Matio 18

Kirawe ka kicteritakositc Kice Manito Okimawinik

(Natawapata kaie Mark 9.33-37; Luc 9.46-48)

1Aniheriw apitc Cecoc ki pe natcikapowictako owitcewakana, e kokwetcimikotc: “Awin ka mawotci kicteritakositc nete Kice Manito Okimawinik?”

2Cecoc wicamew peikw awaca kitci pe natcikapowictakotc. Nanipowihew neta nictowitc kaskina e ici taciketcik, 3e itetc: “Tapwe ohwe ka witamatakok: kecpin aka kweskatisiekwe, mitowi awacak kitci iteritakosiekw, nama ki ka ki pitakanawaw Kice Manito Okimawinik. 4Anahwe meka ka mawotci kicteritakositc neta Kice Manitowa Okimawinik, enko anahwe ka tipaterimitisotc e itotisketc, mia mitowi ohweriw awaca kitci asiteritakositc. 5Anahwe kaie ka kicterimatc awaca, mitowi ohwa awacic, osam e sakihitc, nin tipirawe ni kicterimikw.”

E apitc maratak e pactatinaniwok

(Natawapata kaie Mark 9.42-48; Luc 17.1-2)

6“Kecpin awik e cikimatc peikw nta e taciritci ka apiciciritci ka tapwerimiritci kitci pactatiritci, kirawe kata miroparinipan wir otci, anahwe ka ki cikimiwetc, kitci takopitakaniwiritci okwak asiniwa mia e irikwapiskisiritci, kitci kosapewirakaniwitc kitcikamik kitci kwapawetc. 7Micta arimiparin ota askik, e mitcenik opactatowiniwaw iriniwok! Mocak kaie kata takoniw. Aric kata micta arimipariw anahwe iriniw ka totak kitci pactatiritci owitc iriniwa.”

8“Kecpin kitcitci kekotc ma kisit pactatiwakeine, kickitcitcehotiso kekotc kickisitehotiso. Warawik nte iciwepina. Kirawe kata miroparinopan kir otci kitci pitakein tapwe pimatisiwinik, tepirak e peikocik kitcitci kekotc e peikocik kisit, patok kakike ickotek kitci iciwepinikoin kaskina e itikitiin. 9Kaie kecpin kickicikw ni ka itotiskemakak wetci pactatiin, manipita. Iciwepina nete warawik. Kirawe kata miroparinopan kir otci kitci pitakein tapwe pimatisiwinik tepirak e peikocik kickicikw, patok kitci iciwepinikoin matci ickotek, kaskina e itikitiin.”

Atisokanicic: E onihakaniwitc maritcenic, minawatc e miskawakaniwitc

(Natawapata kaie Luc 15.3-7)

10“Nanakatcihitisokw aka otci peikw kitci cikerimekw aniki ka apicicitcik. Ki witamatinawaw, otacerimiwawa nete wakwek aspinikotc tacikeriwa, pecotcik e ici tacikeritci Notawiwa nete wakwek. [ 11Ki pe icaw meka anahwe Ka ki pe iriniwihitisotc#18.11 Ka ki pe iriniwihitisotc: Arimomitiso ota Cecoc. kitci akwacimatc anahweriw ka ki onicinirispana.]”#18.11 Nama takon ohwe mitcet weckatc masinahikanik.

12“Tan e iteritamekw ohwe: kecpin peikw iriniw e taratc mitato mitana maritcenica, e tca piskeritci peikw, kata nakatew anihi kotakihi cakitato mitana acitc cakitato maritcenica, taina, neta matinacik, kitci ki tca nta nantowapamatc anihi peikw ka ki piskeritci? 13Ki witamatinawaw, kecpin miskawate, kirawe kata micta mireritam anihi otci peikw maritcenica patok anihi otci cakitato mitana acitc cakitato kotakihi aka ka ki otci piskeritci. 14Ekoni peikon e icinakositc Kotawiwaw wakwek ka taciketc. Nama nataweritam wawatc tepirak peikw ohwi e taciritci ka apiciciritci kitci oniciniritci.”

Kecpin e matci totask kiwitc iriniw

15“Kecpin kiwitcican matci totaske, e tca akohisk, ki ka natawapamaw kircike. Ki ka tca witamawaw ka ki ici akohisk. Kecpin tca natotaske, ki ka kiskeriten e ki itotiskein kitci miroparihitoekw. 16Aric kecpin aka wi pamitaske, kiapatc minawatc ki ka natawapamaw, kotak awik kaie kitci matcewiratc neta, kekotc ma nicw iriniwok ki ka matcewirawok, tapickotc kitci natawapamekw anahwe ka ki matci totask. Ekoni ke totamekw kitci ki nosanetaiekw anihe ka ki masinahikatek Kice Manito Omasinahikanik:

‘Kecpin awik itactahorate owitc iriniwa,

patoc nicw kekotc nicto kotakihik iriniwok itetawe

kaie wirawaw e kiskeritakik e ki itotiskeritci.’ Deutéronome 19.15

17Kecpin aric aka wi natotawate kaie wirawaw anahweriw kotakihi iriniwa, ki ka nta arimotamowawok kotakihik ka tapwerimatcik Kice Manitowa. Kecpin tca kiapatc kaie anahweriw aka wi natotawate, ki ka iterimawaw mia awik aka ka tapwerimatc Kice Manitowa kekotc mia ka natockaketc, aka ka kicterimakaniwitc.”

18“Tapwe ohwe ka witamatakok: kaskina kekocic ke ici acotamasoekw ota askik, peikon kaie nete wakwek kata acotamasowakaniwon. Kaie kaskina kekocic matci ke ici naheritamekw kitci totcikatek ota askik, peikon kaie nete wakwek kata ici naheritcikatew.”

19“Kiapatc kotak kekocic ki witamatinawaw: kecpin nicw neta e taciekw e nahitatotcik e aimihitotcik ota askik, tapickotc e pakoserimotcik kekociciriw, Notawiwa wakwek ka tacikeritci kata mirikowok. 20Neta meka e mawotcihitotcik nicw kekotc awocamec iriniwok e pakoserimitcik, ekota neta nictowitc e apiwok.”

Atisokanicic: Arotakan aka ka wi poneritak e ki matci totawakaniwitc

21Aci minawatc Pien ki pe natawapamew Cecoca, e tca kokwetcimatc, e itatc: “Teperitcikein, tan tatwaw ke ponerimak niwitcican e ki matci totawitc? Matci ia nac nicowasowaw#18.21 nicowasowaw: (7) ni ka ki ponerimaw?”

22Aci naskamako Cecoca, e itikotc: “Nama tepirak kotc nicowasowaw ki ka ponerimaw ka ici wani totask, aric kirawe nicowaso irikik ki ka rikikiten nicowaso mitanawaw (70 x 7),#18.22 nicowaso irikik ki ka rikikiten nicowaso mitanawaw (70 x 7): Masinatew atita masinahikanik: nicowaso mitana acitc nicowaswaw irikik. Itemakan atita masinahikanik 77 fois, kotakihi masinahikanik: 70 x 7. ekoni tatwaw ke kasihamawotc kiwitcican.”

23“Ekoni peikon e icinakonik Kice Manito Okimawin: mitowi okimaw e iteritamokopanen kitci kanawapatak irikik mesinahamakotc kaskina e taciritci otarotakana. 24Ka ickwa kitciparitc e kanawapatak omasinahikana, peikw anihi otarotakana ki pe iciwitowakaniwiw, micta nipara coriariw#18.24 micta nipara coriariw: Mia itemakan: mitatowaw kitci kice mitato mitana (10 000) tatowapiskoriw. ka masinahamakotc. 25Nama aric tipiparinikopan anahwe arotakan kitci kicikak omasinahikan. Iteriw tca okimama kitci atawaniwonik e ici tatak, wiec kitci iciwirakaniwitc tekaci kitci tiperitakositc e otamirohakaniwitc, kaie anihi okoma, onitcanica, kitci ki tca tipiparinik e kicikasotc irikik mesinahiketc.”

26“Aci nipiskopariho anahwe arotakan e tca itatc okimama: ‘Pehici kiapatc memacic, aka wewepitwa! Ki ka kicikatin kaskina irikik mesinahamatan.’”

27“Erowek kitimakerimiko ani okimama. Ekoni e ici onikeritci irikik mesinahamowatc, e tca pakitinikotc kitci orowitc.”

28“Ekoni e ici orowitc anahwe arotakan. Nakickawew tca peikw owitc arotakana, kaie wir micta memantcic coriariw#18.28 micta memantcic coriariw: Mia itemakan: mitato mitana (100) tatowapiskoriw. e ki masinahamakotc. Ekoni e ici makonatc, e iti kipirewenatc, e tca itatc: ‘Kicikaci irikik mesinahamowiin!’”

29“Aci nipiskoparihoriw anihi owitc arotakana ka masinahamakotc, e pakoserimikotc, e tca itikotc: ‘Aka wewepitwa! Irikik mesinahamatan kaskina ki ka kicikatin.’”

30“Nama aric ki otci pamitawew. Tecikotc ekoni ka ici pitake wepinatc kipohotowikamikok, pitama kaskina kicikasoritena irikik mesinahamakotc. 31Ka wapatakik tca aniheriw ka iciwepanik neta aniki kotakihik arotakanak, micta cikeritamok. Ekoni e ici natawapamatcik okimamiwawa e tca nta atisokowatcik kaskina ka ki iciwepanik.”

32“Ekoni ka ici wicamatc anihi otarotakana anahwe okimaw, e tca itatc: ‘Ki matci arotakaniwin! Ni ki pakiticowaten kaskina irikik mesinahamowipan, osam e ki pakoserimiin kitci itotiskeian. 33Ki ta ki tca kitimakerimaw anahwe kiwitc arotakan, mitowi nin ka ki kitimakerimitan.’ 34Micta kiciwasiw anahwe okimaw. Kipohotowikamikok ki iciticahwew anihi otarotakana kitci micta otamirohakaniwiritci.#18.34 kitci micta otamirohakaniwiritci: Peikon kata ki ici nisitotakon: kitci micta nekatcihakaniwitc. Patoc kaskina ickwa kicikasoritena irikik mesinahamakotc kata orowiriw.”

35Minawatc itew Cecoc: “Ekoni peikon ke ici mihitakw Notawi icpimik ka taciketc, kecpin aka papeikw e taciekw kitehiwak aka ponerimekwe ka ici matci totatakw kiwitc iriniwaw.”

Currently Selected:

Matio 18: ATMK

Highlight

Copy