Luka 13

Ebyo kurema okuta

1Mu siku ijo bariga bario aba:nu nibamubwira eja Abagalilaya bariya banu Pilato asa:sisye amanyinga gebwe ne byogo byebwe. 2Naindura nababu:sya ati, ?Omwiganirisya ati Abagalilaya abo bariga banyamusi kukira Abagalilaya bo:ne, okuba banya:sibwe kutyo? 3Enibabwira ati, Tari kutyo nawe nemwe one mukarema okuta, murisimagira bo:ne kutyo. 4Amwi bariya rikumi na bata:nu na basatu, banu bagwiriywe obutingo bwa Siloamu, nibube:ta, ?omwiganirisya ati, abo bariga banyamusi kukira aba:nu bo:ne banu bariga be:kae mu Yerusalemi? 5Enibabwira ati, Tari kutyo, nawe nemwe one mukarema okuta, murisimagira bo:ne kutyo.

Ecijekekanyo co mutini

(Isa. 5:1; Mt. 21:8-20)

6Na:ika ecijekekanyo cinu ati, Ariga:rio mu:nu ari no mutini guyambire mwisambu ryae erye mijabibu. Naja nayenjako amatwasyo nigamuburako. 7Nabwira omurimi ati, Rora, wori ni myaka esatu nini:ja okuyenja amatwasyo ku mutini gunu ngamburako. Guteme. ?Kuguma nigunyamura i:si era kubaki? 8Omwene naindura na:ika ati, Ratabugenyi, nugusige omwaka gunu one, nje nigweere, niguumire. 9Ariba gweya ngutwasya amatwasyo, ni kwa bwana. Ariba gwarema okutwasya, mbe niwo nugutema.

Omugasi wo bugo:bo:ke naosibwa

10Mbe ku rusiku rwa sabato ariga ne:igisya mu rikofyanyisyo rimwi. 11Mbe rora, omugasi ariga arwae omusambwa gwo bugo:bo:ke myaka ekumi ne:ta:nu ne:satu, e:etere, ataca:tura kwigorora na katyari. 12Mbe Yesu wejire amurora, namubirikira namubwira ati, Omugasi awe, wasurumurwa oburwae bwao. 13Namutako amaboko, aonao nagororoka, nakusya Nyamuanga. 14Nawe Omukuru we rikoryanyisyo nabiirwa okuba Yesu aosisye ku sabato, nabwira ecise ati, Jirio siku eta:nu na rumwi jinu jirengere okukorerako emirimu. Mbe mwijirega mwijo okuosibwa, nawe tari ku rusiku rwa sabato. 15Nawe Ratabugenyi namuindura ati, Rurimi awe, ?mu:nu wo:ne mwimwe atakusibura iŋa yae amwi sikiri yae mwigutu ku rusiku rwa sabato, naisira okuinywesya? 16No mugasi unu ni mwana wa Iburaimu, unu aboyerwe Syetani myaka ekumi ne:ta:nu ne:satu, ?oyo ate:ire kusurumurwa mu buboywa obwo ku rusiku rwa sabato? 17Mbe ejire a:ika ejo, abaremo bae bo:ne nibe:swara. Ne cise co:ne nicikondererwa jo:ne eje cibaro jinu omwene akorere.

Inje ya karadari. Ecifwimbya

(Mt. 13:31-33; Mk. 4:30-32)

18Kwakorere na:ika ati, ?Obukama bwa Nyamuanga obususana na ki? ?Nje nibususanye na ki? 19Obususana na inje ya karadari, inu omu:nu agegere nayesa mwisambu ryae. Ni:kura niriba eti, na jinyonyi ja mu rutumba nijigwa mu matabi garyo. 20Nasuba okwaika ati, ?Obukama bwa Nyamuanga nibususanye na ki? 21Obususana ne cifwimbya cinu omugasi uyo agegere nacibisa mu bi:bo bisatu ebya ji:fu, nijifwimba jo:ne.

Omuryango omufunde

22Naribata mu misi na mu nguyo, ne:igisya mu rugendo rwo kuja Yerusalemi. 23Omu:nu namubu:sya ati, ?Ratabugenyi, banu barionyibwa ni bato:to? 24Omwene namubwira ati, Mukome:re okwingira mu muryango omufunde, okuba enibabwira ati, ba:fu bariyenja okwingira, nibatamibwa. 25Omwenemusi ariba amara okwimuka, ne:garao orwigi, nimwamba obwimereguru aanja, no kukonona ku rwigi, nimwaika ati, Ratabugenyi, Ratabugenyi, ci:gurireo. Mbe aribaindura nababwira ati, Nitakubamenya eyo omuso:ka. Mu-nso:keko, emwe bo:ne banu omukora obunyamusi. 28Ariba mwarora Iburaimu na Isaka na Yakobo na baragi bo:ne mu bukama bwa Nyamuanga, nemwe nimweswa aanja, niwo kuribayo kurira no kuguguna ame:no. 29Bari:ja ba:nu nibaso:ka eburutuka ne:bugwa, na mu murungu na mu marimbe, nibenyanja mu bukama bwa Nyamuanga. 30Na rora, bario aba inyuma banu bariba imbere, na bario aba kambere banu bariba abasingirisi.

Yesu naririra Yerusalemi

(Mt. 23:37-39)

31Mu mwanya ogwo Abafaisayo niba:ja, nibamubwira ati, So:ka anu wigendere, okuba Erode kenda okukwita. 32Nababwira ati, Mugende mubwire nyamubwe oyo ati, Rora, eniirisya emisambwa niniosya rero na mutondo, no rwa kasatu ndiku:misibwa. 33Nawe kunyiire okuribatako rero na mutondo ne:jorirya, okuba omuragi atakutura kufwa atari mu Yerusalemi.

34Yerusalemi, Yerusalemi, awe rwita baragi, rurasira mabui banu abakutumwagako! Ni kwiya karinga ninenda okukofya aba:na bao, rwa kutyo iŋoko eikofifya ebyanakoko byayo mu mbaba jayo, nawe mutakwenda! 35Rora, inyumba yemwe yasigara erugu. Enibabwira ati, mutarisuba kundora, okukinga runu muryaika ati, Arina ribando unu ka:ja mwisi:na rya Ratabugenyi.

Currently Selected:

Luka 13: KIJ1960

Highlight

Copy