John 11
11
Enskat-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1Bethani nonȣe saiatat nihononȣaktanihakȣe Lazar ronȣaiastskȣe, eh nonȣe niionatenatakȣenrare nʼOnȣari tanon Marta rontennosenha.
2Neh kehiken Onȣari ne ȣenhienakon oni ȣenhienanoron ȣahahokaȣe ne Roianer, nok ok neh nahononkȣis sakarakeȣate; nok ne Lazar rohnonȣaktanihakȣe aonha iatennosenha.
3Iatiateriȣaniete kati ne rontennosenha tsi itres ne Roianer tiatonne: Saianer onen rohnonȣaktani ne hetsenoronkȣa.
4Nok ȣahenron ne Iesos tsi ȣahariȣaronke: iah ki neneh teiakoriotha neh nikannroten, neok tanon ne Niio raoiatanerakȣatserat, eh naontaȣe ahonȣasennoȣanate ne Niio Roienha,
5Iesos ranoronkȣakȣe ne Marta, nok oni ne tiatatekenha, oni ne Lazar.
6Nok nonen sahariȣaronke tsi rohnonȣaktani ne Lazar, sekon teȣenniserake sahonisko tsinonȣe nireskȣe.
7Ethone onen ȣasakaȣenhase ne raotiokȣa: Judé onen niietsiteȣe.
8Tontahonniron ne raotiokȣa: Saianer! onȣar ok tokara nonta tiosaiatisakskȣe ne Sitaeronon naiesanenhioiake, onen kati ok are eh iensese.
9Tontahenron ne Iesos: iah kenh tekeni iaȣenre tekaȣistaeks ne seȣennisera? onka entiekene enhatenti iah ki tahositiake; aseken neh tehosȣathetakȣa tsi teiosȣathe tsi ionȣentsiate.
10Kenh kaien nasonthenne enhatenti enhositiake, aseken iah ki tatehosȣathe tsi teiosȣathe.
11Nonen saharihokten, ethone ȣasakaȣenhase: Lazar onkȣatenro rohtas. Eh tanon ȣake sahiietane.
12Tontahonȣaȣennaȣeron ne raotiokȣa, nok ȣaonniron: Saianer! onenki enshaieȣentane nenhotasseke.
13Nehse neneh ȣahenton ne Iesos tsi raȣenheion, ronnerhakȣe ne rohnonha neh kenh renton nahakotaȣe.
14Ethone onen ne Iesos iatharihoserate ȣahenron: Lazar raȣenheion;
15Nok ȣakatonnhahero nise seȣariȣake ne tsi iah eh tekeskȣe. Toka eh naontaȣe aonteseȣetakȣe. Enhnio tanon eh ieteȣe.
16Ethone nʼAtonȣa Didyme ronȣanatonkȣa, ȣasakaȣenhase ne rontenro: Etho oni nʼii ieteȣe aontonseke enskatne aheteȣenheie.
17Nonen siiaharaȣe ne Iesos, ȣahariȣaronke tsi onen kaieri nonta sithonȣaiataten ne Lazar.
18Neok nahoten ne ȣisk iaȣenre stade natetiatere ne Bethani tanon ne Jerusalem.
19Kentiokoȣanen sitaeronon etho iehotine tsi tiotinonsote ne Marta tanon nʼOnȣari, konȣatinikonranirathe tsi teiohnatennonterakȣen.
20Akȣa neok ȣakariȣaronke ne Marta tsi tare ne Iesos, oksaok ȣathoteratana, nok nʼOnȣari ok iekenteron.
21Ȣakenron ne Marta tsi ȣahoȣennarane ne Iesos: Saianer! kenthoʼs enʼs aseseke iah naha tahaȣenheion nontiatennosenkenha.
22Nok ki tanon ȣakaterientare nonȣa tsinikon enhtseneken ne Niio, enthion ne Niio.
23Tontahenron ne Iesos: enshatonnhete ne tsiatennosenha.
24Tontakenron ne Marta; ȣakaterientare tsi enshatonnhete nonen tentiontkestsko akȣekon nonkȣe neh nonen onaken tsi teȣenniseronte.
25Tontahenron ne Iesos: Ii ne tsi tsiontonnhests oni ne iakaonnhets; onka taȣetakȣon niihne iaȣeronhatien nenhaȣenheion, enhronnheke.
26Onka ronnhe, thaȣetakon niihne iah nonȣenton tiiarenheie, tisetakȣen kenh neneh?
27Tontakenron: Tokenske Saianer! Teȣaketakon tsi ise ne Keristos, Niio Iaienha karharastston entesete tsi ionȣentsiate.
28Nok nonen sakarihokten otasetonke saiohnonksa ne tiatatekenha Onȣari, ȣakenron: kenh itres ne Roianer nok thiennonks.
29Akȣa neok onronke tontakatenstakȣe nok eh ȣahete.
30Areko siiehero ne Iesos tsi tionatakȣenrare; sekon eh nireskȣe tsi nonh Marta natehonatatken.
31Kenh kaien ne Sitaeronon neh ratiterontakȣe konȣanikonrorihakȣe nʼOnȣari, ȣahontkatto tsi sotsi tontakatenstatsi oni iakaiakenne, ȣakonȣasere rontonne: tsi thaiatat ȣateȣasenthosere.
32Siiaonȣe nʼOnȣari tsi itres ne Iesos, onen oni sahoken, rasitakta ȣateȣatonstsoten, nok ȣakenron: Saianer! nene kentho asesseke iahse thahaȣenheion nʼontiatennosenkenha.
33Iesos ȣahaken teȣasenthos oni ne Sitaeronon ne konȣanonteratiene ȣahoiatissonkȣe nok ȣahonikonkararen.
34Nok ȣahenron: kah nonȣe niseȣaien? Tontahonniron; Saianer kasts nok satkatho.
35Nok ȣathasentho ne Iesos.
36Neh ȣaonni ȣahonniron ne Sitaeronon; oriȣiio ȣahi tsi rohnoronkȣakȣe.
37Nok otiake iontonhakȣe: neh kehiken shotsienton ne teharonȣekonne, iah kati onteken tahokȣenion ne tosa ahaȣenheion ne kenh ronkȣe?
38Ethone are sekon sahonikonranonȣake ȣahatkatho tsi nonȣe nihaiatat (ioshonhioȣanen kassonhionnine nok ohnenhia kanontektonne.)
39Ȣahenron ne Iesos: Seȣanenhiarako. Nok tanon ne Marta iatennosenha ne raȣenheion ȣakenron: Saianer! Onen ne kenh ȣakeras; aseken onen kaieri nonta eh sihaiatat.
40Tontahenron ne Iesos: iah kenh tekonrori, nentisetakȣen ensatkatho ne Niio raoiatanerakȣatsera?
41Ȣahatinenhiarako kati ne kanontekton tsi raiatat. Nok ne Iesos Karonhiake iahatkatto nok ȣahenron: Rakeni tekonnonȣeratons tsi takeȣennarakȣen, konhiatsennonniase tsi takathontatis.
42Ok se sane siȣakaterientare tsi takeȣennarakȣa; neki ne teionkatiataton raotiriȣa tsi nahoten katon, toka naha eh naontaȣe ahonthontate tsi ise teskatennieton.
43Nok nonen saharihokten, ȣathohenrete: Lazar tontatsiakenn.
44Ne nakȣa oksaok tontahatkestsko ne raȣenheion, tehanenststerenhatie tehasitaneren oni, nok iakotasta rohnonȣaroron, ȣahenron ne Iesos: hetsiseȣanerensi nok hetsiseȣatka.
45Nese ȣaonni kentiokoȣanen ne Sitaeronon nʼOnȣari konȣanonsorenhonne, ȣahontkatho tsi nahaiere ne Iesos tahonnetakȣe rahonhake.
46Nok notiake, Pharisian neneh sahonȣatiroriana tsi nahaiere ne Iesos.
47Ethone onen ne ratitsihenstakȣeniios oni ne Pharisian Saontkennisa nok ȣahatitsienhaien, nok ȣahonniron: oh niteȣakierha? Aseken kehiken ronkȣe tehaterihokȣatha ne ioriȣanerakȣatenions.
48Tokat ok tatentsiteȣakanerake akȣekon ok enthonȣetakȣe; nok enthonne ne Romain enhionkhiiatonte, ii, onkȣanakerasera, oni nʼonkȣentiokȣa.
49Ethone Saiatat Caiph ronȣaiasts, neh ratsihenstoȣanenne neh sikahaȣis, tahatati, ȣahenron: iah othenon teseȣanikonraientas.
50Nok, iah oni tateseȣaiatoretta tsi onkȣatsennonniat ne saiatat harenheie, ne kanenrakȣekon akoriȣake, kaȣenniio ki tosa aeteȣanitiokȣahton.
51Iah raonha tehotennikonra tsi nahoten ȣahenron; nok tanon ne tsi raonha Ratsihenstatsikoȣa kenhne nʼethone, tsi kati niiot ne ȣahonikonrahentete nok tahonenne tahatrori tsi sakaȣenheiasere ne Iesos ne Sitaeronon.
52Iah oni neh ok teken ne Sitaeronon, neh oni nasakoiataroroke nok oni iatasakoiestste ne Niio sakoienhokonha nʼok tiiateiakorehnihonne.
53Neok kati onen sahatiriȣisake oh onte nahatiiere nahonȣario.
54Nese ȣaonni ne Iesos iah ki onkȣene tesrethakȣe; ok eken tanon ehren ȣarete neh nonȣe, kahentakta tkanataien Ephraim konȣaiats eh niiahare; eh oni iahatien nok oni ne raotiokȣa.
55Onen thoha siiakaheȣe tsini honentanoronse ne Sitaeronon (konȣanatonkȣa Shotonnhestston); kentiokoȣanen kati neh tienakere Jerusalem ȣahente saiontonnhakanonhniahna tsi onen ȣentanoronsere.
56Nok Iesos ronȣaiatisakskȣe, tehontateriȣahnontonnionniskȣe oni Ononsatokentike rontonhakȣe: nahoten iseȣere? iseȣere onteken iah tahontare tsinikariȣes ȣentanoron?
57Kenh kaien ne ratitsihenstakȣeniios oni ne Pharisian sakotirihontonkȣe, nonka aiakoterientarake kah nonȣe nires, ahonȣatirori, eh naontaȣe aontiesenne ahonȣaiehna.
Currently Selected:
John 11: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
