Genèse 36

Eesayuu naantiibi yiŋŋi

1Eesayuu un bi gíti yíì Eedoomee naantiibi yiŋŋi sèé. 2Eesayuu cáá Kanaan tiŋkin ní binimpoobi. Ada un nìn sá Eelɔn, ueetija bisalee nì Ooliibama un nìn sá Ana bisal nì Siibeeyɔn ueefija naantiiuee. 3U nìn gíti cáá Isimaayeel bisal Basmaati, Neebayɔti niisal. 4Ada nìn màl̄-u Eeliifaasi, ní Basmaati màl̄-u Reewuyeel, 5ní Ooliibama màl̄-u Yeewusi nì Yalaam nì Kɔɔra. Mbininjabiyaamu mun Eesayuu màl̄ Kanaan tiŋkinee dee.

6Boonee Eesayuu yōoǹ u-nimpoobi nì u-jipɔmbi nì u-bisalib nì binib bin kɔkɔ pée bí u-dicaŋkunee, nì u-waŋkuti kɔkɔ nì tigaajati tin kɔkɔ u kāl̀ Kanaan tiŋkin ki kée ki yíkìi búntì kitiŋ kiba poon ki wāatì u-naal Jaakɔb. 7Di sá yii bi nìn cáá tigaajati tikpil, ní kitiŋ kin poon bi kóòyee kaa nìn gíti bà-bi, kun puee bi-waŋkuti nìn būtì tikpil. 8Míǹ pu ní Eesayuu, un bi gíti yii Eedoomee, cūtìi kóòń Seeyiir jool pu.

Eesayuu naantiibi

9Eedoom yab bin nìn kóò Seeyiir jool puee naanja Eesayuu maaliŋu yab yiŋŋi sɔ̀.

10Eesayuu jipɔmbi yiŋŋi sèé. U-nimpuu Ada jipɔɔn di sá Eeliifaasi, ní u-nimpuu Basmaati jipɔɔn sá Reewuyeel. 11Ní Eeliifaasi jipɔmbi sá Teeman nì Oomaar nì Seefoo nì Gatam nì Keenaasi. 12Eeliifaasi nìn gíti cáá unimpuliliiti ubɔ bi yíì-u Tiimina. U mun màl̄-u kibininjabiki bi yíì-kì Amaleeki. Eesayuu nì u-nimpuu Ada naantiibi dee.

13Reewuyeel jipɔmbi di sá Naati nì Seera nì Sama nì Miisa. Eesayuu nì u-nimpuu Basmaati naantiibi dee. 14Eesayuu nimpuu Ooliibama un sá Ana bisal nì Siibeeyɔn naantiiuee úǹ màl̄ Yeewusi nì Yalaam nì Kɔɔra.

15Eesayuu maaliŋu poon bin sá adican kpilibee yiŋŋi di sá Teeman nì Oomaar nì Seefoo nì Keenaasi 16nì Kɔɔra nì Gatam nì Amaleeki. Bi nìn kóò Eedoom tiŋkin ní. Eesayuu nì u-nimpuu Ada jipɔŋkpiliu Eeliifaasi jipɔmbi dee.

17Eesayuu jipɔɔn Reewuyeel maaliŋu poon bin sá adican kpilibee yiŋŋi di sá Naati nì Seera nì Sama nì Miisa. Bi nìn kóò Eedoom ní ki sá Eesayuu nì u-nimpuu Basmaati naantiibi.

18Eesayuu nimpuu Ooliibama, Ana bisal jipɔmbi bin sá adican kpilibee yiŋŋi di sá Yeewusi nì Yalaam nì Kɔɔra.

19Eedoom yab dicaŋŋi kpilib dee, ní bi-kɔkɔ sá Eesayuu naantiibi.

20Bin nìn péé péé ki kāl̀ Eedoom tiŋkinee di sá uoorja Seeyiir naantiibi. Bi-yiŋŋi di sá Lootan nì Soobaal nì Siibeeyɔn nì Ana 21nì Diisɔn nì Eeseer nì Diisan. Bíǹ di nìn sá Oori yab, Seeyiir jipɔmbi bin nìn kāl̀ Eedoom tiŋkinee dicaŋŋi kpilib. 22Lootan jipɔmbi di sá Oori nì Eemam ní u-niisal sá Tiimina. 23Soobaal jipɔmbi di sá Alfan nì Manaati nì Eebaal nì Seefoo nì Oonam. 24Siibeeyɔn jipɔmbi di sá Aya nì Ana. Ana gbanti di sá un dāa nìn ká dinyimbɔbil diba kuteeun ŋyunti ŋun u nìn bíi kpàá u-baa Siibeeyɔn mammuee. 25Ana jipɔɔn di sá Diisɔn ní u-bisal sá Ooliibama. 26Diisan jipɔmbi di sá Eemidan nì Eesban nì Yitiran nì Keeran. 27Eeseer jipɔmbi di sá Biiliyan nì Saafan nì Yaakan. 28Diisan jipɔmbi di sá Usi nì Aran.

29Oori yab bin nìn sá adican kpilibee di sá Lootan nì Soobaal nì Siibeeyɔn nì Ana 30nì Diisɔn nì Eeseer nì Diisan. Bíǹ di nìn sá Oori yab dicaŋŋi kpilib Seeyiir tiŋkin ki dī nì bi-dicaŋŋi nín sá puee.

31Bibɔtiibi bin kāl̀ abee Eedoom tiŋkin ki wāatì ní Isirayeel yab nín kíĺ dibeel Isirayeel tiŋkinee sèé. 32Beewɔɔr jipɔɔn Beela kāl̀ dibeel Eedoom tiŋkin. U nìn sá Diinaba tiŋkin ní. 33Beela kpíì ní Seera jipɔɔn Joobaab un nìn sá Boosiraa tiŋkinee fōō dibeel. 34Joobaab kpíì ní Usaam un nìn sá Teeman yab tiŋkinee fōō dibeel. 35Usaam kpíì ní Beedaadi jipɔɔn Adaadi fōō dibeel. Úǹ di nìn kūū Madiyan yab Moowaab tiŋkinee. U-tiŋki di sá Afiiti. 36Adaadi kpíì ní Samla fōō dibeel. U nìn sá Masireeka tiŋkin ní. 37Samla kpíì ní Saayuul fōō dibeel. U nìn sá Reewoobooti, kitiŋ kin nìn bí Eefiraati mɔɔkpaandi caŋinee ní. 38Saayuul kpíì ní Akibɔɔr jipɔɔn Baal-Aani fōō dibeel. 39Akibɔɔr jipɔɔn Baal-Aani kpíì ní Adaar fōō dibeel. U nìn sá Pawu tiŋkin ní. U-nimpuu di nìn sá Matireedi bisal Meetabeel, Meesayaab naantiiu.

40Eesayuu maaliŋu poon bɔtiibi nì bi-naakɔti nì bi-timmu nì bi-yiŋŋi di sá Tiimina nì Aliwa nì Jeeteeti 41nì Ooliibama nì Eela nì Piinɔn 42nì Keenaasi nì Teeman nì Miibsaar 43nì Magidiyeel nì Iram. Eedoom tiŋki bɔtiibi nín sá puee dee, ubɔti kamaa nì u-tiŋki kin pu u kóò ki yèe.

Eesayuu di sá Eedoom yab naanja.

Currently Selected:

Genèse 36: BASSARDC

Highlight

Copy