Yohane 15

Yesu ji wai tso nitsɛ ɔ nɛ

1“Imi ji wai tso nitsɛ ɔ nɛ, nɛ Tsaatsɛ ji ngmɔtsɛ ɔ nɛ. 2Ye he kɔni tsuaa kɔni nɛ wui yiblii ɔ, e poo, nɛ eko tsuaa eko nɛ woɔ yiblii ɔ, e sãa he, benɛ pee nɛ e wo yiblii pe kekle ɔ. 3Jeha nɛ ɔ nyɛ he je momo ngɛ munyu nɛ i kɛ nyɛ tu ɔ he. 4Nyɛɛ hi ye mi, nɛ imi hu ma hi nyɛ mi. Kaa bɔ nɛ tso kɔni be nyɛe maa je lɛ nitsɛ e mi nɛ e wo yiblii kaa ja e ma wai tso ɔ he ɔ, ja nyɛ hu nyɛ be nyɛe kaa ja nyɛ hi ye mi.

5“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee. 6Ke nɔ ko hi ye mi ɔ, a sakee lɛ fɔɔ he kaa tso kɔni, nɛ e gbliɔ, nɛ a buaa nya ngɔ woɔ la mi, nɛ a sãa. 7Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ. 8Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ. 9Bɔ nɛ Tsɛ ɔ suɔ mi ɔ, ja imi hu i suɔ nyɛ; nyɛɛ hi si ngɛ ye suɔmi ɔ mi. 10Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

11“I de nyɛ enɛ ɔmɛ, konɛ ye bua jɔmi ɔ nɛ hi nyɛ mi, nɛ nyɛ bua jɔmi ɔ nɛ hyi. 12Enɛ ɔ ji ye kita a, kaa nyɛɛ suɔ nyɛ sibi kaa bɔ nɛ i suɔ nyɛ ɔ. 13Nɔ ko be suɔmi nɛ kle pe enɛ ɔ, kaa nɔ nɛ ngɔ e wami ngɔ fɔ si ha e huɛmɛ. 14Ke nyɛ pee nihi nɛ i ngɛ nyɛ he kita woe nɛ ɔ, lɛɛ ye huɛmɛ ji nyɛ. 15I tsɛ we nyɛ nyɔguɛhi hu, ejakaa nyɔguɛ li nɔ nɛ e nyɔmtsɛ peɔ; se mohu huɛmɛ i tsɛ nyɛ, ejakaa nihi tsuo nɛ i nu ngɛ Tsaatsɛ nya a, i wo nɔ ta de nyɛ. 16Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ. 17Enɛ ɔ i ngɛ nyɛ dee ke: Nyɛɛ suɔ nyɛ sibi.”

Je ɔ nyɛmi

18“Ke je ɔ nyɛ nyɛ ɔ, nyɛ na nɛ nyɛɛ le kaa imi kekle e nyɛ. 19Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ. 20Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ. 21A maa ngɔ enɛ ɔmɛ tsuo ngɔ pee nyɛ ngɛ ye biɛ ɔ he, mɛni he je ɔ, a li nɔ nɛ tsɔ mi ɔ. 22I bɛ nɛ i kɛ mɛ ba tu munyu jinɛ, yayami ko be a he; se enɛ ɔ ɔ, a be a he yayami ɔ he nya jemi ko. 23Nɔ nɛ nyɛɛ mi ɔ, e ngɛ Tsaatsɛ hu nyɛe. 24Kaa i tsu we ni tsumihi nɛ nɔ ko nɔ ko tsu we eko hyɛ ngɛ nyɛ kpɛti jinɛ, yayami ko be a he; se enɛ ɔ lɛɛ a na nɛ kɛ ɔ, a ngɛ mi nyɛe kɛ Tsaatsɛ tsuo. 25Sa nɛ e ba jã benɛ pee nɛ munyu nɛ a ngma ngɛ Mlaa a mi ɔ nɛ ba mi ke: ‘A nyɛ mi gu!’

26“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase; 27nɛ nyɛ hu nyɛ maa ye odase, ejakaa nyɛɛ kɛ mi lɛ ngɛ kɛ je sisije.”

Currently Selected:

Yohane 15: DAN77

Highlight

Copy