John 12
12
Tekeni-aton iaȣenre teioteriȣasonterakȣen Oriȣatokenti tsini hoiaton Roiatatokenti San.
1IAIAK nonta ohenton naontanoronne ne Shotonnhestston, Betani saraȣe ne Iesos tsi nonȣe nihanakerekȣe ne Lazar nehne raȣenheionne, neh oni ne shahonnheton.
2Nok eh nonȣe nahonȣakhonnien nokarasa, Marth ontsteriste natekkȣarane, nok ne Lazar etho oni noneh rotekkȣarakȣe.
3Nok ethone nʼOnȣari niiahateȣakȣe nakȣa ihken ȣenhieniio oni ȣenhienanoron nok Iesos rasike tonȣeron nok ok neh nahononkȣis tontakarakeȣate, nok akȣa ȣakanonsine tsini ȣenhienakon.
4Ethone saiatat tsini hotiokȣa, neneh Sitas Iskariot neh oni ne ienhotenninon ȣahenron ne rahonikonrakon.
5Oh niiotieren kehiken tsi iah teȣatenhienaninon asen nikaȣistake iataiohnenon, nok iakotent aiontatatitenraton?
6Eh niiot tsi tahatati, iah sane ne teioriȣake tsi asakotenrheke ne iakotent, neh tanon tsi ratieronkȣa, nok raonha ranatatserenhaȣakȣe raonha oni rahaȣiskȣe tsinahoten iaketahaskȣe.
7Tontahoȣennaȣeron, nok ȣahenron: Tosa othenon saststerist; aseken neh ontenti oni enskat teskaierontare tsinenhiaȣenne nonen enhionkiatata.
8Aseken tiotkon enseȣaientake ne iakotent; nok nʼii iah tiotkon taeteȣakȣekon.
9Kentiokoȣanen ne Sitaeronon ȣahakotokense tsi eh renteron, eh ȣaontkennisa, iah Iesos ok tehonȣaniente, neh oni nahonsaonȣaken ne Lazar shotonnheton tsi raȣenheionne.
10Nok ne ratitsihenstakȣeniios ȣahatiriȣisa nahonȣario oni neneh ne Lazar.
11Netsi kentiokoȣanen ne Sitaeronon eh ieienttakȣe raonha raoriȣake nok tiaketakȣakȣe Iesos Raosennakon.
12Tsi ȣahorhenne, tsini iotiokȣatsanit iakohne neh nonȣe sikahaȣi ne tsi ȣentanoronsere, ȣaeriȣaronke tsi Jerusalem nontahaȣenonhatie ne Iesos.
13Ȣahatikȣiriake ne teioteneratakȣenonni nok ontenenratenti ȣathonȣateratane nok tehotihenretane rontonne: Hosanna! Ahonȣanenton ne Israerronon Ronȣanontiio, nehne Raosennakon ne Raȣenniio tahoientakonhatie.
14Nok ne Iesos ȣahanaskȣatsenri kenseri katsinn, neh ȣahosaten tsiki niiot tsi kaiaton.
15Tosa sateronn Sion saienha: Onen tare ne Ianontiio kenseri oȣira tahose.
16Iah othenon akȣa tehoneron ne raotiokȣa tsi nahaȣen, tsi kati niiore onen iaonȣasennoȣanate, onen sahonneiarane tsi raonha rohton tsi eh niiot tsi kaiaton, nok tsi nahatiiere neh ȣatrori tsi onen iakaierite.
17Kentiokoȣanen ne tsiniiakon teiekanerakȣe satontahokestsko ne Lazar ossonȣakon oni sahahonnhete, akȣekon ok ronȣariȣaniratihakȣe.
18Neh oni senha ȣakentiokoȣanate sathonȣateratana neh tsi iakoronken tsi eh nihoieren.
19Ȣahontonnionȣe ne Pharisian: seȣatkattos ȣahi tsi iah othenon teteȣatkȣenies, onen are kenh nonȣa akȣekon ok nonkȣeokon ronȣanonteraties.
20Otiake ratiiatarakȣe ne Grek tsiniiakon iakohne oni ronȣasennaiennire ne Niio neh nonȣe siȣentanoronsere.
21Neh kati ȣahonȣaiatorenne ne Philippe Galileronon, Betsaida kanatakon nonȣe nihanakerekȣe, ȣahonȣaneken, ȣahonniron: Seȣenniio; iakȣaskaneks nʼasakȣaken Iesos.
22Philippe Saraȣe, André sahorori, nok nʼAndré tanon Philippe ionsahonȣarori ne Iesos.
23Tontahenron ne Iesos tsi tontasakoȣennaȣeron: Onen iakaheȣe nahasennoȣannha nʼOnkȣe Roienha.
24Oriȣiio akȣa oriȣiio tsi kȣarori: Onatsia kanen onȣentsiake enhiakoti, neiah tenkenheionsere enskat ki ok tsi enkaientake; nok nenkenheie, esoki enkanenhonten.
25Onka ranoronkȣa tsi ronnhe, enhotonse; nok ne iah tehononste tsi ronnhe ne kentho onȣentsiake, neh enhahaȣake tsiniienhenȣe! iah oni takariȣentane.
26Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.
27Onen nonȣa ok osʼsontiȣakonnhaȣens; oh onte nahoten akerase? O rakeni! askiatanonstate nonȣa nikahaȣis; nese sane teȣakenienton tsi teȣakehnon.
28Rakeni! tsennanoronst ne sasenna. Ethone karonhiake nontonteȣennine ȣakenron: Onen risennanoronston nok sekon ki henshisennanoronste.
29Nok tsiniiakon netho iienskȣe, oni ne ȣaonronkanion neh nikaȣennoten, iontonhakȣe ȣakaȣere onte ȣahi; nok notiake iontonhakȣe neneh: Raronhiakeronon ȣahi ȣatnitharen.
30Tontahatati ne Iesos, ȣahenron: iah ii teȣakeriȣake kehiken nikaȣennoten tsi ȣeseȣaȣennaronke, ise tanon seȣariȣake.
31Onen onȣe naoriȣentatsera tsi ionȣentsiate; Onen oni astste enhonȣaiatontiete ne ronȣakoȣanen tsi ionȣentsiate.
32Nok nii nonen enseȣakateratakȣen ne kentho ionȣentsiate, akȣekon nonkȣe akonhake entekeiatatihentho.
33Neh ȣahentonȣe tsi neh ȣahenron tsini ȣenheiontoten henrenheiate.
34Tontahonniron nonkȣeokon: Onkȣaiatonsera ionkȣarori tsi henronnheke onȣe ne Keristos: oh kati nekenh niiotieren tsi saton enshatharatate nʼOnkȣe Roienha? Onka kati nekenh nonkȣe Roienha?
35Tontahenron ne Iesos; Sekon nikariȣessa teseȣasȣathetseraien: seȣatenti kati sekon ok nateseȣasȣathe, sotsi iotteron onȣa tontiseȣakaraȣe: aseken nasatakon rotentionhatie, iah ki tehoterientare kah ȣare.
36Taseȣetakȣenhak tsini kariȣes teseȣasȣathetseraien, netho naontaȣe osȣathesera seȣaienha aeseȣaton. Nonen saharihokten ne Iesos, oksaok ehren sarete, nok sasakotatonten.
37Nok saetho sane eso ne ioriȣanerakȣatenion tsini hoieranion rahotihenton, iah ki othenon tetiorakȣen tsi iah tethonetakȣen ne raosennakon.
38Ne kati ȣahonni takaierine tsini kaȣennoten thoȣenninekenhon ne Rotokenseakȣe Isaï: Saianer! Onka tiakaȣetakon nonkȣaȣennake, nok onka ronȣatokatenti ne Roianer raonentsa?
39Neh ȣahonni iah tethonetakon, ne tsi sekon saton ne Isaï:
40Ȣatesakoronȣeke, nok ȣasakaȣeriasanirate, tosa ratikarake ahontkahtot, nok raoneriane iahotinikonraientane, nok ahonsahontatreȣate, nok ahonsakhetsiente.
41Eh niiot tsi thotati nʼIsai, sahatkatho ne raoiatanerakȣatsera, raonha onirohton shihothare.
42Ronentiokoȣanen sane ne ratitsihenstakȣeniios tahonnetakȣe raosennakon, iah ki tanon ȣehne tohonnonniskȣe, ne tsi sakotitsaniskȣe ne Pharisian, onȣa sotsi tenthonȣatiiatinekenȣe tsi ionterennaientakȣa.
43Aseken neki ȣahatirako nʼonkȣe akorensarontsera tsiniiot ne Niio raorensarontsera.
44Ok tathohenrete ne Iesos nok ȣahenron: Onka kiok akonhake taȣetakȣen, iahse akenhake ok tethaȣetakȣen, nese oni tsinonkati ne takatorion.
45Onka tehakkanere tehokanere ki oni ne takatorion.
46Neh keniente tsi ȣako nonȣentsiake, ne taksȣathete, nene tosa taontaiakokarasseke tsiniiakon entiaketakȣe niihne.
47Nok nonka kiok enhionkeȣennaronke, nok iah taontaiaketakȣe iah ki tatakheiatorete: Aseken iah ki neh tekeniente ne takheiatorete nonkȣe, neok tanon nʼakheniakente.
48Onka enhakkenron iah oni tahataonsatate nakeȣennaokon; rahaȣe ne tenhoiatorete, ok neh nʼOȣenna ne ȣakerioȣanaton neh tenhoiatorete nʼonaken teȣenniseronte.
49Aseken iah ii teȣakatennikonra tsiniiot tsi ȣakatati; Rakenihase ne takatorion raonha rakrori oni rakerionnienni tsinenkiere tsi enkatati oni tsi enkeȣenninekenne.
50Nok ȣakaterientare tsi iakaonnhests ne raoriȣaokon; tsi kati nikon katroris, eh ki nikierha tsi skatrori, tsinihoieren tsi rakrori ne Rakeniha.
Currently Selected:
John 12: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
