John 8
8
Satekon-aton nateioteriȣasonterakȣen nʼOriȣatokenti tsini hoiaton Rti San.
1NOK ne Iesos tsi tiononte Olivier niiahare.
2Nok akȣa neok satontahentarenho sekon Ononsatokentikoȣane saraȣe akȣekon ok nonkȣeokon ȣahonȣaiatorenne; nok ȣahatien oni Sasakotati.
3Nok ne ratiiatons oni ne Pharisian etho ȣakonȣaiatheȣe; tsiothonȣisen nehne kariȣaneraakserakon konȣaiena.
4Ȣahonȣenhase: Saianer! Kehiken tsiothonȣisen neh nakȣa ahonnhiserakon konȣaiena, kariȣanerakskȣe kentesera.
5Kenh kati niiot tsi sonkȣariȣatati ne Moïs kaianerenserakon, naiontatenenhioiake netho niiakonnhiseroten: nahoten kati nise ensiron?
6Neok se are ne ronȣaȣennisaks tsi neh rontonhakȣe, nahatiriȣatsenri nahonȣariȣarho. Nok tanon ne Iesos, ȣathastsakete ehtake, nok rasnonsake ȣarate ȣahaiaton onȣentsiake.
7Sekon ok nihonȣariȣanontonni, sahattakȣarisi, ȣasakaȣenhase: Onka tsinitsion nʼiah othenon tehoriȣaneraakseraien, neh thatierent iehonenhionti.
8Nok sekon tonsahatsakete onȣentsiake sahahiaton.
9Neh kati nonen enhonronke neh nikaȣennoten, ȣahontatienterene ne raonerientakon; satiiatatshonha sahatiiakenne, neh taontierente nesenha rotikstenha tsiniiore akȣa iahontsahate; nese ȣaonni, iatonsahaonhahaste ne Iesos tanon nekenh tsiotonȣisen ehto katakȣe
10Ethone ne Iesos sahattakȣarisi, nok iah onka nakoren teseshakoken neok ne tsiothonȣisen, ȣarenhase: tsi sathonȣisen, kah niiahonne ne iesariȣarhoskȣe? iah kenh onka teiesariȣenton?
11Tontakenron; iah onka, Saianer! Nok ne Iesos tontarenhase: iah ki oninii takonriȣente, ȣas, nok tosa saseriȣanerak.
12Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.
13Ethone ne Pharisian ȣahonȣenhase, ȣahonniron: ok ise tisatateriȣanirati; iah tsi satekena naontaiaketakȣe ne sariȣaniratsera.
14Iesos tontasakoȣennaȣeron, ȣahenron: etho nehne tsi ok ii tikatateriȣanirati, satekena ki naontaiaketakȣe nakeriȣaniratsera; aseken ȣakaterientare tsiniteȣakenon, tsi oni niiaonkenonhatie; iah tanon nise teseȣaterientare kah niteȣakenon, kah oni ȣake.
15Neh nise teseȣaiatoreta tsiniiorihoten noȣaronk: iah tanon onka nii tatekheiatoretta.
16Nok ki sane ne takiatorete, iottakȣarision ki nakiatoretatsera: aseken iah teȣakonhaa; neh tanon iakenikȣekonhatie ne Rakeniha, oni neh thakatorion.
17Ieiohe eh niiot tsi kaiaton ne Seȣaianerenserakon, tsi satekena naontaiaketakȣe kaȣenniioki ok neh sakat tsi iatrori ne teniiase.
18Ii katateriȣanirati, nok oni ne Rakeniha ne thakatorion rakeriȣanirati oni neneh.
19Ethone tontahonniron: kah nihenteron ne Ianiha? Iesos tontahariȣaserako: iah teseȣaterientare onka nii, iah oni ne Rakeniha; aseken naskȣaienteri, atsiseȣaienteri ki oni neneh ne Rakeniha.
20Tsi ieȣistaroroksta nonȣe nontahaȣenninekenne neh nikaȣennotens shisakotatis Ononsatokentikoȣane; iah ki tanon onka tehonȣaiena, netsi areko siieiotenniserihe ne raȣennisera.
21Nok ne Iesos tontasakaȣenhase are. Skatentionhe, nok enskȣaiatisake; nok kitanon seȣariȣaneraakserakon enseȣenheie: tsinonȣe ȣake, iah taeseȣakȣeni iaheseȣaȣe.
22Rontonhakȣe kati ne Sitaeronon: Raonha onteken enhatateriio, tsi raton; tsinonȣe ȣake, iah taeseȣakȣeni iaheseȣaȣe?
23Ethone ȣasakaȣenhase: ehtake nise seȣanakere; nok tanon nii ehneken tkenakere: kentho nise tsion ȣentsiakeronon; iah tanon nii kentho tekonȣentsiakeronon.
24Nese ȣaonni kȣarori ȣakenh seȣariȣaneraak serakon enseȣaȣentane: aseken ne iah tentiseȣetakȣane tsi ii, seȣariȣaneraakserakon ki enseȣenheie.
25Ethone tontahonniron: oh nise nasiatoten? nok ne Iesos tontasakaȣenhase: tsi ki niiot tsi kȣarori tsi tiotasaȣe.
26Eso ȣakeriȣaien nakȣenhase oni nakȣariȣentakȣe; ȣakaterientare ki tanon tsi roriȣatoken ne thakatorion, neh kati tsinahoten tsioni nikon riȣennaronken nehe sekheroris nonkȣeokon.
27Iah tehotinikonraientaon tsi Roniha roton tsinahoten ȣahenron.
28Tontahenron kati ne Iesos: tsi nentsiseȣaia takaratate nonkȣe Roienha ethone enseȣatokense tsi ii, tsi iah oni othenon nii teȣakaterienta tsi nikierha, neh tanon katroris tsinahoten ne Rakeniha rakerionnienni.
29Aseken iakenikȣekonhaties ne thakatorion: iah tehakateȣenteton ne Rakeniha; aseken tiotkon tahonikonriiohonhatie tsini ȣakierenhatie.
30Kentiokoȣanen tahonȣetakȣe tsinikariȣes rotharakȣe.
31Nok ȣasakaȣenhase ne Iesos tsinihati ne Sitaeronon thonetakȣen ne raonhake: Toka enseȣatienaȣaston nakeȣenna, oriȣiio tsi akitiokȣa enseȣaton:
32Nok enseȣariȣaienterhane noriȣiio, nok neh noriȣiio enseȣanerensi.
33Tontahonniron: ii ne tsi raȣatsiratatie nʼAbraham, nok iah nonȣenton onka teionkhinaskonni; oh kati niiotieren tsi saton; enseȣatnerensi?
34Iesos tontasakoȣennaȣeron ȣahenron: oriȣiio akȣa oriȣiio tsi kȣaroris: onka kariȣaneren tsini hoierenhaties, kariȣanerenki ahostsenen tsi ronnhe.
35Iah ȣahi tehenteron onȣe kanonskon ne ranaskȣa; neh ȣahi ne Roienha renteron onȣe.
36Tokat kati nonȣa nehne Roienha entsiseȣanerensi, oriȣiioonȣeki tsi enseȣatnerensi.
37Ȣakaterientare tsi Abraham raoȣatsire nise; nok ki sane seȣatenientens naskȣario, ne tsi iah tiiekaientas nakeȣenna ne Seȣerianeson.
38Neh kȣarori tsinahoten ȣakatkatton Rakenineha; nok oni nise neh seȣaiotaties tsiniseȣatkaton netsiseȣanihneha.
39Tontahonȣaȣennaȣeron, nok ȣahonniron: Neh nakȣa Abraham sakȣaniha, Iesos tontahenron: Toka nonȣa Abraham etsiseȣaienhokonha akenhake, eh ki oni nise naheseȣaiere tsini hoieren nʼAbraham.
40Kenh tanon nonȣa seȣariȣaiote naskȣario, ii enskat ne konkȣe neok kȣarori noriȣiio neh nakȣa Niiohne teȣakaronken: iah naha eh tehoieren nʼAbraham.
41Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.
42Nok tanon tontahenron ne Iesos: Toka nonȣa Niio etsiseȣaniha akenhake, tiakariȣakenniate oriȣiio tsi askȣanoronkȣe, aseken Niiohne teȣakiakenhon, nok raonhake niteȣakenon: aseken iah ok teȣakatennikonra tsi teȣakenon, raonha tanon thakatorion.
43Oh kati niiotieren tsi iah teseȣanikonraientas tsini keȣennoten? neki tsi iah taeseȣakȣeni naeseȣataonsatate nakeȣenna.
44Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.
45Nok nii nehtsi oriȣiio tsini kȣarori, iah teteskȣetakȣen.
46Onka tsinitsion enhakȣeni ahakeriȣarho ne ka riȣaneren? Nok toka nonȣa oriȣiio tsini kȣarori, ohnihiotieren tsi iah teteskȣetakȣa?
47Onka Niio raonkȣeta ihken, rataonsatasts ki ne Niio raoȣenna, nok nise iah teseȣataonsatasts, neki tsi iah Niio tehaonkȣeta tehken nise.
48Ethone ne Sitaeronon tontahonȣaȣennaȣeron nok ȣahonniron: Iah kenh naha tetionkȣaieriton tsi ionkȣen Samaritan nasiatoten, nok sanesonronontseraien?
49Iesos tontahariȣaserako: iah teȣakenesonronontseraien; Rikonniensta tanon ne Rakeniha, nok nise takȣariȣakenronni.
50Iah othenon tekesaks nii akerensarontsera, tihaiatate nehne rehsaks nok tehaiatoretta.
51Oriȣiio, oriȣiio tsi kȣaroris, onka enhakeȣennarakȣe, iah nonȣenton tharenheie.
52Tontahonniron kati ne Sitaeronon: Onen tokenske oriȣiio ȣahationni tsi sanesonronontseraien: Abraham raȣenheion, Rotitokensehakȣe oni, nok saton: onka enhakeȣennarakȣe iah nonȣenton tharenheie.
53Senha kenh ise tsiatanoron tsiniiot ne Sakȣaniha Abraham nonen raȣenheion? Rotitokensehakȣe oni ronaȣentaon: Onka kati nekenh nise Satatonnis?
54Iesos tontahariȣaserako, ȣahenron: Tokat nonȣa ok ii tatakataterensaron, iah othenon tekastak nakerensarontsera; Rakenihase tehakerensarons, nehne seȣatons neh etsiseȣa Niio akenhake.
55Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.
56Abraham etsiseȣaniha, koȣanen tsi rotonnhahere nahattkatto enska nii akennisera; rotkatton katon nok rotsennonnihon.
57Tontahonniron neh nonȣe ne Sitaeronon: areko ȣisk tesoserassen, nok hestsken nʼAbraham!
58Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sikenakere.
59Ethone are onen ȣathatinenhiakȣanion nahonȣaiente; nok tanon ne Iesos ȣahatatasete tontahaiakenhne nʼononsatokentikoȣane, tehatiiatokensson sahatohestste; nok eh niiot tsi sahatenti.
Currently Selected:
John 8: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
