesatsiente tsi tisetakon.
20Onen oni Pharisian ȣahonȣariȣanontonse, katke enȣaȣe ne Niio raonakerasera, tontasakoȣennaȣeron, ȣahenron: iah nah sotsi ok ihnon, taontontrori nonen enȣaȣe ne Niio raonakerasera.
21Iah oni naha taiahiron: Kenh ȣahi ihres; ok ne ens kenh ȣahi itres. Aseken nonȣa teseȣaiatokensson ihȣes ne Niio raonakerasera.
22Ȣasakaȣenhase oni ne raotiokȣa: ienȣatenniseriheȣe tsinonȣe nenseȣaskaneke naeseȣatkatho enskat oni nonkȣe Roienha raȣennisera; nok iah ki tanon teseȣatkathosere.
23Nok enhietsirori enhiahiron: kentho ihres; tokas oni kenh nonkati itres. Tosa ki tanon eh niiahasene, tosa oni ietsinonteratieson.
24Aseken tsiniiot nateȣanennekaraȣe, tekaronhiiakta tsi kahniararha, eh kati oni nehne nenhiaȣenne nonen tentre nonkȣe Roienha.
25Niarekȣe ki tanon eso enharonhiaken, enhonȣateȣentete oni ne kenh kaȣatsirate.
26Tsiki niiaȣenhon Noë sihotenniseratenion; eh kati oni nehne nenhiaȣenne nonkȣe Roienha enhotenniserateke.
27Teiakostskaonkȣe oni ienekirhakȣe, iakohniakskȣe oni teiontateniaktennihakȣe tsiniiore iahataȣeiate ne Noë rahohonȣakon; nok tonhnohton akȣekon oni ȣahakorio.
28Eh oni niiaȣenhon sihotenniseratenion ne Lot: teiakostskaonkȣe, ienekirhakȣe, iehninonskȣe, iontenninonskȣe, ieienthoskȣe, nok iontenonsonnianionskȣe.
29Nok tanon nonen sontahaiakenne ne Lot tsi kanataien ne Sodom; Otsire iontenatentasta tekaieston ȣahokennore akȣekon ȣahakorio.
30Etho kati oni nehne nenhiaȣenne nonen ienȣatenniseriheȣe nonkȣe Roienha raȣennisera.
31Neh nonȣe teȣenniserate, onka kanonsake enharatake, nok ne raoȣenssonha kanonskon tkakeron, tosa tethastsnent naonsahakoha; nok ne kahetakon ienhreseke, tosa shakoha tsinahoten tkaieri ne kanonskon.
32Saseȣeiarann tsini ioiataȣenhon ne Lot ronekenha.
33Onka enhaskennha tsi ronnhe, enhotonse; nok nʼenhateȣentete hensronnhete.
34Ȣakȣarori neh nonȣe teȣasontate teniiase enhninastseke skanaktatne: saiatat enhonȣaiena, nok enhonȣatkaȣe ne saiatat.
35Tekeniiase tsionathonȣisen enskatne enkenithetake: skaiatat enkonȣaiena nok enkonȣatkaȣe ne skaiatat.
36Teniiasse kaehtakon enneseke, saiatat enhonȣaiena, enshonȣatkaȣe ne saiatat.
37Tontahonȣaȣennaȣeron ȣahonniron: kah ne kenh nonȣe Saianer eh nenhiaȣenne? Tontahenron: akȣa tsi ok nonȣe nenhioiataststokotonke nonkȣe kenha eh oni nonȣe nenkontkennisa nʼAkȣeksokon.
Currently Selected:
Luke 17: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
