I. KORINITO, 5
5
O LE MATAUPU V.
Ia tuu i tua le tagata amio leaga.
1Ua salalau le tala o ia te outou le faitaaga, o le faitaaga faapea foi e le o ta‘ua i nuu ese, ina ua fai avā le tasi i le avā a lona tamā. 2O outou foi, ua outou loto fefete ea? a e tou te le faanoanoa ea, ina ia tuueseina ia te outou le ua faia lena mea? 3O a‘u foi, o loo le i ai lo‘u tino ia te outou, a ua ia te outou lo‘u loto, ua uma ona ou faamasino i le ua faia faapea lena mea, peiseai ua ou i ai lava, 4pe a faapotopotoina outou faatasi ma lo‘u loto, ma le mana o lo tatou Alii o Iesu Keriso, o le suafa o lo tatou Alii o Iesu Keriso, 5tou te tuuina atu ai le ua faapea ia Satani, e fano ai le tino, ina ia sao le agaga i le aso o le Alii o Iesu. 6E le tusa lo outou mitamita. Tou te le iloa ea o se mea faafefete itiiti, e faafefeteina ai le palugāfalaoa uma lava? 7O le mea lea ia outou faatea ese ai le mea faafefete tuai, ina ia avea outou ma paluga fou, ona ua leai o se mea faafefete ia te outou; auā foi o Keriso la tatou paseka ua fasia mo i tatou. 8O lenei, aua tatou te faia le tausamiga ma le mea faafefete tuai, po o le mea faafefete o le loto leaga ma le amio leaga; a ia faia ma le mea e le faafefeteina, o le loto lelei ma le faamaoni.
9Ua ou tusi atu ia te outou i la‘u tusi, aua tou te feoai ma e faitaaga. 10A e le matuā faapea foi i e faitaaga i lenei lalolagi, atoa ma e matapeapea, ma e fao mea, ma e ifo i tupua; ana faapea, e ao ina outou o ese atu i le lalolagi. 11A o lenei, ua ou tusi atu ia te outou, ai se tasi ua ta‘uusoina a e faitaaga, pe matapeapea, pe ifo i tupua, pe agatele, pe onā, pe fao mea; aua lava ne‘i tou feoai, aua foi tou te aai faatasi ma le o faapea. 12Auā o ia te au ea ona faamasino i e ua i tua? Tou te le faamasino ea i e ua i loto pa? 13A o e i tua, e faamasinoina i latou e le Atua. O lenei, ia faateaeseina e outou lena tagata amio leaga ia te outou.
Currently Selected:
I. KORINITO, 5: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
