John 9
9
Tioton-aton nateioteriȣasonterakȣen Noriȣatokenti tsini hoiaton Roiatatokenti San.
1TSI ihre ne Iesos etho ȣahoken ne ronkȣe ok sateharonȣekon sarennakerate.
2Ȣahonȣariȣanontonse ne raotiokȣa ȣahonniron: Saianer! onka iakoriȣaneren: kenhiken, katen neneh roniha ok neʼsʼens ne ronistenha tsi eh niiot tsi ronakeraton?
3Tontasakoȣennaȣeron ne Iesos, ȣahenron: iah ne raonha tehoriȣaneren, iah oni ne roniha, iah oni ne ronistenha; neki tanon netho naontaȣe ȣehne aonton ne Niio raoiotensera.
4Iatekakonte tsi oh nenkiere tsini hakennhaon ne takatorion, iotiesaonʼkʼ sekon niiaȣenniserote; taȣe tsinonȣe nentiokaraȣe tsinonȣe ne iah onka taonsaiakoioten.
5Tsini kariȣes Onkȣene ihkes, akosȣatetsera ihken nonkȣeokon.
6Kaȣenniioʼk iahateȣennokten nensok onȣentsiake ȣahonistskeronti nok rakarake ne teharonȣekon ȣahanaȣaststarho
7Nok ȣahaȣenhase: ȣas, nok ionsasatkonsohare tsi tionaȣerote ne Siloeʼ (nehneh sakah naiahiron teȣatennieton) eh kati niiahare nok ionsahatkonsohare, nok shaken nonen etho satontare.
8Iontonhakȣe ne tehonnonsanekhaon oni tsi ni iakon ne iakoterientare tsi teharonȣekon: iah kenh naha neh teken nekens ens tenstskȣahere oni tehatsarites?
9Otiake iontonhakȣe: raonha: nok notiake iontonhakȣe: akȣa ihken tsi teshiatieren, nok ne raonha, ratonhakȣe: Akȣase ii.
10Ȣahonȣariȣanontonse kati ȣahonniron: ohniiaȣenhon tsi sesken?
11Ȣahenron tsi tontasakoȣennaȣeron: neh thiken Iesos ronȣanatonkȣa ȣahanaȣaststonni tanon kkarake ȣaharho, tanon ȣahenron ȣas sasatkonsohareha tsi tionaȣerote ne Siloe. Ne kati nonen eh siiahakeȣe nok ȣakatkonsohare ethone nonsakken.
12Ȣahonȣariȣanontonse ȣahonniron: kah nihres netho ronkȣe? Tontahenron iah othenon teȣakaterientare.
13Tsi thatiteron ne Pharisian niiahonȣaiatenhaȣe ne tetharonȣekonne.
14Iaȣentatokentonne sahahnaȣaststonni ne Iesos oni sonsahotsiente ne teharonȣekonne.
15Nese ȣahonni sahonȣariȣanontonse ne Pharisian, oh akȣa niiaȣenhon tsi shaken. Nok tontahenron: ȣahanaȣaststarho kkarake, nok sakatkonsohare nok ok saok sakken.
16Nese ȣaonni otiake ne Pharisian ȣaonniron: thohiken ronkȣe iah Niio tothotennieton aseken iah tehentanoronsta ne Niiohne: Nok rontonhakȣe notiake: aonton ken neronkȣetaksen neh niioriȣanerakȣat tsi nahaiere? neseȣaonni ȣattonteriȣatihanion.
17Sekon sahonȣenhase ne teharonȣekonne: nahoten nise isere raiatatake ne tessiaronȣekhsion? Tontahariȣaserako꞉ Rotokense.
18Nok tanon ne Sitaeronon ȣahontennoȣente tsi teharonȣekonne oni tsi aonsahoieȣentaon; tsiniiore iahonȣatinonke ne ronȣaienha ne teharonȣekonne.
19Ȣahonȣatiriȣanontonse ȣaonniron: Neh kenh kehiken nʼetsiseniienha ne tsiaton ok sateharonȣekon sarennakerate? oh kati niiaȣenhon tsi shaken nonȣa?
20Tontaniriȣaserako ne ronȣaienha, nok ȣaniron: iontiaterientare tsi neh ne sakeniienha nok oni tsi ok sateharonȣekon sarennakerate.
21Kenh kaien oh niiaȣenhon tsi shaken onka oni ahonsahotsienton iah neneh othenon teiontiaterientare. Onen eso tehahoseriiakon, hetsiseniriȣanontons nok raonha enhatrori neh nonȣe niioriȣake.
22Neh ȣaonni eh naniiere ne ronȣaienha tsi taiatati ne tsi sakotitsaniskȣe ne Sitaeronon: Aseken ne Sitaeronon otiake onen sisakotitaston ne ionton oni ne tiakaȣetakon tsi raonha ne Keristos, oni sesakotiiatinekenhon tsi ionterennaientakȣa.
23Neh kati ahoriȣa ne roniha oni ne ronistenha ȣahniron: iatekaieri tsi natehaoseriiakon hetsiseniriȣanontons akȣa raonha.
24Ionsahonȣennonke kati onen oni neh ne tekenihaton, kehiken teharonȣekonne, nok ȣaonȣenhase: Niio letsenonȣeraton; ionkȣaterientare thohiken ronkȣe tsi onkȣetaksenskȣa.
25Tontasakoȣennaȣeron, nok ȣahenron: iah teȣakaterientare naionkȣetaksenhake; tsioriȣat ki tanon nii ȣakaterientare: ne tsi tekeronȣekonne nok tsi sekken nonȣa.
26Sekon are tontahonniron: oh nihoieren? oh nahaȣen tsi tonsaiaronȣeksi?
27Tontasakoȣennaȣeron: onen kȣarori nok iah teseȣataonsataton. Oh kati nahoten seȣariȣanontonta ne sekon aonseseȣaronke? iseȣere oniken nise hatsiseȣentiokȣaieston?
28Ethone onen ȣahonȣakenrenseronni, nok ȣahonȣenhase: ise niha hetsitiokȣaiesten; Aseken nii Mois raotiokȣake iakȣaiatare.
29Ionkȣaterientare ne Mois tsi tehotithare ne Niio, nok ne kenh kaien akȣekon iah teionkȣaterientare kah nithaȣenon.
30Tontahenron tsi tontasakoȣennaȣeron: Nioh ke nienh, ioriȣanerakȣat ȣahi tsi iah teseȣaterientare kah nithaȣenon; tanonse raonha shaketsienton ne kkarake.
31Ionkȣaterientare ȣahi tsi iah tesakoȣennarakȣa ne Niio nʼionkȣetaksen, nok tanon ne Niio raonkȣeta oni ronȣaȣennarakȣa neh sakoȣennarakȣa.
32Iah ȣahi nonȣenton areko teionkȣariȣaronken nʼonka ne ronkȣe onen aonsasakotsienton neok sateieronȣekon saonnakerate.
33Neh kati kehiken nʼiah Niio thahontahotorion iah ki othenon tahariȣakȣeni neh nahaiere tsini haierha.
34Tontahonȣaȣennaȣeron ȣahonniron: kariȣaneraakserakon sennakeraton tanon ken ise enskȣarionnien, nok sahonȣaiatinekenȣe.
35Ȣahariȣaronke ne Iesos tsi tethonȣaiatinekenhon; iatonsaiatatken are, nok ȣahaȣenhase; tisetakon ken raosennakon Niio Roienha?
36Tontahenron ne kenhkaien; onkah neneh Seȣenniio! aontaketak raonhake?
37Tontahenron ne Iesos: hestsken, nok akȣa oni raonha nonȣa tesenittare.
38Ethone tontahenron: teȣaketakon Seȣenniio! nok ȣahosennaien.
39Nok ȣahenron ne Iesos: neh keniente tsi ȣako nonȣentsiake nakkȣatako ne kaiatohretatsera, ahontonsseke aonsaieken ne teieronȣekon; nok ne ieken taieronȣeke.
40Neh ȣaonni otiake ne Pharisian netho ronneskȣe, ȣahonȣariȣanontonse, ȣaonniron: Nok nii, teiakȣaronȣekon oniken nii?
41Tontasakoȣennaȣeron ne Iesos, nok ȣahenron: iah othenon taeseȣariȣaneraakseraientake ne tokenske taeseȣaronȣekon; Nok ki tanon tsi seȣaton; iakȣaken, neh ahoriȣa seȣariȣaneraakseraien.
Currently Selected:
John 9: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
