Luka 14

Yesu naosya omurwae ku sabato

(Mt. 23:37-39)

1Nengira okurya ebiryo mu nyumba yo mukuru umwi wa Bafarisayo, nibamurore:rera. 2Mbe rora, ariga:rio mu:nu imbere yae unu ariga arwae ifwafura. 3Yesu naindura na:ika na be:igisya be biragiro na Bafarisayo na:ika ati, ?Omu:nu e:kirisibwe okuosya ku sabato, tere uri? 4Nibajibira. Namugwatako namuosya namuta:tira. 5Nababu:sya ati, ?Niga kwimwe unu ari na isikiri yae amwi ŋa yae igu:ye mu cinyo, atakuiso:syamo aonao ku rusiku rwa isabato? 6Nibatamibwa okumuindura ejo.

Ebyo kuyenja ecibaro

7Nababwira abo bakokerwe ecijekekanyo, wejire arora kutyo basoraga ebitebe bya imbere, nababwira ati, 8Omu:nu akakukoka ku buregesi, utenyanja ku citebe ca imbere, amwi ate:fura nabao unu akokerwe unu akukirire ecibaro. 9Na unu akukokere one aka:ja nakubwira ati, Tera unu. Mbe nuwamba okwiswara okusuba ku citebe ca ku bute:ro. 10Nawe ukakokwa wagenda nuwinyanja ku citebe ca ku bute:ro, korereki unu akukokere aka:ja akubwire ati, Musa:ni wani, fugera enu imbere. Niwo nu:ba ne cibaro imbere ya banu bo:ne winyanjire nabo ku biryo. 11Okuba omu:nu wo:ne unu ke:kusya arikeibwa, na unu ke:keya arikusibwa.

12Nabwira na unu amukokere ati, Ukate:ka ebiryo bya mu mwisi amwi bya ke:goro, utakoka basa:ni bao, amwi ba:na banyu, amwi ba ruganda rwanyu, amwi be:kasyanya bao abani:bi, amwi bate:fura nibasuba okukukoka awe one nibakuriya. 13Nawe ukate:ka amarya, ukokega abataka na barema na batigisi na baofu. 14Nikwo uriyabwa ribando, okuba hatari na ca kukuriya, okuba uririywa mu kusu:ka kwa barenge:resi.

Ecijekekanyo co buregesi

(Mt. 22:1-4)

15Mbe oumwi ku banu bariga benyanjire aamwi nage ku biryo, wejire ongwa ejo, namubwira ati, Arina ribando unu ariri:ra ebiryo mu bukama bwa Nyamuanga. 16Omwene namubwira ati, Ariga:rio mu:nu ate:kere oburegesi butamire, nakoka ba:fu. 17Natuma omugaya wae mu mwanya gwo buregesi abwire banu bakokerwe ati, Mu:je, okuba byone byamaririywe. 18Nibamba bo:ne okusabwa okwiswaririrwa na mutima gumwi. Owo kwamba namubwira ati, na:ma:gura esambu, kunyiire nigende okurirora. Enikusabwa nyiswaririra. 19No undi namubwira ati, Na:ma:gura ŋa ekumi ejo kukora emirimu. Enigenda okujisaka. Enikusabwa nyiswaririra. 20No undi namubwira ati, Na:ma:twara omugasi. Kwenikora nintamibwa oku:ja. 21Mbe omugaya oyo na:ja namubwira esebugenyi ejo. Mbe omwenemusi niwo nabiirwa, nabwira omugaya wae ati, Uruka bwangu, ugende mu njira na mu tuyira twa mu musi, u:re:te anu abataka na barema na baofu na batigisi. 22Omugaya na:ika ati, Ratabugenyi, eco wandagirira cakorerwe, nawe omwanya gucario. 23Esebugenyi nabwira omugaya wae ati, Uruka emwira ugende mu njira na mu makondo, ubasinyirisya okwingira, korereki inyumba yani i:jure. 24Okuba enibabwira ati, Ku ba:nu banu bariga bakokerwe, atario na umwi unu karaba ku buregesi bwani.

Okuru:ba Yesu

(Mt. 10:37-39)

25Ebise byafu byariga nibigenda nage. Nabaindukira nababwira ati, 26Omu:nu aka:ja kwanye, akarema okusoka esemwene na nyiramwene no mugasi wae, na ba:na bae, nabamura ba:bo, na byara ba:bo, ka no buanga bwae omwene, oyo atakutura kuba mwiigisibwa wani. 27Unu wo:ne atakugega omusaraba gwae omwene nandu:ba, oyo atakutura kuba mwiigisibwa wani. 28?Okuba niga kwimwe unu kaba nenda okumbaka inyumba, atakutangata okwinyanja nabara ebye mirimu jae, akaba ari ne byo kuimara? 29Amwi akaba amarire okuturao omusingi, natamibwa okuimara, banu bo:ne abarora basiga kwamba kumuseka, 30niba:ika ati, Omu:nu unu ambire okumbaka, okuimara nikumutamya.

31?Amwi ni mukama ki unu kaja okurwana no mukama oundi, atakwamba okwinyanja narwaja emisango, araba katura kugenda ne bisira rikumi okubonana na uriya namu:jako ari ne bisira amakumi agabiri? 32Araba atakutura, katuma jintumwa nasabwa omure:bo uriya akaba acari kura muno. 33Mbe nikwo kutyo no mu:nu wo:ne kwimwe unu atakurema byone binu ari nabyo, atakutura kuba mwiigisibwa wani. 34Mbe omunyu gukondere, ?nawe omunyu gukakuba abagurunga kutiki? 35Oguba gatace:ire esambu, nakabee guri kuguumira, nawe abagwesa anja. Unu ari na matwi go kungwa nongwe.

Currently Selected:

Luka 14: KIJ1960

Highlight

Copy