HABAKKUK Betamconam
Betamconam
Habakkuk soq sam vnyw 640-615 B.C hoq dio-raho xeqknum, oyu maadab hwdlo Assiriyangv yuupaq kunum hoo Bebilon ngv swwrab kunam. Israelam laqm-baqm dvb (722 B.C) ho Pwnbov Assiriyangam bon nyinam; sija mwv Assiriyangam la Judangam laqm-baqm dvb Bebilonam (Kaldiya) bon nyin tayin. Habakkukwg soq nyiqry ben si vnyw 586 B.C gv vigo lwwyw-lwwyw kokw so niqtuq lingxiq kunam. Habakkukwg “tox xugwnamv” hoggub Pwnbov nyicbo nyook Bebilon hvkam mwwg dvrwqbo pagoqkam bon nyin tayin? Habakkuk benum, Pwnbov mwlw gvdangam pw-hwwdwn, hoo Bebilonam kam kokwngam pw-hwwtayin (vnyw 539 B.C Bebilonv Parsiya uraho haaknum). Pwnbog lamtangv lok-lokub swrdorxeq sujaqkam, “Jvqtw hoqgv mwwg mwwjwnamv swwtayin” (2:4) ywwlinam mam kaaya yoodu yukam. Soq gomcwr tulu sam nit pvvb lo luum go dootin ting pan (Rom.1:17; Gal.3:11; Hib.10:38)
Ura bol doonbo gvmp
I. Habakkukwg Otuqcob Toxnam hoo Pwnbog Birwqnam (1:1-11)
II. Habakkukwg Lwnyi dvb Toxnam hoo Pwnbog Birwqnam (1:12-2:20)
III. Habakkukwg Swgwnam (3:1-19)
Currently Selected:
HABAKKUK Betamconam: NYISBSI
Highlight
Share
Copy
Want to have your highlights saved across all your devices? Sign up or sign in
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.