Èdɔwɔ̀wɔwo Kpɔ̀kplɔ̀sɔyìemè
Kpɔ̀kplɔ̀sɔyìemè
“Àmèdɔ̃dɔ̃awo be Èdɔwɔ̀wɔwo” lè nyi “Àŋɛ̀nyuɛ̃ a, sìgbè àlekè Lukà ŋlɔ̀ ɛ̀ nènea” be eji yìyi. Xoma kèa be ètaɖojinu vevetɔa, ye nyi be ne pò nupo so àlekè Gbɔ̃gbɔ̃ Kɔ̀kɔ̀ɛ a kplɔ̀ Yesù be yomèjètɔ cucugbãawo, àleke be, wo teŋu kãkã àŋɛ̀nyuɛ̃ kè kù ɖo Yesù ŋutia (so Yèruzàlɛm, yì Yudea ku Sàmarìa be àgowo ji, kaka yì xixea be nukpòpewo. 1.18) Xoma a nyi ènyàti kè pò nupo so xixea be Kristòtɔ̀nyinyi kè jɔ̀ lè Yudàviwo dòmè, eye be sĩ ɖo e ji va zũ xɔ̀sè lè xixea kpata mèa ŋuti. Xoma ŋlɔ̀tɔa kã ɖo e ji na e hlɛ̃tɔwo be Kristòtɔ̀wo be èhaa mu nyi èhabɔ̀bɔ kè wo ɖo be woa sɔ gble ènu lè èdùnya gbɔ̃gblɔ̃ ŋuti lè Romà be jiɖùɖua mè ò; vɔ̀ bòhũa, e ɖè e mè be xɔ̀sè kè lè Kristò be èhabɔ̀bɔa sia nyi ènu kè va pòta na Yudàviwo be Mawu sɛ̃sɛ̃a.
Àmèdɔ̃dɔ̃awo be Èdɔwɔ̀wɔwo ma ɖo àkpa ètɔ̃. Wo li mamãa ɖo àlekè wo do Àŋɛ̀nyuɛ̃ a so Yesù ŋuti ku àlekè wo ɖo èhabɔ̀bɔwo ànyia ji. Woawo ye nyi:
(1) Kristòtɔ̀ nyinyi be gɔ̃mèjèje lè Yèruzàlɛm, lè Yesù be fɔ̃fɔ̃ so èku ku jiŋùkusi yìyi yomè.
(2) Àlekè ye Kristòtɔ̀ nyinyi kãkã yì Pàlɛstinà be àgo buwo ji ɖoa.
(3) Àlekè ye Kristòtɔ̀ nyinyi gbà kãkã yì Ànyigbãwo Dòmè be Àpù be àgowo ji ɖo, kaka yì Romà cãa.
Ènu veve kè wo do jèsi àdodoe lè Èdɔwɔ̀wɔwo mèa ye nyi àlekè Gbɔ̃gbɔ̃ Kɔ̀kɔ̀ɛ a wɔ̀ èdɔ ɖoa. E va ku ŋusɛ̃, eye be jè ɖo xɔ̀sètɔwo ji lè Yèruzàlɛm, wàlɛbɛ kè wo ɖù Toŋutivayì be àzãa vɔ̀, lè ŋùkèkè èkà ci èwo yomè a (Pɛntekòst be àzãa gbè), eye e yì e ji, fiɔ àfɔ̀ɖope èhabɔ̀bɔa be ŋùkɔ̀nɔ̀tɔwo, do wo ŋusɛ̃ sìgbè àlekè be ze lè ènu vòvòvò kèwo ye jɔ̀, eye wo lè xoma a mèa nène. Mawunya kèwo lè xoma a mèawo, ɖè ègbèdoàsi kè lè Kristòtɔ̀ cucugbãawo sia fiɔ. Fifìa, ènu kèwo jɔ̀, eye wo lè e mèawo ɖè ŋusɛ̃ kè lè ègbèdoàsia mè lè xɔ̀sètɔwo be àgbènɔ̀nɔ ku èhabɔ̀bɔa be nɔ̀visi lele mèa fiɔ.
Xoma a mè-nyàwo
Jàjràɖo na ɖaseɖùɖu 1.1-26
a. Yesù be èsedodo mlɛ̃a ku yebe àjɔ̀gbè fìãfìã 1.1-14
b. Yudà be tèpenɔ̀tɔa 1.15-26
Đase ɖùɖu lè Yèruzàlɛm 2.1—8.3.
Đase ɖùɖu lè Yudea ku Sàmarìa 8.4—12.25
Paolò be sumɔ̃vi-dɔa 13.1—28.31
a. Èmɔzɔ̃zɔ̃ cucugbã tɔ̀a 13.1—14.28
b. Đase ɖùɖù lè Yèruzàlɛm 15.1-35
c. Èmɔzɔ̃zɔ̃ èvègɔ̃a 15.36—18.22
d. Èmɔzɔ̃zɔ̃ ètɔ̃gɔ̃a 18.23—21.16
e. Paolò nyi ègàmènɔ̀tɔ lè Yèruzàlɛm, Kayizarèa ku Romà 21.17—28.31
Currently Selected:
Èdɔwɔ̀wɔwo Kpɔ̀kplɔ̀sɔyìemè: GEN
Highlight
Share
Copy
Want to have your highlights saved across all your devices? Sign up or sign in
Mina Bible © Bible Society of Togo, 2014.