John 10
10
Oieriaton nateioteriȣasonterakȣen nʼOriȣatokenti tsini hoiaton Roiatatokenti San.
1ORIȢIIO akȣa oriȣiio tsi kȣarori; onka iah kannhohakȣeniioke tethataȣeiatakȣa tsinonh nikontiteron ne teiotinakarontonha, akte tanon nonȣe thaientakȣa tsi iehataȣeiata, neh tohiken naieron oni ranenskȣas.
2Kenh kaien nakȣa tsi kannhokaronte nitres tsi iehataȣeiata, neh tohiken tokenske rahotsenenhokon ne teiotinakarontonha.
3Enhonnhotonkȣase ne tehonnhohaien, ronȣaȣennaienteri ne teiotinakarontonha; akȣa oni entesakohnatonhnion tsi iensakohnonke ne raotsenenhokon nok astste niienshakoiatenhaȣe.
4Nok nonen sakoiatinekenhon ne rahotsenenhokon, ohentonson ȣare, nok ronȣanonteraties ne rahotsenenhokon aseken ronȣaienteri.
5Iah tanon tahonȣasere neiah tehonȣaienteri; ok eken tanon enkonteko, aseken iah teiakotiȣennaienteri ne thiiete.
6Eh nahaiere tsi ȣatesakoriȣakentonkȣen ne Iesos, nok iah tehotinikonraientaon tsi nahoten renhton.
7Sekon kati ne Iesos ȣahenron: Oriȣiio akȣa oriȣiio tsi Ii ne tsi kannhokaronte tsi nonȣe nitkonnetta ne teiotinakarontonha.
8Akȣekon kati tsinihati nohenton rotikȣathon tsiniiore nʼii, akȣekon neh nʼaieron oni ratinenskȣas; iah ki oni tehonȣanatahonsatati ne teiotinakarontonha.
9Ii ne tsi kannhokaronte; onka iihne enhiontaȣeiate neh enhieniakenne, enhiontaȣeiate oni entsieiakenne nok enhiestsenri ne kakkȣiio.
10Neok tanientes naieron nahatieronkȣe, ahario oni ahatonte: neh nʼii kehniente tsi ȣako nʼakheion-nhete, neh oni nakȣa ok taontiesen.
11Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.
12Nok ne rannhatsera, oni ne iah tehanonne ne katsenen, iah oni raonha tehotsenenhokon, ok eh tensakotsiakȣarisi ne katsenen nenhaken taȣe ohkȣaho nok ȣahateko; nok nʼokȣaho ok tontateȣenniioste oni ȣateȣanitiokokȣate ne katsenen.
13Neh ȣahonni ȣahateko ne tsi rannhatsera, iah othenon tehannhatens ne katsenen.
14Kehnonnhatseriio nʼii, keienteris naketsenen, oni ionkienteri nʼononha.
15Tsi kiniiot tsi rakienteri ne Rakeniha eh oni nʼii nihiienteri ne Rakeniha. Nok aketsenenhokon keiaȣis tsi konnhe.
16Sekon eso ȣakenaskȣaien nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientake saiatat oni nensakoststeristake.
17Ne ȣaonni rakenoronkȣa ne Rakeniha, neh tsi ok tikiens tsi konnhe, neh nataontaȣe aonsakiena.
18Iah onka taionkekkȣa, akȣa ki Ii akatennikonra tsi katsiakȣarisions; ȣakkȣeniatseraien nʼakatken-rate ȣakkȣeniatseraien oni naonsakiena; Rakeniha eh niiot tsi rakrori.
19Sekon are tonsahatiriȣatirontonko ne Sitaeronon tsini kaȣennoten ȣahonronke.
20Aseken kentiokoȣanen ne iontonhakȣe: Rotkonseraien, tehanonȣaraȣenrie oni ohniiotieren tsi hetsiseȣataonsate?
21Nok notiake ionton; iahse eh tehaȣennoten ne Rotkonseraien; enhakȣeni ken nʼotkon taonsasakokakȣarisi ne teieronȣekon?
22Ethone are onen Sontontanoronne ne Jerusalemke, Koserake kenhne.
23Nok ne Iesos kanonskonson tehateratanions, tsi ronnhokaronte ne Salomon.
24Eh kati ȣathonȣanenronni ne Sitaeronon nok ȣahonȣenhase: tohakȣa nenȣe enskȣanikonrorarakon? Toka ise enkenhake ne Keristos takȣariȣakȣarisien onen tsi takȣarori.
25Iesos tontasakoȣennaȣeron, nok ȣahenron: Onen kȣarori nok iah tetiseȣetakȣen; neh ȣakeriȣanirati tsini kaiotenseroten ȣakiote Raosennakon ne Rakeniha.
26Neh ȣaonni iah tetiseȣetakȣen ne tsi iah ise teken naketsenenhokon, tsiniȣakieren tsi kȣarori.
27Konronkas naketsenen nakeȣenna, kheienteris oni nʼii, nok nononha ionknonteraties.
28Nok nʼii neh kheiaȣis ne ionnheonȣe, iah oni nonȣenton tiiakontiiessa, iah oni onka tataonsaionkhsiotarisi.
29Rakeniha rakonaskȣaȣi, neh thaonhaa thohsastenseroȣanen, iah tateshonȣasiotarisionhe ne Rakeniha.
30Ii tanon ne Rakeniha akȣa ok neh Sakat.
31Ethone are onen ne Sitaeronon tonsahatinenhiakȣe nahonȣanenhioiake.
32Iesos tontasakoȣennaȣeron nok ȣahenron: Eso ioriȣake ȣakȣanatonhase ne tkariȣaieri neneh Rakenineha teȣakha: kah kati nonȣa nikaien takȣanenhiohiahaktane?
33Tontahonniron ne Sitaeronon; iah tekȣanenhioiahaktane ne tsioriȣat aontesariȣaieriton; neh ȣahi tsi ȣasateȣennaiesate, oni tsi thisonkȣeha, Niio satatonnis.
34Ȣahenron ne Iesos tsi tontasakoȣennaȣeron: Iah kennah tekaiaton ne seȣaiatonserakon: ȣaken: Niio neseȣaiatotens?
35Toka kati nonȣa Niio iakohnatonkȣen tsiniiakon iontataronkatenni ne Niio raoȣenna (iahse sane teseȣateȣatane tsini kaiaton).
36Seȣaton ken ȣakateȣennaiesate Ii ne Rakeniha rakiatatokentiston nok onȣentsiake takatorion, tsi ȣakiron: Niio Rakienha?
37Toka iah Rakeniha tehoiotensera tenȣakiotekȣen, tosa ki katakȣetak.
38Kenh kaien neh nenȣakierenhatie, nok iah taontaskȣetakȣane, taseȣetak neh nikaȣeiennoten; eh naontaȣe aeseȣaterientarane oni aonteseȣetakȣe tsi iakehnikȣekon ne Rakeniha.
39Neh ȣakarionni sekon are sonnerhakȣe ahonsasakȣaiena; nok kiok eh tahatatatonte rahotihenton.
40Nok sekon are iatonsahaiaiake ne Jordan, tsinonȣe Saȣatis thonekoserhon sontahatasaȣen, nok eh oni nonȣe ionsahatatiteron.
41Nok kentiokoȣanen ȣahonȣaiatorenne, nok ion tonhakȣe: iah othenon tehahotasion ne ioriȣanerakȣa ne Saȣatis; nok ki tsinikon thoȣenninekenhon ne kenh kaien raiatatake akȣekon oriȣiio.
42Nok kentiokoȣanen are eh nonȣe tontahonȣetakȣe.
Currently Selected:
John 10: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
