Luke 18
18
Satekon-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;
2Ȣahenron: Saiatat naha ne tehaiatoretha nehne iah othenon tehostsanis ne Niio iah oni onka tesakokonniensta nonkȣesonha.
3Ok neh sakanata, enskat ne ioterehons kanakerekȣe, niateȣenniserake ronenrotanireskȣe nahariȣakȣarisiase tsi teioriȣarheon.
4Kariȣes tsinahe iah othenon oriȣa teronnis: khare kati onen ȣahanontonnion nok ȣahenron ne raȣerientakon: saeto sane nehne tsi iah tehitsanis ne Niio iah oni othenon tekhekonniensta nonkȣeokon:
5Kenh ki kaien kehiken iotereons teȣakenikonrharanis, onen ki nah enkeriȣakȣarisien, kati oni ken onhiorane tiotkon onȣe tenȣakaterientakariaton.
6Ȣahenron kati ne Roianer: akȣa otokenhon seȣataonsatat: tsini haton ne tehaiatoretatseraksenskȣa.
7Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.
8Ȣakȣarori, iah tehoniskohe tsi tentesakonnhe. Kenh oni kaien, nonen tentre nʼOnkȣe Roienha iseȣere ken enhatsenri ne teȣetakon tsi ionȣentsiate?
9Kenh oni nontahaierate tsi ȣathariȣakentonȣe, neh notiake tsi akaonhaa ki ok iakoianere nok iah othenon notiake.
10Teniiase ȣahenron ȣahiaterennaienna Ononsatokentike, saiatat Pharisian, nok nesaiatat rakarotasions nehne.
11Ihrate ne Pharisian nok raton tsi roterennaien: O Niio! tekonnonȣeratons tsi iah eh tekiatoten nii tsiniiot notiake nonkȣesonha, ratinenskȣas, iah tethotiriȣaieri, ratinakȣaiesen, tsi oni niiot ne kenh rakarotasions.
12Tekeni teȣakontontietha tsioiaiaksera, nok akȣekon kkariaks noierihaton tsini ȣakien.
13Nok ne rakarotasions otasetonke tontahatonstsoten akȣekon iah teȣatarakestskȣenhatie, nok raton tsi roterennaien: O Niio! Takitenr ȣakeriȣaneren.
14Oriȣiio tsi kȣarori: neh kehiken shotiatokeȣenhatie tsi shotentionhatie nok iah ne saiatat: aseken onka iontatharatasts ehtake niienhentsion; nok onka ehtake iontatonni enhiontharatate.
15Otiake oni eh iesakotiiatatastskȣe eksaokonha neok oni ne iasakoiatosere; ȣahotisȣaten ne raotiokȣa tsi ȣaontkatho, nok ȣasakotinnhese neh niiesakotiiatenhaskȣe.
16Nok tanon ne Iesos iasakohnonke nehne nok ȣahenron: tosa iestsiiotasts karo aontaiente neksaokonha, tosa oni iestsinnhes: aseken neh akoȣenk ne Niio raonakerasera ne tsiontatieren.
17Oriȣiio tsi kȣarori, nonka iah tenhaienasere tsiniiot neksaa ne Niio raonakerasera, iah ki tiiahataȣeiate.
18Saiatat rasennoȣanen ȣahenron tsi ȣahoriȣanontonse: Saianer ise ne tisariȣaieri! Oh nenkiere ne Karonhiake akatsennonni?
19Iesos tahenron: oh neh niiotieren tsi saton tisariȣaieri? Iah onka nakoren tetiakoriȣaieri neok enskat nehne Niio.
20Saterientare tsinahoten ne kontiriȣakȣeniios: tosa seriȣanerak ne kentesera; tosa sherio; tosa senensko; tosa sheianoȣenten; shekonnienst ne iesaienha.
21Tontahenron; shontonkenikonrote ok nehne oni hakȣekon shiȣakeriȣaieritonhatie.
22Iesos Sahaȣannaronke neh nikaȣennoten, ȣahenron: sekon ki tsioriȣat tisatoktani: satenninon tsinisaien, nok sheiakhonhas ne iakotent, onen tokenske entisastsokoȣatseraientane Karonhiake; nok tontase oni tenesek.
23Ȣahonikonraksen tanon tsini kaȣennoten ȣahaȣennaronke sotsisekenh rokȣastsehne.
24Nok ne Iesos ȣahattoke tsi ȣahonikonraksen, ȣahenron: oriȣiio tsi ȣentore ne Karonhiake aiontaȣeiate ne iakokȣastse.
25Sekon senha ȣatiesen nʼOniakȣaher taontohestste tsi teiohontakaronte ne ienikhonkȣa, tsiniiot ne rokȣastse Karonhiake ahataȣeiate.
26Tsiniiakon ȣahonronke ȣahiron: onka kati nehkenhakȣa enhieniakenne?
27Tontahenron: tsinahoten ne iah taiekȣeni nonkȣe, onhakȣeni ne Niio.
28Tier tahatati: ok kati nii nakȣekon ionkȣateȣenteton nok kȣateranentaktenni?
29Tontahenron: oriȣiio tsi kȣarori tsi iah teȣatestsenrionhe oni nenskat ne roteȣenteton, raononsa, raoȣatsire, tehatennontere, ok ne ens rone, sakoienhokonha ne Niio raonakerasera ahorionniatsera.
30Ne iah senha ihsinonȣe taonsahaienasere kentho tsi ionȣentsiate, nok nisinonkati enkahaȣite, enhronnheke onȣe.
31Ethone ne Iesos ȣasakoiatotarho ne tekeni iaȣenre Nihatikȣekonne, nok ȣasakaȣenhase: kehiken nonȣa Jerusalem ȣeteȣe, onen akȣekon enkanane tsinihotiiaton ne Rotitokensehakȣe nonkȣe Roienha raiatatake.
32Aseken onhonȣateȣentete tsinonkati nionkȣetaksenokon; ok tenhonȣaieron, enhonȣakenrenseronni, nok enhonȣanistskeroseraȣe rakonsake.
33Nok tsi nenhonȣasokȣaȣessonsi ethone enhonȣario; nok tanon asen-aton nenȣata enshatonnhete.
34Iah tanon othenon tehotinikonraientaon; eh oni niiore tsi ronateriȣasetennine neh nikarihoten akȣa ki iah othenon tehotinikonraientaskȣe tsinahoten ratonhakȣe.
35Onen toha siiahraȣe ne Jeriko, teharonȣekon ohahakta renstskȣahere tehastsarites.
36Ȣahattoke kati tsi kentiokoȣanenhatie ihien, ȣahariȣanonton oh niiotierenhatie.
37Nok ȣahonȣarori tsi Iesos Nazaretronon rotoheststonhatie.
38Nensok ȣathohenrete, ȣahenron: Iesos Taȣit Iaienha! Takitenr.
39Ȣahonȣannhese nohenton ihien, nok tanon ne raonha tahakȣisronne tsi tehohenreta raton: Taȣit Iaienha! Askitenre.
40Ȣathatane kati ne Iesos, iahatennhane iahonȣennonke, nok nonen eh sathatane ȣahoriȣanontonse.
41Ȣahenron: oh nahoten saskaneks? Tontahenron: Seȣenniio! Akkenheke.
42Tontahenron ne Iesos: eh niiaȣenn skenhek: neh Sesatsiente tsi tisetakȣen.
43Nok oksaok ȣahaken; nok ȣahosere ne Iesos tehononȣeronnionne ne Niio: Nok nonkȣeokon ne ȣaontkatto ȣattonȣanonȣeron oni nehne ne Niio.
Currently Selected:
Luke 18: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
